फोटो सौजन्य - सोशल मिडिया
आशिया कप २०२५ मध्ये भारत आणि पाकिस्तान यांच्यात दोन सामने खेळले गेले आहेत. भारताच्या संघाने या दोन्ही सामन्यामध्ये पाकिस्तानसोबत हस्तादोंलन करण्यास मनाई केली. भारताच्या संघाने या पाकिस्तानविरुद्ध झालेल्या सामन्यामध्ये कमालीची कामगिरी केली आहे. दोन्ही सामन्यांमध्ये टीम इंडियाने पाकिस्तानला वाईटरित्या पराभूत केले आहे. सुपर-४ मध्ये खेळल्या गेलेल्या सामन्यादरम्यान पाकिस्तानी खेळाडूंचे घृणास्पद वर्तन पाहायला मिळाले, सामन्यादरम्यान हरिस रौफ आणि साहिबजादा फरहान सारख्या खेळाडूंनी वादग्रस्त सेलिब्रेशन केले.
त्यानंतर भारतीय चाहत्यांनी पाकिस्तानी खेळाडूंवर जोरदार टीका केली. त्यानंतर सोशल मिडियावर भारताच्या क्रिकेट तज्ञांनी देखील यासंर्भात पाकिस्तानी क्रिकेट खेळाडूवर टीका केली आहे. आता पाकिस्तान क्रिकेट बोर्ड आणि आशियाई क्रिकेट परिषदेचे अध्यक्ष मोहसिन नक्वी यांचेही घृणास्पद वर्तन पाहायला मिळाले आहे.
अलिकडेच पाकिस्तान क्रिकेट बोर्डाचे अध्यक्ष मोहसीन नक्वी यांनी सोशल मीडियावर एक वादग्रस्त पोस्ट शेअर केली ज्यामुळे बरीच चर्चा रंगली. पोस्टमध्ये नक्वी यांनी दिग्गज फुटबॉलपटू क्रिस्टियानो रोनाल्डो विमान उडवण्याचा इशारा करतानाचा फोटो शेअर केला आहे. यामुळे आता भारतीय चाहते संतप्त झाले आहेत.
If ICC has any shame left, they should ban Pakistan cricket for 2 years. ACC Chairman Mohsin Naqvi openly mocked India by putting this pic intentionally, this is unacceptable 🚨🚨 pic.twitter.com/6ensE59cbr — Space Recorder (@1spacerecorder) September 24, 2025
मोहसिन नक्वीच्या कृत्यानंतर भारतीय चाहते पाकिस्तान क्रिकेट बोर्डावर दोन वर्षांची बंदी घालण्याची मागणी करत आहेत. खरं तर, भारत-पाकिस्तान सुपर फोर सामन्यादरम्यान, हरिस रौफनेही लढाऊ विमान पाडण्याचा इशारा केला होता. बीसीसीआयने आता त्याच्याविरुद्ध तक्रार दाखल केली आहे.
२०२५ च्या आशिया कपमधील चौथ्या सुपर फोर सामन्यात टीम इंडिया आणि बांगलादेश यांच्यात सामना झाला. टीम इंडियाने हा सामना ४१ धावांनी जिंकून अंतिम फेरीत प्रवेश केला. आता पाकिस्तानचा सामना बांगलादेशशी होईल, जो दोन्ही संघांसाठी महत्त्वाचा सामना आहे. या ‘करो या मरो’ सामन्यात विजय मिळवल्यास त्यांचे अंतिम फेरीत स्थान निश्चित होईल. त्यानंतर भारत आणि पाकिस्तान अंतिम फेरीत एकमेकांसमोर येतील. २०२५ च्या आशिया कपमध्ये भारत आणि पाकिस्तान यांच्यातील हा तिसरा सामना असू शकतो.
