रविवार, 21 जून 2026
IND W vs SA W: भारत-दक्षिण आफ्रिका आमनेसामने, हरमनप्रीत कौर रचणार इतिहास; 200 वा टी20 सामना खेळणार
भारत आणि इंग्लंड (Ind vs Eng) यांच्यातील तीन एकदिवसीय सामन्यांची मालिकेतील पहिला सामना १४ जुलै रोजी एड्जबॅस्टन येथे खेळला जाईल. तर, मालिकेतील दुसरा सामना १६ जुलै रोजी खेळवला जाणार आहे. तिसरा सामना १९ जुलै रोजी लंडनच्या ऐतिहासिक लॉर्ड्स मैदानावर खेळला जाईल. एकदिवसीय मालिकेपूर्वी, दोन्ही संघ १ जुलैपासून पाच टी-२० आंतरराष्ट्रीय सामन्यांची मालिका खेळतील, ज्यासाठी श्रेयस अय्यरच्या नेतृत्वाखालील संघ आधीच जाहीर करण्यात आला आहे.
बीसीसीआयच्या समितीने इंग्लंडविरुद्धच्या एकदिवसीय मालिकेसाठी संघाची घोषणा केली आहे, परंतु समितीने स्पष्टपणे सांगितले आहे की, या मालिकेत विराट कोहलीचे खेळणे फिटनेस टेस्टवर अवलंबून आहे. कोहलीची फिटनेस टेस्ट २२ जून रोजी बीसीसीआयच्या सेंटर ऑफ एक्सलन्समध्ये येथे होईल. आयपीएल २०२६ च्या अंतिम सामन्यात गुजरात टायटन्सविरुद्ध नाबाद ७५ धावा करून विराट कोहलीने रॉयल चॅलेंजर्स बंगळुरुला विजय मिळवून दिला होता. त्याच सामन्यादरम्यान विराटला हॅमस्ट्रिंगची दुखापत झाली. या दुखापतीमुळे विराटला अफगाणिस्तानविरुद्धच्या एकदिवसीय मालिकेतून बाहेर राहावे लागले होते.
कोहलीचा संघात समावेश करण्यात आला असताना, अष्टपैलू हार्दिक पांड्याला वगळण्यात आले आहे. हार्दिक दुखापतीतून सावरला होता आणि त्याने बीसीसीआय कॉउन्सिल ऑफ इंग्लंडमध्ये सराव सुरू केला होता. एकदिवसीय सामन्यांमध्ये खेळण्यासाठी तो फिट नसल्याने या मालिकेत त्याचा सहभाग अनिश्चित मानला जात होता. हार्दिक दुखापतीतून पूर्णपणे सावरलेला नाही. म्हणून अफगाणिस्तान दौऱ्यानंतर, त्याला इंग्लंड दौऱ्यासाठीच्या संघातूनही वगळण्यात आले आहे. परिणामी, नितीश रेड्डी यांना पुन्हा एकदा संधी देण्यात आली आहे.
अफगाणिस्तानविरुद्धच्या तिसऱ्या एकदिवसीय सामन्यात शतक झळकावल्यानंतरही यशस्वी जैस्वालला संघात स्थान मिळावले नाही. सुरुवातीला अफगाणिस्तानविरुद्धच्या एकदिवसीय मालिकेसाठीही यशस्वीची निवड झाली नव्हती. कोहली दुखापतीमुळे संघाबाहेर गेल्यानंतर यशस्वीला संधी मिळाली. त्याच वेळी, संघाचा स्टार वेगवान गोलंदाज जसप्रीत बुमराह संघात परतल्याने प्रिन्स यादवला बाहेर बसावे लागले आहे.याशिवाय, वेगवान गोलंदाजांमध्ये गुरनूर, हर्षित राणा, प्रसिद्ध कृष्णा आणि अर्शदीप सिंग यांचा संघात समावेश आहे.
भारताने संघात पाच वेगवान गोलंदाज आणि चार फिरकी गोलंदाजांना संधी दिली आहे, पण पुन्हा एकदा रवींद्र जडेजाला संघामध्ये स्थान मिळालेले नाही. यापूर्वी अफगाणिस्तानविरुद्धच्या तीन सामन्यांच्या एकदिवसीय मालिकेतही जडेजा खेळला नव्हता आणि आता त्याला इंग्लंड दौऱ्यासाठी संधी मिळालेली नाही. फिरकी गोलंदाजांमध्ये अक्षर पटेल, कुलदीप यादव, नितीश रेड्डी आणि वॉशिंग्टन सुंदर यांचा संघात समावेश आहे. तर, यष्टीरक्षक म्हणून केएल राहुल आणि ईशान किशन या दोघांनाही संधी मिळाली आहे.
शुभमन गिल (कर्णधार), रोहित शर्मा, विराट कोहली*, श्रेयस अय्यर (उपकर्णधार), केएल राहुल (यष्टीरक्षक), इशान किशन (यष्टीरक्षक), वॉशिंग्टन सुंदर, अक्षर पटेल, नितीश रेड्डी, कुलदीप यादव, जसप्रीत बुमराह, प्रसिद्ध कृष्णा, हर्षित राणा, अर्शदीप सिंह, गुरनूर ब्रार
श्रेयस अय्यर (कर्णधार), अभिषेक शर्मा, संजू सॅमसन (यष्टीरक्षक), इशान किशन (यष्टीरक्षक), शिवम दुबे, तिलक वर्मा (उपकर्णधार), नितीश रेड्डी, अक्षर पटेल, वॉशिंग्टन,रवि बिश्नोई, हर्षित राणा, अर्शदीप सिंह, प्रिन्स यादव, वैभव सूर्यवंशी,प्रसिद्ध कृष्णा
