Hall of Fame Ms dhoni : ‘ही भावना मी कायम जपून…’, ‘हॉल ऑफ फेम ‘वर कॅप्टन कुल एम एस धोनीची पहिली प्रतिक्रिया.. 

भारताचा यशस्वी माजी कर्णधार महेंद्रसिंग धोनीला आयसीसी 'हॉल ऑफ फेम' यामध्ये सामील करण्यात आले आहे. आयसीसी हॉल ऑफ फेममध्ये समाविष्ट झाल्यानंतर बोलताना धोनी म्हणाला की, आयसीसी हॉल ऑफ फेममध्ये समावेश होणे हा एक सन्मान आहे.

महेंद्रसिंग धोनी(फोटो-सोशल मीडिया)

Follow Us:

Follow Us:

Hall of Fame MS Dhoni : भारताचा यशस्वी माजी कर्णधार महेंद्रसिंग धोनीला आयसीसी ‘हॉल ऑफ फेम’ यामध्ये सामील करण्यात आले आहे. भारताच्या कर्णधारासह इतर विदेशी खेळाडूंना देखील यामध्ये सामील करण्यात आले आहे. ऑस्ट्रेलियन महान सलामीवीर खेळाडू मॅथ्यू हेडन आणि न्युझीलँडचा महान फिरकी गोलंदाज डॅनियम विक्टरी याला सामील करण्यात आले आहे. त्याचबरोबर दक्षिण आफ्रिकेचा हाशिम आमला आणि महान कर्णधार ग्रॅमी स्मिथ यांना हा सन्मान देण्यात आला आहे.

आयसीसी हॉल ऑफ फेममध्ये समाविष्ट झाल्यानंतर बोलताना महेंद्रसिंह धोनी म्हणाला की, आयसीसी हॉल ऑफ फेममध्ये समावेश होणे हा एक सन्मान आहे. पिढ्यानपिढ्या आणि जगभरातील क्रिकेटपटूंच्या योगदानाची दखल घेणारा हा सन्मान आहे. अशा सर्वकालीन महान खेळाडूंसोबत तुमचे नाव लक्षात ठेवणे ही एक अद्भुत भावना आहे. ही भावना मी कायम जपून ठेवेन. बीसीसीआयने ऑफ फेममध्ये स्थान मिळाल्याबद्दल भारतीय क्रिकेट नियामक मंडळाने (बीसीसीआय) महेंद्रसिंह धोनीचे अभिनंदन केले आहे. बीसीसीआयने ‘एक्स’ पोस्टमध्ये म्हटले आहे की, भारतीय संघाचा माजी कर्णधार महेंद्रसिंग धोनीला आयसीसी हॉल ऑफ फेममध्ये स्थान मिळाल्याबद्दल खूप खूप अभिनंदन. या प्रतिष्ठित यादीत समाविष्ट होणारा तो ११ वा भारतीय खेळाडू ठरला आहे.

हेही वाचा : WI vs AUS : ऑस्ट्रेलियाविरुद्धच्या कसोटी मालिकेसाठी वेस्ट इंडिजचा कसोटी संघ घोषित! ‘या’ फलंदाजाला लागली ४ वर्षांनी लॉटरी..

सोमवारी जाहीर झालेल्या आंतरराष्ट्रीय क्रिकेट परिषदेच्या हॉल ऑफ फेममध्ये भारताचा महेंद्रसिंग धोनी आणि दक्षिण आफ्रिकेचा हाशिम अमला आणि ग्रॅमी स्मिथ यांचा समावेश आहे. ऑस्ट्रेलियाचा मॅथ्यू हेडन आणि न्यूझीलंडचा डॅनियल व्हेटोरी, पाकिस्तानची माजी कर्णधार सना मीर आणि इंग्लंडची सारा टेलर यांना महिला क्रिकेटमधील योगदानाबद्दल सन्मानित करण्यात आले. हा समारंभ लंडनच्या अ‍ॅबे रोड स्टुडिओमध्ये आयोजित करण्यात आला होता.

हा तर एक सन्मान आहे :  एम. एस धोनी

आयसीसी हॉल ऑफ फेममध्ये समाविष्ट झाल्यानंतर धोनीने प्रतिक्रिया दिली आहे. तो म्हणाला की, “आयसीसी हॉल ऑफ फेममध्ये नाव मिळणे हा एक मोठा सन्मान आहे, जो पिढ्यानपिढ्या आणि जगभरातील क्रिकेटपटूंच्या योगदानाची दखल घेतो.” असे भारताचा माजी कर्णधार म्हणाला.

महेंद्रसिंग धोनीच्या कामगिरीवर एक नजर..

• भारताचा माजी कर्णधार धोनीने २०११ मध्ये देशाला एकदिवसीय आंतरराष्ट्रीय विश्वचषक जिंकून देण्यात मोठी भूमिका बजावली होती.   मुंबईत एका संस्मरणीय रात्री विकेटकीपर-फलंदाज धोनीने विजयी षटकार मारून जेतेपद आपल्या नावावर केले होते.
• २००७ च्या पहिल्या टी-२० विश्वचषक विजेतेपदासह तसेच २०१३ च्या चॅम्पियन्स ट्रॉफीमध्ये भारताचे नेतृत्व धोनीने केले होते. आयसीसीच्या तीनही व्हाईट-बॉल ट्रॉफी आपल्या देशाच्या नावावर करणारा धोनी एकमेव कर्णधार आहे.

हेही वाचा : रियान पराग सांभाळणार या संघाची कमान! भारत-इंग्लंड मालिकेदरम्यान दौरा करणार

• धोनीने आपल्या एकदिवसीय कारकिर्दीत त्याने ३५० सामने खेळले आणि १०,००० पेक्षा जास्त धावा देखील केल्या आहेत.

Web Title: I will always cherish this feeling captain ms dhonis first reaction on hall of fame

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com