सौजन्य - BCCI ICC Rankings : जसप्रीत बुमराह ठरला जगातील सर्वोत्तम गोलंदाज; 'या' दिग्गजांना मागे टाकत जागतिक क्रमवारीत गाठला 1 नंबर
Jasprit Bumrah Most Test wickets on Australian Soil : बॉर्डर-गावस्कर ट्रॉफी 2024-25 चा तिसरा कसोटी सामना गाब्बामध्ये खेळला जात आहे. भारत आणि ऑस्ट्रेलिया यांच्यातील पाच सामन्यांची कसोटी मालिका १-१ अशी बरोबरीत आहे. या कठीण कसोटी मालिकेत भारतीय संघ फॉर्मच्या बाबतीत ऑस्ट्रेलियन संघापेक्षा मागे पडल्याचे दिसत आहे. पण भारतीय संघाचा वेगवान गोलंदाज जसप्रीत बुमराहने ऑस्ट्रेलियावर कहर केला आहे. त्याने ऑस्ट्रेलियाविरुद्ध आतापर्यंत शानदार गोलंदाजी करीत अनुभवी कर्णधार कपिल देवचा विक्रम मोडला आहे. याशिवाय तो ऑस्ट्रेलियात सर्वात जलद कसोटी विकेट घेणारा भारतीय गोलंदाज बनला आहे.
जसप्रीत बुमराहने कपिल देवचा विक्रम मोडला
बॉर्डर-गावस्कर ट्रॉफी 2024-25 च्या तिसऱ्या कसोटी सामन्याच्या दुसऱ्या डावात जसप्रीत बुमराहने आपल्या अप्रतिम गोलंदाजीने सामन्यात जीवदान दिले. गब्बा कसोटीच्या दुसऱ्या डावात त्याने ऑस्ट्रेलियात सर्वाधिक आणि वेगवान कसोटी बळी घेण्याच्या विक्रमात कपिल देवला मागे टाकले. उस्मान ख्वाजाची विकेट घेत बुमराहने ही कामगिरी केली. बुमराहने ऑस्ट्रेलियन फलंदाज उस्मान ख्वाजाची विकेट घेत कपिल देवचा ५१ बळींचा विक्रम मागे टाकला.
मालिकेतील भारताचा सर्वात प्रभावी गोलंदाज
जसप्रीत बुमराहने बॉर्डर-गावस्कर ट्रॉफी 2024-25 मध्ये भारतीय गोलंदाजी आक्रमण मजबूत केले आहे. सध्याच्या मालिकेतील तिसऱ्या कसोटी सामन्यापर्यंत त्याने 20 बळी घेतले असून त्याची सरासरी 10.90 आहे. गब्बा कसोटीच्या पहिल्या डावात इतर भारतीय गोलंदाज विकेटसाठी झगडत असताना बुमराहने 6 विकेट घेत ऑस्ट्रेलियाला अडचणीत आणले. यानंतर दुसऱ्या डावात बुमराहने 3 बळी घेत ऑस्ट्रेलियाला गुडघे टेकण्यास भाग पाडले. त्याची कामगिरी टीम इंडियासाठी गेम चेंजर ठरली.
खेळाडू सामना डाव बळी टक्केवारी
जसप्रीत बुमराह 10* 20 53 17.15
कपिल देव 11 21 51 24.58
अनिल कुंबले 10 18 49 37.73
आर अश्विन 11* 19 40 42.42
बिशन सिंह बेदी 7 14 35 27.51
