शनिवार, 14 नोव्हेंबर 2026
IND vs SL: गॉलची पिच ठरवणार ‘गेम’! फलंदाज की गोलंदाज, कोणाला मिळणार साथ?
भारतीय पुरुष क्रिकेट संघ सध्या श्रीलंका दौऱ्यावर आहे. आजपासून दोन सामन्यांच्या कसोटी मालिकेला सुरुवात होत आहे. सामन्या सुरु होण्याआधी भारतीय संघाने श्रीलंका येथील गॉलमध्ये तिरंगा फडकावून देशाचा स्वातंत्र्यदिवस साजरा केला आहे. या खास क्षणाचा व्हिडिओ बीसीसीआयने आपल्या X प्लॅटफॉर्मवर शेअर केला आहे. या व्हिडिओमध्ये भारतीय खेळाडू आणि संघाचे सदस्य तिरंग्यासमोर दिसत आहेत. याप्रसंगी खेळाडूंनी देशाप्रती आदर व्यक्त केला आणि स्वातंत्र्यदिन सोहळ्यात भाग घेतला. खेळाडूंनी राष्ट्रगीतही गायले. हा क्षण भारतीय क्रिकेट संघासाठी देखील खास आहे, कारण याच दिवशी संघाने आपला ऐतिहासिक ६०० वा कसोटी सामना खेळला आहे. गॉलमध्ये श्रीलंकेविरुद्ध खेळला गेलेला हा सामना भारताच्या कसोटी क्रिकेट इतिहासातील एक मोठा टप्पा आहे.
On the occasion of Independence Day, #TeamIndia gathered at Galle to hoist the Tricolour 🇮🇳 ahead of the First #SLvIND Test.#IndependenceDay pic.twitter.com/tHKIggV6AU — BCCI (@BCCI) August 15, 2026
भारताने १९३२ मध्ये कसोटी क्रिकेटमध्ये पदार्पण केले आणि आता ९४ वर्षांच्या प्रवासानंतर, संघ आपली ६०० वा कसोटी सामना खेळत आहे. अशी कामगिरी करणारा भारत हा जगातील तिसरा संघ आहे. त्यांच्या आधी इंग्लंड आणि ऑस्ट्रेलियाने ६०० किंवा त्याहून अधिक कसोटी सामने खेळले आहेत. या ऐतिहासिक सामन्यात शुभमन गिल भारतीय संघाचे नेतृत्व करत आहे. गिलच्या नेतृत्वाखाली, संघ श्रीलंकेविरुद्धच्या कसोटी मालिकेची सुरुवात विजयाने करू इच्छितो.
पहिल्या दिवशी दुपारच्या लंच ब्रेकनंतर भारताने एक विकेट गमावून १०१ धावा केल्या आहेत. देवदत्त पडिक्कल चार चौकार आणि एका षटकारासह ३५ धावांवर नाबाद आहे, तर केएल राहुल चार चौकार आणि एका षटकारासह ३२ धावांवर नाबाद आहे. या दोघांनी आता ५४ धावांची नाबाद भागीदारी केली आहे. भारताला एकमेव धक्का यशस्वी जैस्वालच्या रूपाने बसला, जो पाच चौकारांसह ३२ धावा करून धावबाद झाला.
