रविवार, 25 ऑक्टोबर 2026
(Photo - X)
Manoj Jarange Audio Clip Row : राज्याच्या राजकारणातील वातावरण मनोज जरांगे पाटील यांनी फोडलेल्या ऑडिओ बॉम्बमुळे ढवळून निघाले आहे. महायुतीतमधली छुपी धुसफूसदेखील यानंतर बाहेर पडली. भाजप आणि शिवसेना शिंदे गटाचे नेते एकमेकांवर चांगलीच आगपाखड करत आहेत. यावरूनच आता जरांगेनी पुन्हा एकदा निशाणा साधला आहे.
दोन्ही बाजूंकडून आरोप-प्रत्यारोप सुरू असतानाच आता मनोज जरांगे यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांना थेट आव्हान दिलं आहे.
माध्यमांशी बोलताना जरांगे यांनी दोन्ही नेत्यांनी ऑडिओ क्लिपमागील सत्य शोधून काढावं, अशी मागणी केली. क्लिप खरी आहे की खोटी, याचा स्पष्ट खुलासा झाला पाहिजे, अशी त्यांची भूमिका आहे.
जरांगे म्हणाले की, मराठा आंदोलन चिरडण्याचा प्रयत्न झाल्याचा त्यांचा आरोप आहे. या मुद्द्यावरून आता दोन पक्षांतील नेते एकमेकांवर आरोप करत आहेत. मात्र, या वादातून मूळ प्रश्न बाजूला पडू नये, असंही त्यांनी म्हटलं.
ऑडिओ क्लिपच्या सत्यतेबाबत बोलताना जरांगे यांनी फडणवीस आणि शिंदे यांच्याकडून तपासावर लक्ष ठेवण्याची अपेक्षा व्यक्त केली. क्लिपमधील दावे खरे आहेत की नाहीत, हे तपासातून स्पष्ट व्हायला हवं, असं त्यांनी सांगितलं.
तसंच, मराठा समाजाने दोन्ही नेत्यांसाठी काम केलं आणि मतदानही केलं, असा उल्लेख करत जरांगेंनी आंदोलनाबाबत त्यांच्या भूमिकेवर प्रश्न उपस्थित केले. आंदोलनासंदर्भातील आरोपांची चौकशी करून सत्य समोर आणावं, असं आवाहनही त्यांनी केलं.
या प्रकरणात एसआयटी आणि फॉरेन्सिक तपासाच्या माध्यमातून सत्य बाहेर येईल, अशी आशा जरांगे यांनी व्यक्त केली. मुख्यमंत्री फडणवीस आणि एकनाथ शिंदे यांनी या प्रकरणाकडे गांभीर्याने लक्ष द्यावं, असंही ते म्हणाले.
दरम्यान, ऑडिओ क्लिपवरून सुरू असलेल्या राजकीय वादात वरिष्ठ नेत्यांनी संयम बाळगण्याचा सल्ला दिल्याचं सांगितलं जात आहे. त्यामुळे नेत्यांच्या आरोप-प्रत्यारोपांना काहीसा विराम मिळाल्याचं चित्र आहे.
मात्र, या संपूर्ण प्रकरणात तपासातून नेमकं काय समोर येतं आणि सरकार या मागणीवर काय भूमिका घेतं, याकडे आता सर्वांचं लक्ष लागलं आहे.
आरोप-प्रत्यारोप बंद करा, शेतकऱ्यांच्या मदतीला जा! एकनाथ शिंदेंचे शिवसेना नेत्यांना आदेश
Ans: मनोज जरांगे पाटील यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांना ऑडिओ क्लिपमागील सत्य शोधून काढण्याचं आव्हान दिलं.
Ans: ऑडिओ क्लिपची सत्यता तपासून ती खरी आहे की खोटी, हे स्पष्ट करावं, अशी जरांगे यांची मागणी आहे. एसआयटी आणि फॉरेन्सिक तपासातून सत्य समोर येईल, अशी अपेक्षाही त्यांनी व्यक्त केली.
