गब्बर इज बॅक! Shikhar Dhawan मुळे माझा खेळ बदलला, एलएसजीला पाणी पाजणाऱ्या ‘या’ खेळाडूची कबुली.. 

दिल्ली कॅपिटल्सचा धडाकेबाज फलंदाज आशुतोष शर्मा, त्याच्या बदललेल्या खेळाबाबत म्हणाला की, त्याच्या जुन्या फ्रँचायझी पंजाब किंग्जचा कर्णधार शिखर धवनकडून मिळालेल्या मार्गदर्शनासाठी मी त्याचा नेहमीच कृतज्ञ राहील.

आशुतोष शर्मा आणि शिखर धवन(फोटो-सोशल मीडिया)

Follow Us:

Follow Us:

Shikhar Dhawan : दिल्ली कॅपिटल्सचा धमाकेदार फलंदाज आशुतोष शर्मा म्हणाला की, त्याच्या जुन्या फ्रँचायझी पंजाब किंग्जचा कर्णधार शिखर धवनकडून मिळालेल्या धड्यांसाठी तो नेहमीच कृतज्ञ राहील. स्थानिक क्रिकेटमध्ये रेल्वेचे प्रतिनिधित्व करणाऱ्या २६ वर्षीय आशुतोषने इंडियन प्रीमियर लीग (आयपीएल) मधील सर्वात संस्मरणीय खेळींपैकी एक खेळला, त्याने लखनौ सुपर जायंट्सविरुद्ध ३१ चेंडूत नाबाद ६६ धावा केल्या आणि शेवटच्या षटकात त्याच्या संघाला एक विकेटने रोमांचक विजय मिळवून दिला होता. त्याच्या या खेळीने सर्वांनाच आश्चर्यचकित करून टाकले होते.

आशुतोषच्या वादळात एलएसजी नेस्तनाबूत

विजयासाठी २१० धावांच्या लक्ष्याचा पाठलाग करताना दिल्लीने ६५ धावांत पाच विकेट गमावल्या होत्या. आशुतोषने पाच चौकार आणि पाच षटकारांच्या मदतीने नाबाद खेळी केली आणि दिल्ली कॅपिटल्सला लक्ष्यापर्यंत पोहोचवले. विजयानंतर, आशुतोषने त्याचा सामनावीर पुरस्कार धवनला समर्पित केला आणि त्याच्या कारकिर्दीवर या धमाकेदार फलंदाजाचा किती प्रभाव पडला हे मान्य केले. गेल्या आयपीएल लिलावात दिल्ली कॅपिटल्सने आशुतोषला ३.८ कोटी रुपयांच्या बोलीसह संघात निवडले.

हेही वाचा : CSK vs RCB : ‘त्या’ दोन बाऊन्सरवर दोन दिग्गजांचा संताप, खेचले षटकारानंतर षटकार, केली गोलंदाजांची धुलाई..

त्याने खेळाकडे पाहण्याचा दृष्टिकोन बदलवला

तो याआधी आयपीएलमध्ये पंजाब किंग्जचा भाग असताना धवनला पहिल्यांदा भेटला होता. धवनच्या रूपात त्याला एक मार्गदर्शक आणि जोडीदार मिळाला ज्याचा त्याच्या खेळाकडे पाहण्याच्या दृष्टिकोनावर मोठा प्रभाव पडला. धवन माझ्या खेळीवर खूप खूश होता, असे आशुतोषने शुक्रवारी ‘जियो स्टार -दिल्ली कॅपिटल्स प्रेस रूम’मध्ये सांगितले. तो मला नेहमी नम्र राहण्यास सांगतो. त्याने मला कौशल्यांबद्दल फारसे काही शिकवले नाही पण आयुष्य, मानसिकता आणि खेळाकडे पाहण्याचा दृष्टिकोन याबद्दलचे त्याचे धडे माझे आयुष्य खूप बदलले आहेत.

हेही वाचा : MI vs GT : हार्दिक परतला! मुंबई IPL मधील पहिल्या विजयासाठी सज्ज; आज गुजरातसोबत करणार दोन हात…

आरसीबीकडून चेन्नई सुपर किंग्सचा पराभव…

रॉयल चॅलेंजर्स बंगळुरू विरुद्ध चेन्नई सुपर किंग्स यांच्यामध्ये काल म्हणजेच २८ मार्चला चेपॉक स्टेडियमवर सामना रंगला होता. यावेळी आरसीबीने चेन्नई सुपर किंग्ससमोर १९६  धावांचे आव्हान दिले होते. परंतु चेन्नईचा संघ २०  षटकात केवळ १४६ धावा करू शकला आणि या सामन्यांमध्ये चेन्नईच्या संघाचा बंगळुरूने ५०  धावांनी पराभव केला. या विजयाने आरसीबीने तब्बल १८  वर्षाचा विजयाचा दुष्काळ संपवला आहे. या सामन्यात रॉयल चॅलेंजर्स फलंदाजांसोबतच गोलंदाजांनी देखील शानदार कामगिरी केल्याचे बघायला मिळाले. या सामन्यात कॅप्टन रजत पाटीदारने संघासाठी अर्धशतकीय खेळी साकारली. रजत पाटीदारने संघासाठी ५१  धावांची महत्वाची खेळी केली. तर फिल्ल सॉल्टने संघासाठी वेगवान ३२ धावा केल्या. तसेच विराट कोहलीने या सामन्यात उपयुक्त अशा ३१  धावा केल्या. तर शेवटच्या षटकात टीम डेव्हिडने संघासाठी महत्वाच्या ८  चेंडूंमध्ये २२ धावा चोपल्या.

Web Title: Shikhar dhawan changed my game ashutosh sharma

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com