SL vs BAN: कुसल मेंडिसने रचला इतिहास, ‘या’ गोष्टीत ठरला नंबर 1, कुसल परेराचा तोडला रेकॉर्ड

बांगलादेशविरुद्धच्या सामन्यात ३४ धावा करून, आंतरराष्ट्रीय टी२० सामन्यात श्रीलंकेकडून सर्वाधिक धावा करण्याचा विक्रम कुसल मेंडिसच्या नावावर आहे. त्याने कुसल परेराचा रेकॉर्ड तोडून आपले स्थान निर्माण केले आहे

कुसल मेंडिसचा रेकॉर्ड (फोटो सौजन्य - इन्स्टाग्राम)

Follow Us:

Follow Us:

• कुसल मेंडिसचा विक्रम
• कुसल परेराचा रेकॉर्ड मोडला
• श्रीलंका विरुद्ध बांगलादेश सामन्यात केला रेकॉर्ड 

बांगलादेशविरुद्धच्या या सामन्यात कुसल मेंडिसने २५ चेंडूत ३४ धावा केल्या. यासह त्याने टी२० आंतरराष्ट्रीय सामन्यांमध्ये श्रीलंकेसाठी सर्वाधिक धावा करणारा खेळाडू म्हणून कुसल परेराला मागे टाकले. मेंडिसने या फॉरमॅटमध्ये २१९८ धावा केल्या आहेत, तर परेराने टी२० आंतरराष्ट्रीय सामन्यांमध्ये २१९२ धावा केल्या आहेत. पथुम निस्सांका टी२० आंतरराष्ट्रीय सामन्यांमध्ये २०९६ धावांसह यादीत तिसऱ्या स्थानावर आहे. तिलकरत्ने दिलशान या यादीत चौथ्या स्थानावर आहे, त्याने टी२० आंतरराष्ट्रीय सामन्यांमध्ये १८८९ धावा केल्या आहेत. मेंडिसने ही कामगिरी करत पुन्हा एकदा श्रीलंकेच्या टीमचे नाव वर आणले आहे. 

SL vs BAN Pitch Report : दुबईमध्ये होणार आज सुपर 4 चा शुभारंभ! फलंदाज की गोलंदाज, कोणाला फायदा होईल? कशी असेल खेळपट्टी

श्रीलंकेचा टी-२० मध्ये सर्वाधिक धावा करणारा खेळाडू

• कुसल मेंडिस – ८७ सामने: २१९८ धावा
• कुसल परेरा – ८५ सामने: २१८७ धावा
• पथुम निस्सांका – ७१ सामने: २०७४ धावा
• तिल्लकरत्ने दिलशान – ८० सामने: १८८९ धावा
• दासुन शनाका – १११ सामने: १५३७ धावा

कुसल मेंडिसने टी-२० आशिया कपमध्ये सर्वाधिक धावा करणारा खेळाडू म्हणून रोहित शर्माला मागे टाकले आहे. मेंडिसने १० सामन्यांमध्ये १० डावांमध्ये २७७ धावा केल्या आहेत. रोहित शर्माने ९ सामन्यांमध्ये ९ डावांमध्ये २७१ धावा केल्या आहेत. या सामन्यात मेंडिसने २९ धावा करून रोहित शर्माला मागे टाकले आहे. टी-२० आशिया कपमध्ये सर्वाधिक धावा करण्याचा विक्रम विराट कोहलीच्या नावावर आहे. विराटने १० सामन्यांमध्ये ४२९ धावा केल्या आहेत.

SL Vs BAN Aisa Cup 2025: श्रीलंकेसमोर तगड्या बांग्लादेशचे आव्हान; सुपर 4 मध्ये कोण मारणार बाजी?

श्रीलंकेने बांगलादेशसमोर १६९ धावांचे लक्ष्य ठेवले

बांगलादेश आणि श्रीलंका यांच्यातील टी-२० आशिया कप सामन्यात, श्रीलंकेने प्रथम फलंदाजी करताना बांगलादेशसमोर १६९ धावांचे लक्ष्य ठेवले. या सामन्यात श्रीलंकेकडून दासुन शनाकाने सर्वाधिक धावा केल्या. त्याने ३७ चेंडूत तीन चौकार आणि पाच षटकारांसह नाबाद ६४ धावा केल्या. त्यानंतर कुसल मेंडिसने ३४, निसांका २२ आणि चरिथ असलंका यांनी २१ धावा केल्या. बांगलादेशकडून मुस्तफिजूर रहमानने चार षटकांत २० धावा देत तीन बळी घेतले.

Web Title: Sl vs ban asia cup 2025 kusal mendis becomes highest scorer for sri lanka in t20i broke kusal perera record

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com