गुरुवार, 22 ऑक्टोबर 2026
MI vs RR Head To Head Records (फोटो- सोशल मिडिया)
मुंबई अन् राजस्थान 31 वेळा आमनेसामने
आज गुवाहाटीमध्ये रंगणार थरार
संध्याकाळी 7.30 वाजता सुरू होणार सामना
Tata IPL 2026 Live MI vs RR Updates: आज गुवाहाटी येथील बरसपारा स्टेडियमवर संध्याकाळी 7.30 वाजता मुंबई इंडियन्स विरुद्ध राजस्थान रॉयल्स यांच्यात आयपीएलचा थरार रंगणार आहे. मुंबईचे नेतृत्व हार्दिक पंड्या तर राजस्थानचे रॉयल्सचे नेतृत्व रियान पराग करत आहे. या दोन्ही संघांमधील हेड टू हेड रेकॉर्डस (MI vs RR) बाबत आज आपण जाणून घेऊयात.
राजस्थान रॉयल्सचा संघ सध्या फॉर्ममध्ये आहे. यशस्वी जयस्वाल, वैभव सूर्यवंशी आणि अन्य खेळाडू देखील चांगले प्रदर्शन करत आहेत. त्यामुळे राजस्थानचा संघ आपले दोन्ही सामने जिंकून आज मैदानात उतरणार आहे. तर मुंबई इंडियन्सने आपला पहिला सामना जिंकला आहे. मात्र मागील सामन्यात मुंबईचा दिल्लीने पराभव केला आहे. त्यामुळे दोन्ही संघ आक्रमक खेळी करताना दिसून येत शकतात. संध्याकाळी 7.30 वाजता सामना सुरू होणार आहे. आज हार्दिक पंड्या खेळणार की नाही याकडे सर्वांचे लक्ष आहे.
IPL 2026 : Hardik Pandya मैदानात कधी परतणार? Mumbai Indians च्या कॅप्टन्सीच्या पेचात मोठी अपडेट
मुंबई विरुद्ध राजस्थान हेड टू हेड रेकॉर्ड
संपूर्ण आयपीएल हंगामात मुंबई इंडियन्स आणि राजस्थान रॉयल्स 31 वेळा आमने सामने आले आहेत. त्यामध्ये 16 मुंबई इंडियन्स आणि 14 राजस्थान रॉयल्सच्या संघाने जिंकले आहेत. त्यामुळे मुंबई इंडियन्सच्या संघाचे पारडे जड वाटत आहे. मात्र यंदा राजस्थान रॉयल्सने ग्राऊंडवर कमाल केली आहे. दोन्ही सामन्यात विजय प्राप्त केला आहे.
मुंबई विरुद्ध राजस्थान पीच रिपोर्ट
बरसपारा क्रिकेट स्टेडीयमची खेळपट्टी फलंदाजीसाठी नंदनवन मानली जाते. या ग्राऊंडवर मोठी धावसंख्या उभी करणे शक्य आहे. प्रथम फलंदाजी करताना 155 ते 165 धावसंख्या अंदाजे आहे. तर दुसऱ्या डावात फलंदाजी करताना 145 ते 155 धावसंख्या अंदाजे आहे. त्यामुळे टॉस जिंकून कोणताही संघ प्रथम फलंदाजी करण्याचा निर्णय घेण्याची शक्यता जास्त आहे.
IPL 2026 : Hardik Pandya मैदानात कधी परतणार? Mumbai Indians च्या कॅप्टन्सीच्या पेचात मोठी अपडेट
कसे असणार आजचे हवामान?
हवामान विभगाच्या माहितीनुसार आज गुवाहाटीमध्ये पावसाची शक्यता नसल्याचे समोर येत आहे. कमाल तापमान 28 तर किमान तापमान 18 डिग्री इतके राहण्याची शक्यता आहे. त्यामुळे आज पावसाची कोणतीही शक्यता या सामन्यात नसल्याचे म्हटले जात आहे. कालच्या सामन्यात ईडन गार्डन्सवर पाऊस झाल्यामुळे केकेआर विरुद्ध पंजाब किंग्जमधला सामना रद्द करण्यात आला. दोन्ही संघाना प्रत्येकी एक एक गुण देण्यात आला आहे.
