शुक्रवार, 30 ऑक्टोबर 2026
Anvay dravid & Aryavir Sehwag
ज्युनियर क्रिकेट समितीने ५ ते १४ नोव्हेंबर दरम्यान ओमानमधील मस्कत येथे होणाऱ्या एसीसी पुरुष अंडर-१९ आशिया कपसाठी १५ सदस्यीय भारतीय अंडर-१९ संघाची घोषणा केली आहे. भारताला ‘अ’ गटात संयुक्त अरब अमिरात (UAE), नेपाळ आणि कट्टर प्रतिस्पर्धी पाकिस्तान यांच्यासोबत स्थान देण्यात आले आहे. तर ‘ब’ गटात बांगलादेश, श्रीलंका, अफगाणिस्तान आणि मलेशिया यांचा समावेश आहे. ‘अ’ आणि ‘ब’ गटातील अव्वल दोन संघ १२ नोव्हेंबर रोजी होणाऱ्या उपांत्य फेरीसाठी पात्र ठरतील, तर अंतिम सामना १४ नोव्हेंबर रोजी खेळला जाईल.
भारत आपल्या मोहिमेची सुरुवात ६ नोव्हेंबर रोजी नेपाळविरुद्ध करेल. त्यानंतर टीम इंडिया ८ नोव्हेंबर रोजी कट्टर प्रतिस्पर्धी पाकिस्तानशी सामना करेल. यानंतर, १० नोव्हेंबरला युएईविरुद्ध सामना खेळला जाईल.
भारताचे माजी महान सलामीवीर फलंदाज वीरेंद्र सेहवाग याचा मुलगा आर्यवीर सेहवाग याची भारतीय १९ वर्षांखालील संघात निवड झाली आहे. आर्यवीरने अलीकडील देशांतर्गत १९ वर्षांखालील स्पर्धा आणि इंडिया ‘अ’ संघाच्या सामन्यांमध्ये आपल्या आक्रमक आणि सातत्यपूर्ण फलंदाजीने लक्ष वेधून घेतले होते.
भारतीय क्रिकेट संघाचे माजी कर्णधार आणि महान फलंदाज राहुल द्रविड याचा मुलगा अन्वय द्रविड याचाही संघात विकेटकीपर-फलंदाज म्हणून निवड झाली आहे. देशांतर्गत आणि भारत U19 सराव सामन्यांमध्ये अन्वयने आपल्या उत्कृष्ट फलंदाजीने आणि अप्रतिम विकेटकीपिंगने सर्वांना प्रभावित केले.
भारताचा अंडर-१९ संघ: लक्ष्य रायचंदानी (कर्णधार), आर्यवीर सेहवाग, व्ही.के. विनीत, यशवर्धन सिंग चौहान (उपकर्णधार), कुशाग्र ओझा, अर्जुन राजपूत, मनाल चौहान, अन्वय द्रविड (यष्टीरक्षक), रजत बघेल (यष्टीरक्षक), आर्यन सवसानी, मोहित उल्वा, काव्या पटेल, शविन विनोद, ईशान सूद.
