शुक्रवार, 30 ऑक्टोबर 2026
सौजन्य फोटो - नवराष्ट्र टिम
मूळात शिवसेनेच्या माध्यमातून नागरिकांच्या सेवेसाठी हे कंटेनर उपलब्ध करून देण्यात आले होते. मात्र, महापालिकेकडून कारवाई टाळण्यासाठी हे कंटेनर आधीच्या ठिकाणावरून हटवून सोनल पार्क येथील एका खासगी जागेवर आणून ठेवण्यात आले. परंतु, आता या कंटेनरचा वापर सामाजिक कामासाठी नसून पूर्णपणे खासगी आणि संशयास्पद कारणांसाठी होत असल्याचा आरोप केला जात आहे.
भाजप नगरसेवक तरुण शर्मा यांनी दिलेल्या माहितीनुसार, एका कंटेनरमध्ये लग्नसमारंभ किंवा इतर कार्यक्रमांचे डेकोरेशन साहित्य ठेवण्यात आले असून, यासाठी जागामालकाला अडीच ते तीन हजार रुपये भाडे दिले जात असल्याची चर्चा आहे. तर त्याहूनही गंभीर म्हणजे, दुसऱ्या कंटेनरमध्ये तरुण-तरुणी अश्लील कृत्य करत असल्याचा व्हिडिओ सध्या सोशल मीडियावर आगीसारखा पसरला आहे. “लोकांच्या सेवेसाठी आणलेल्या कंटेनरचा असा गैरवापर होत असेल, तर ही अत्यंत निंदनीय बाब आहे,” असा संतप्त सवाल शर्मा यांनी उपस्थित केला आहे.
विशेष म्हणजे, ज्या कंटेनरवरून हा वाद निर्माण झाला आहे, त्या कंटेनरवर शिवसेनेचे अधिकृत बॅनर लावण्यात आले असून त्यावर हिंदुहृदयसम्राट स्वर्गीय बाळासाहेब ठाकरे आणि धर्मवीर स्वर्गीय आनंद दिघे यांचे छायाचित्र देखील झळकत आहे. थोर नेत्यांच्या प्रतिमेचा वापर असलेल्या अशा साहित्याचा गैरवापर होत असल्याने शिवप्रेमींमध्येही संताप व्यक्त होत आहे.
या संपूर्ण प्रकरणाची पोलीस प्रशासनाने कसून चौकशी करावी, दोषींवर कठोर कायदेशीर कारवाई करावी आणि हे वादग्रस्त कंटेनर सोनल पार्क परिसरातून तात्काळ हटवावेत, अशी लिखित मागणी नगरसेवक तरुण शर्मा यांनी नवघर पोलीस ठाण्याकडे केली आहे.
दरम्यान, या सर्व प्रकारावर अद्याप शिवसेनेच्या स्थानिक नेत्यांकडून कोणतीही अधिकृत प्रतिक्रिया समोर आलेली नाही. त्यामुळे शिवसेना यावर काय भूमिका घेणार आणि विरोधकांच्या आरोपांना कसे प्रत्युत्तर देणार, याकडे संपूर्ण शहराचे लक्ष लागले आहे.
Ans: भाईंदर पूर्व येथील सोनल पार्क परिसरात शिवसेनेच्या कंटेनरचा गैरवापर होत असल्यावरून हा वाद निर्माण झाला आहे.
Ans: एका कंटेनरमध्ये डेकोरेशनचे साहित्य ठेवले असून दुसऱ्या कंटेनरमध्ये तरुण-तरुणी अश्लील चाळे करत असल्याचा कथित व्हिडिओ व्हायरल झाल्याचा आरोप भाजप नगरसेवक तरुण शर्मा यांनी केला आहे.
Ans: या प्रकरणाची चौकशी करून कंटेनर सोनल पार्क परिसरातून हटवावेत आणि संबंधितांवर कारवाई करावी, अशी मागणी नवघर पोलिसांकडे करण्यात आली आहे.
