जैस्वाल-पंत आणि गिल T20 मधून का वगळले? रणजी ट्रॉफी का खेळणार, बीसीसीआयचं नक्की प्लॅन काय?

यशस्वी जैस्वाल, शुभमन गिल आणि ऋषभ पंत यांसारखे खेळाडूंची इंग्लंडविरुद्धच्या आगामी T20 मालिकेसाठी निवड झालेली नाही. अशा परिस्थितीत जैस्वाल, पंत आणि गिल यांना T20 मालिकेतून विश्रांती दिली नसून वगळण्यात आले आहे.

फोटो सौजन्य - सोशल मीडिया

Follow Us:

Follow Us:

भारतीय क्रिकेट संघ : रणजी ट्रॉफी २०२४-२५ ची दुसरी फेरी २३ जानेवारीपासून सुरू होत आहे. भारताच्या संघाने बॉर्डर गावस्कर ट्रॉफीच्या आधी न्यूझीलंडविरुद्ध झालेल्या मालिकेमध्ये घराच्या मैदानावर झालेल्या पराभवानंतर ऑस्ट्रेलिया दौऱ्यावर भारतीय फलंदाजांच्या निराशाजनक कामगिरीनंतर रोहित शर्मा आणि विराट कोहलीसारखे स्टार खेळाडू या देशांतर्गत स्पर्धेत खेळण्याची शक्यता लक्षणीयरीत्या वाढली आहे. त्याचबरोबर बीसीसीआयने टीम इंडियाच्या खेळाडूंना देशांतर्गत क्रिकेट खेळणेही बंधनकारक केले आहे.

बॉर्डर गावस्कर ट्रॉफीमध्ये पराभवानंतर पत्रकार परिषदेमध्ये कोच गौतम गंभीरने देशातंर्गत क्रिकेट खेळण्याचे खेळाडूंना सांगितले होते. पण याशिवाय, यशस्वी जैस्वाल, शुभमन गिल आणि ऋषभ पंत यांसारखे खेळाडूही रेड बॉल डोमेस्टिक क्रिकेटमध्ये आपली सेवा देऊ शकतात, असे वृत्त आहे. या तिन्ही खेळाडूंची इंग्लंडविरुद्धच्या आगामी T20 मालिकेसाठी निवड झालेली नाही. अशा परिस्थितीत जैस्वाल, पंत आणि गिल यांना T20 मालिकेतून विश्रांती दिली नसून वगळण्यात आले आहे, असे म्हणणे योग्य ठरेल का?

इंग्लंडचा भारत दौरा २२ जानेवारीपासून सुरू होत आहे. भारतीय क्रिकेट नियामक मंडळाने म्हणजेच बीसीसीआयने ५ सामन्यांच्या T२० मालिकेसाठी १५ खेळाडूंचा संघ जाहीर केला आहे. सूर्यकुमार यादव संघाचे नेतृत्व करणार आहे. तर संजू सॅमसन यष्टिरक्षक आणि सलामीवीर म्हणून खेळेल आणि त्याच्यासोबत अभिषेक शर्मा डावाची सुरुवात करणार आहे.

मनू भाकर आणि गुकेश यांना खेलरत्न पुरस्काराने केलं सन्मानित, या खेळाडूंना मिळाला अर्जुन अवॉर्ड

रोहित शर्मा आणि विराट कोहली यांच्यासाठी हे समजण्यासारखे आहे, या दोन्ही महान खेळाडूंनी T20 क्रिकेटमधून निवृत्ती घेतली आहे आणि त्यांच्याकडे इंग्लंडविरुद्धच्या एकदिवसीय मालिकेपूर्वी वेळ आहे आणि ते किमान एक रणजी सामना खेळू शकतात. पण ऋषभ पंत, यशस्वी जैस्वाल आणि शुभमन गिल यांचे काय? इंग्लंडविरुद्धची एकदिवसीय मालिका आणि चॅम्पियन्स ट्रॉफी पाहता त्याला टी-२० मालिकेतून विश्रांती द्यावी लागली, तर तो चार दिवसांचा रणजी सामना का खेळतोय? असे अनेक प्रश्न सोशल मीडियावर केले जात आहेत.

५ सामन्यांच्या T20 मालिकेनंतर भारताला इंग्लंडविरुद्ध तीन सामन्यांची वनडे मालिकाही खेळायची आहे. हे तीन खेळाडू त्या मालिकेचा भाग असण्याची दाट शक्यता आहे. बीसीसीआय १९ जानेवारीला इंग्लंडविरुद्ध चॅम्पियन्स ट्रॉफी आणि एकदिवसीय मालिकेची घोषणा करू शकते. अशा परिस्थितीत बीसीसीआय यशस्वी जैस्वाल, ऋषभ पंत आणि शुभमन गिल यांच्याबाबत काय योजना आखत आहे हे समजण्यापलीकडे आहे. जर तुम्हाला खेळाडूंना गती मिळण्यासाठी सामन्याचा वेळ द्यायचा असेल, तर एका रणजी सामन्यापेक्षा ५ सामन्यांचे आंतरराष्ट्रीय प्रदर्शन हा चांगला पर्याय नाही. अशा परिस्थितीत या भारतीय खेळाडूंना आगामी चॅम्पियन्स ट्रॉफी आणि एकदिवसीय मालिकेत इंग्लंडच्या काही गोलंदाजांसोबत खेळण्याची संधी मिळणार आहे.

Web Title: Why jaiswal pant and gill dropped from t20 why will ranji trophy be played

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com