Marathi News »
Technology »
How To Delete And Block Upi Id From Stolen Smartphone

चोरी झालेल्या फोनमधून घरबसल्या डिलीट करा UPI ID ! फक्त ‘या’ स्टेप्स फॉलो करा

स्मार्टफोन चोरी झाले की सर्वात जास्त धोका आपले बँकिंग डिटेल्स लीक होण्याचा असतो . अशावेळी आता चिंता करू नका. काही सोप्या टिप्स फॉलो करून तुम्ही तुमच्या फोनमधील UPI ID ब्लॉक करू शकता.

By नुपूर भगत

Updated On: Jul 23, 2024 | 10:27 AM

चोरी झालेल्या फोनमधील घरबसल्या करू शकता UPI ID डिलीट

स्मार्टफोन हा आपल्या जीवनाचा एक अविभाज्य भाग बनला आहे. आजकाल फक्त कॉलिंग आणि मेसेजिंगसाठीच नव्हे इतर अनेक कामांसाठी स्मार्टफोनचा वापर होत असतो. आजकाल, स्मार्टफोनचा वापर ऑनलाइन पेमेंटसाठी मोठ्या प्रमाणावर केला जातो. बहुतेक लोक ऑनलाइन पेमेंटसाठी UPI वापरतात. एखादी वस्तू ऑनलाईन खरेदी करायची असेल किंवा ऑफलाईन वस्तू खरेदी करायची असेल प्रत्येक कामात UPI पेमेंटची फार मदत होत असते. अशा परिस्थितीत आपला फोन हरवला किंवा चोरीला गेला तर मोठी समस्या निर्माण होऊ शकते.

फोन हरवला किंवा चोरीला गेला की आपल्याला वैयक्तिक आणि बँकिंग तपशील लीक होण्याचा धोका सर्वाधिक असतो. कारण अशावेळेस कोणीही तुमच्या UPI चा गैरवापर करू शकतो. मात्र आता अशी कोणतीही चिंता करण्याची गरज नाही. आता तुमचा फोन हरवला तरी तुम्ही घरी बसल्या त्यातील UPI आयडी सहज डिलीट करू शकता. यासाठीची संपूर्ण प्रक्रिया आज आम्ही तुम्हाला सांगत आहोत.

हेदेखील वाचा – अनलिमिटेड कॉलिंग आणि OTT सबस्क्रिप्शनसह Reliance Jio ने लाँच केले 3 नवीन प्लॅन

गुगल पे वरून तुमची माहिती काढून टाका

तुमचा फोन चोरीला गेला किंवा हरवला तर सर्वप्रथम तुम्हाला तुमच्या फोनमधील गुगल वरून तुमची सर्व माहिती हटवावी लागेल
यासाठी तुम्हाला इतर कोणत्याही फोनवरून 18004190157 या क्रमांकावर कॉल करावा लागेल
संपूर्ण घटनेची माहिती कस्टमर केअरला द्यावी लागेल
तुम्ही दिलेल्या तपशीलांची पडताळणी केल्यानंतर कस्टमर केअर अधिकारी ‘गुगल पे’वरून UPI आयडी ब्लॉक करेल

फोनवरून अशाप्रकारे हटवा UPI ID

जर तुम्ही ‘फोन पे’वर UPI आयडी वापरत असाल तर तेथून तुमचा UPI ID हटवण्यासाठी तुम्हाला 02268727374 किंवा 08068727374 वर कॉल करावा लागेल
यानंतर तुम्हाला या प्रकरणाची संपूर्ण माहिती कस्टमर केअर ऑफिसरला द्यावी लागेल
तुमच्या तपशीलांची पडताळणी केल्यानंतर, अधिकारी तुमच्या फोनवरून UPI आयडी ब्लॉक करेल

पेटियम वरून UPI ID कशी हटवावी?

तुम्ही पेटीएममध्ये UPI आयडी वापरत असाल तर तेथून तुमची UPI ID हटवण्यासाठी तुम्हाला हेल्पलाइन नंबर 01204456456 वर कॉल करावा लागेल
याशिवाय, तुम्ही पेटीएम वेबसाइटवर जाऊन 24 X 7 हेल्पच्या पर्यायावर क्लिक करून तुमचा तपशील देऊ शकता
यामध्ये तुम्हाला फोन हरवल्याचा पोलिस रिपोर्टही द्यावा लागेल
यानंतर तुमचे पेटीएम अकाउंट तात्पुरते ब्लॉक केले जाईल