इंटरनेटशिवाय UPI पेमेंट करणं होणार शक्य, काय आहे प्रोसेस? जाणून घ्या सविस्तर

यूपीआय पेमेंट करण्यासाठी इंटरनेटची गरज नाही. तुम्ही अगदी सहज इंटरनेटशिवाय यूपीआय पेमेंट करू शकतात. यासाठी तुम्हाला काही स्टेप्स फॉलो कराव्या लागणार आहेत. ऑफलाईन UPI पेमेंटमुळे सर्वांनाच प्रचंड फायदा होणार आहे.

इंटरनेटशिवाय UPI पेमेंट करणं होणार शक्य, काय आहे प्रोसेस? जाणून घ्या सविस्तर

Follow Us:

Follow Us:

ऑनलाईन पेमेंट सध्या आपल्या सर्वांची गरज बनले आहे. कोणत्याही दुकानात किंवा मॉलमध्ये गेल्यानंतर आपण पेमेंट करण्यासाठी आपल्या खिशातलं पाकीट नाही तर मोबाईल काढतो. आपण स्मार्टफोनच्या मदतीने अगदी सहज कुठेही UPI पेमेंट करू शकतो. पण UPI पेमेंट करण्यासाठी सर्वात महत्त्वाची गोष्ट असते ती म्हणजे इंटरनेट. इंटरनेटशिवाय UPI पेमेंट करणं अवघड आहे, असं तुम्हाला सुद्धा वाटत का? पण आता नाही. आता तुम्ही इंटरनेटशिवाय UPI पेमेंट करू शकता.

हेदेखील वाचा- OpenAI ने खरेदी केला नवीन डोमेन! 126 करोड रुपयांना फायनल झाली डील, काय आहे खासियत? जाणून घ्या सविस्तर

अनेक वेळा असे प्रसंग येतात जेव्हा आपल्याला ऑनलाइन पेमेंट करण्याची तीव्र गरज असते. पण, इंटरनेट खूप स्लो काम करते किंवा कधी कधी इंटरनेट नेटवर्क अजिबात उपलब्ध नसते. अशा परिस्थिती युपीआय पेमेंट कसा करायचा, याबाबत प्रश्न निर्माण होतो. पण, आता तुम्हाला सरकार इंटरनेटशिवायही UPI पेमेंट करण्याचा पर्याय देणार आहे.अधिकृत USSD कोड डायल करून तुम्ही अगदी सहज हे काम करू शकता. यासाठी तुम्हाला इंटरनेटची गरज भासणार नाही. (फोटो सौजन्य – pinterest)

नॅशनल पेमेंट्स कॉर्पोरेशन ऑफ इंडिया (NPCI) द्वारे लाँच केलेली, ही सेवा सुनिश्चित करते की वापरकर्ते इंटरनेट कनेक्टिव्हिटीशिवाय देखील बँकिंग सेवांचा वापर करण्यास सक्षम असतील. *99# सर्विस तुम्हाला विविध बँकिंग कामांसाठी मदत करते. ज्यामध्ये इंटरबँक फंड पाठवणे आणि प्राप्त करणे, अकाऊंट बॅलेंस चेक करणं, UPI पिन सेट करणे किंवा बदलणे यांचा समावेश आहे.

या पद्धतीने इंटरनेटशिवाय करा UPI पेमेंट:

• सर्वप्रथम, तुमच्या बँक खात्याशी लिंक केलेल्या तुमच्या रजिस्टर्ड मोबाइल नंबरवरून *99# डायल करा.
• यानंतर तुम्हाला विविध बँकिंग सुविधा असलेला मेनू दिसेल.
• यामध्ये सेंड मनी, रिक्वेस्ट मनी, चेक बॅलेंस, माय प्रोफाइल, पेंडिंग रिक्वेस्ट, ट्रांजेक्शन्स, UPI पिन असे ऑप्शन्स उपलब्ध असतील.
• तुम्हाला पेमेंट करण्यासाठी सेंड मनी हा पहिला ऑप्शन सिलेक्ट करावा लागणार आहे. यासाठी तुम्हाला 1 टाइप करावा लागेल.

हेदेखील वाचा- Google Map Update: पैसे वाचवण्यासाठी गुगल मॅप करणार मदत, या फीचरच्या मदतीने गाडी चालवताना होणार इंधनाची बचत

• यानंतर, पैसे पाठवण्याची पद्धत निवडा: मोबाइल नंबर, UPI आयडी, सेव्ड बेनिफिशियरी किंवा इतर पर्याय. यानंतर संबंधित क्रमांक टाइप करा आणि ‘सेंड’ वर टॅप करा.
• तुम्ही मोबाईल नंबरद्वारे पैसे ट्रान्सफर करण्याचा ऑप्शन निवडल्यास, रिसीवरच्या UPI अकाऊंटसोबत लिंक केलेला मोबाइल नंबर एंटर करा आणि सेंडवर टॅप करा.
• यानंतर तुम्हाला ट्रान्सफर करायची असलेली रक्कम टाका आणि ‘सेंड’ वर टॅप करा.
• तुम्ही पेमेंटसाठी रिमार्क देखील देऊ शकता.
• यानंतर व्यवहार पूर्ण करण्यासाठी UPI पिन टाका.
• त्यानंतर तुमचा UPI व्यवहार ऑफलाइन पूर्ण होईल.

Web Title: Tech guide now you can do upi payment without internet know the process

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com