भारतातील पहिली ट्रेन जी पाण्यावर धावते! प्रवाशांना मिळतात अप्रतिम सुविधा, तिकीट दरही कमी; तुम्ही केव्हा करणार प्रवास?

मेट्रोबद्दल आपण सर्वांनी ऐकले असेल आणि कधी ना कधी त्यात प्रवास केला असेल, पण आज आम्ही तुम्हाला भारतातील पहिल्या वॉटर मेट्रोबद्दल सांगणार आहोत, जी केरळमध्ये धावते. सर्वसामान्यही यातून कमी दरात प्रवास करू शकतात.

भारतातील पहिली ट्रेन जी पाण्यावर धावते! प्रवाशांना मिळतात अप्रतिम सुविधा, तिकीट दरही कमी; तुम्ही केव्हा करणार प्रवास?

Follow Us:

Follow Us:

आजकाल मेट्रो ही ट्रांसपोर्टेशन सिस्टमचे जीवन बनले आहे. दिल्लीसह अनेक मोठ्या शहरांमध्ये मेट्रो आपली सेवा पुरवत आहे. अंडरग्राऊंड मेट्रोबद्दल तर आपल्या सर्वांना माहिती आहे, पण पाण्यावर धावणारी मेट्रो तुम्हाला माहिती आहे का? आम्ही तुम्हाला सांगतो, केरळमध्ये वॉटर मेट्रो सुरू आहे, ज्यामध्ये प्रवाशांना अनेक सुविधा दिल्या जात आहेत. ही भारतातील पहिली वॉटर मेट्रो (Water Metro) आहे. तुम्ही केरळला खूप दिवसांपासून भेट देण्याचा विचार करत असाल तर या वॉटर मेट्रोमध्ये प्रवास करण्याचा अनुभव तुम्ही घेऊ शकता. या मेट्रोने 26 एप्रिल 2023 रोजी सर्वसामान्य नागरिकांना सेवा देण्यास सुरुवात केली. तेव्हापासून आजतागायत हे उत्तम काम करत आहे. चला तर मग आज या लेखातून या वाॅटर मेट्रोविषयी सविस्तर जाणून घेउयात.

भारतात कुठे सुरु आहे ही ट्रेन?

2023 मध्ये पंतप्रधान नरेंद्र मोदी यांनी कोची येथे भारतातील पहिल्या वॉटर मेट्रोला ग्रीन सिग्नल देण्यात आला होता. कोची वॉटर मेट्रो (KWM) सुरू झाल्यानंतर स्थानिक लोकांना तसेच पर्यटकांना मोठा दिलासा मिळाला आहे. वॉटर मेट्रोसाठी एकूण 38 स्थानके आहेत. मेट्रो दररोज सकाळी 7 ते रात्री 8 या वेळेत आपली सेवा देते.

एक अद्भुत अन् अनोखं ठिकाण जिथे राहतात फक्त 20 लोक! 10 लाखांहून अधिक पक्ष्यांचे घर, तुम्ही कधी देणार भेट?

हा आहे तिकिटाचा रेट?

मीडिया रिपोर्ट्सनुसार, वॉटर मेट्रो बोटची किंमत 7 कोटी रुपये आहे. प्रत्येक मेट्रोमध्ये 50 ते 100 प्रवासी बसू शकतात. तिकीट दर पाहिल्यास त्याचे कमाल भाडे 40 रुपये आहे. आश्चर्यकारक गोष्ट म्हणजे ही मेट्रो बोट अवघ्या 15 मिनिटांत चार्ज होते. आम्ही तुम्हाला सांगतो, संपूर्ण आशियातील ही एकमेव मेट्रो आहे जी पाण्यावर धावते.

वाॅटर मेट्रो बोटमध्ये मिळतात या सुविधा

केरळची ही वॉटर मेट्रो बोट जगातील सर्वात मोठी इलेक्ट्रिक बोट जल वाहतूक व्यवस्था आहे. प्रवाशांच्या आरामाचा विचार करून यातील सीटची रचना करण्यात आली आहे, जी अतिशय सुंदर आणि स्वच्छ आहे. आश्चर्यकारक गोष्ट म्हणजे, तुम्ही या मेट्रो बोटच्या सीटवरून कोचीचे सुंदर दृश्य पाहू शकता. वॉटर मेट्रोमध्ये चार्जिंग पॉइंट, मोफत वाय-फाय, लोकांसाठी लाइव्ह जॅकेट आणि सीसीटीव्ही कॅमेरे यासारख्या सुविधा आहेत.

New Year 2025: नववर्षात हे नाही पाहिलं तर काय पाहिलं, स्वर्गाहून सुंदर आहे ‘हे’ बटरफ्लाय पार्क

या मेट्रोत देखील मिळेल पास

मेट्रो सिस्टीमचा किमान तिकीट दर 20 रुपये आणि कमाल तिकीट 40 रुपये आहे. साप्ताहिक पासची किंमत 180 रुपये आहे, तर मासिक पासची किंमत 600 रुपये आणि तीन महिन्यांच्या पासची किंमत 1500 रुपये आहे. कोची मेट्रो वन कार्ड वापरून वॉटर मेट्रोमध्ये प्रवेश केला जाऊ शकतो. कोची वन ॲपद्वारे बुक केलेला मोबाइल QR कोड वापरून तुम्ही तिकीट बुक करू शकता.

Web Title: Indias first train that runs on water passengers get amazing facilities ticket prices are also low

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com