भारतीय गुप्तचर विकास यादव कोण आहे? न्यूयॉर्कमधील सिंग पन्नू यांच्या हत्येचा कट रचल्याचा आरोप

माजी रॉ एजंट अमेरिकेच्या न्याय विभागामुळे प्रसिद्धीच्या झोतात आला आहे. विकास यादव असे या एजंटचे नाव असून त्यांनी न्यूयॉर्कमधील सिंग पन्नू यांच्या हत्येचा कट रचल्याचा आरोप अमेरिकेने केला आहे.

भारतीय गुप्तचर विकास यादव कोण आहे? न्यूयॉर्कमधील सिंग पन्नू यांच्या हत्येचा कट रचल्याचा आरोप (फोटो सौजन्य-X)

Follow Us:

Follow Us:

न्यूयॉर्क शहरातील शीख फुटीरतावादी आणि भारतीय समीक्षक गुरपतवंत सिंग पन्नू यांच्या हत्येचा कट रचल्याचा आरोप अमेरिकेने एका माजी भारतीय गुप्तचर अधिकाऱ्यावर केला आहे. विकास यादव नावाच्या या माजी गुप्तचर अधिकाऱ्याविरुद्ध मॅनहॅटन येथील फेडरल कोर्टात आरोपपत्र देखील उघडण्यात आले, जे भारत सरकार आणि अमेरिकेच्या भूमीवरील हत्येची योजना यांच्यातील थेट संबंध दर्शवते.

मिळालेल्या माहितीनुसार, न्यूयॉर्कमधील फेडरल वकिलांनी आरोप केला की गेल्या उन्हाळ्यात एका फुटीरतावादी शीख अमेरिकन नागरिकाच्या हत्येच्या कटात भारतीय RAW अधिकाराचा सहभाग होता. अमेरिकेच्या म्हणण्यानुसार, फुटीरतावादी शीख नेते नागरीक गुरपतवंत सिंग पन्नू यांची हत्या रॉच्या माजी अधिकाऱ्याने घडवून आणली होती. गुरपतवंत सिंग पन्नूचा भारतातील वाँटेड यादीत समावेश आहे.

विकास यादव (३९) नावाचा अधिकारी कॅबिनेट सचिवालयात काम करत होता, जो परदेशात भारताच्या गुप्तचर सेवा रिसर्च अँड ॲनालिसिस विंग (RAW) चे निरीक्षण करत होता. यादव यांनी सरकारी नोकरी सोडल्याचे समजते. त्यांच्यावर तीन आरोप आहेत, ज्यात पैशासाठी हत्या आणि मनी लाँड्रिंगचा कट रचणे यांचा समावेश आहे. तो अजूनही फरार असल्याचे न्याय विभागाने सांगितले.

यादवचा सहकारी तुरुंगात

फेडरल प्रॉसिक्युटरच्या म्हणण्यानुसार, त्याचा सहकारी सूत्रधार निखिल गुप्ता यांना गेल्या वर्षी चेकोस्लोव्हाकियामध्ये अटक करण्यात आली होती आणि प्रत्यार्पणानंतर तो अमेरिकन तुरुंगात आहे. यूएस ऍटर्नी जनरल मेरिक बी. गार्लंड म्हणाले की आजचे आरोप हे दर्शवतात की न्याय विभाग अमेरिकन लोकांना लक्ष्य करण्याचा आणि धोक्यात आणण्याचा प्रयत्न सहन करणार नाही.

विकास यादववर गुरपतवंत सिंग पन्नू या अमेरिकन-कॅनडियन नागरिक आणि प्रमुख खलिस्तानी फुटीरतावादी नेता यांच्या हत्येचा कट रचल्याचा आरोप आहे. एफबीआयचे संचालक क्रिस्टोफर रे यांनी सांगितले की, आरोपी भारत सरकारचा कर्मचारी आहे. त्याने गुन्हेगारी सहकाऱ्यासोबत कट रचला होता.

भारताने दिला नकार

मात्र, भारत सरकारने अमेरिकन भूमीवर एका अमेरिकन नागरिकाच्या हत्येच्या कथित कटात सहभाग असल्याचा आरोपाला फेटाळले आहे. अमेरिकेच्या आरोपांना प्रत्युत्तर म्हणून नवी दिल्लीने या प्रकरणाची चौकशी करण्यासाठी चौकशी समिती स्थापन केली असून अमेरिकेने भारताच्या सहकार्याबद्दल समाधान व्यक्त केले आहे.

अमेरिकेच्या परराष्ट्र विभागाचे प्रवक्ते मॅथ्यू मिलर यांनी पत्रकारांना सांगितले की, भारताच्या सहकार्यावर आम्ही समाधानी आहोत. ही एक निरंतर प्रक्रिया आहे. यावर आम्ही त्यांच्यासोबत काम करत राहू आणि आम्ही सहकार्याचे कौतुक करतो.

काल झालेल्या बैठकीत आम्ही तपास समितीच्या सदस्यांना अमेरिकेकडून सुरू असलेल्या तपासाची माहिती दिली. त्यांच्याकडून सुरू असलेल्या तपासाची माहिती आम्हाला मिळाली आहे. त्यांनी आम्हाला सांगितले की न्याय विभागाच्या आरोपपत्रात नाव असलेली व्यक्ती आता भारत सरकारची कर्मचारी नाही.

Web Title: Ex indian intelligence official vikas yadav plotted to kill sikh separatist pannun in us claims biden govt

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com