५० दिवसांनंतर इराणने पुन्हा खुली केली हवाई हद्द; पूर्व इराणमध्ये आंतरराष्ट्रीय विमानसेवा पुन्हा सुरू ( फोटो सौजन्य : सोशल मीडिया )
Strait of Hormuz partial reopening 2026 : मध्य-पूर्वेतील ( US-Israel Iran War)तणावाच्या पार्श्वभूमीवर इराणमधून एक अत्यंत महत्त्वाची बातमी समोर येत आहे. तब्बल सात आठवड्यांच्या पूर्ण बंदीनंतर इराणने आपल्या पूर्वेकडील हवाई हद्दीचे दरवाजे आंतरराष्ट्रीय उड्डाणांसाठी अंशतः उघडले आहेत. ५० दिवसांपूर्वी युद्धजन्य परिस्थितीमुळे बंद करण्यात आलेली ही हवाई हद्द पुन्हा सुरू झाल्याने जागतिक विमान वाहतुकीला काहीसा दिलासा मिळण्याची चिन्हे आहेत. मात्र, जमिनीवरील वास्तव अद्यापही भयावह असून इंटरनेट बंदी आणि लष्करी कारवायांनी इराणला जखडून ठेवले आहे.
इराणच्या नागरी विमान वाहतूक प्राधिकरणाने अधिकृत घोषणा केली की, पूर्व इराणवरून आता आंतरराष्ट्रीय विमाने उडू शकतात. सकाळी ७ वाजल्यापासून काही विमानतळ कार्यान्वित झाल्याचा दावा प्रशासनाने केला आहे. मात्र, ‘फ्लाईट रडार’ सारख्या ट्रॅकिंग वेबसाइट्सवर अद्याप इराणच्या आकाशात मोठी गर्दी दिसत नाहीये. अनेक जागतिक विमान कंपन्यांनी इराणच्या हवाई हद्दीवरचा विश्वास गमावला असून, ते अजूनही लांबच्या आणि सुरक्षित मार्गांचा अवलंब करत आहेत. “हवाई हद्द उघडली असली तरी सुरक्षिततेची खात्री मिळेपर्यंत आम्ही धोका पत्करणार नाही,” अशी भूमिका अनेक कंपन्यांनी घेतली आहे.
जागतिक घडामोडी संबंधित बातम्या वाचण्यासाठी येथे क्लिक करा : FBIचे ‘नशेत’ असलेले संचालक? Kash Patel यांच्या गंभीर चुकीमुळे अमेरिकेची सुरक्षा धोक्यात; ‘या’ रिपोर्टमध्ये 10 मोठी गुपिते उघड
सागरी व्यापारासाठी जगाची जीवनवाहिनी मानली जाणारी ‘होर्मुझची सामुद्रधुनी’ इराणने काही अटींसह खुली केली आहे. मात्र, हा मार्ग केवळ मालवाहू जहाजांसाठी आणि युद्धविरामाच्या काळातच खुला राहील, असे इराणच्या संरक्षण मंत्रालयाने स्पष्ट केले आहे. “शत्रू राष्ट्रांच्या युद्धनौकांना येथून जाण्याची परवानगी दिली जाणार नाही,” हा इराणचा इशारा थेट अमेरिका आणि ब्रिटनच्या दिशेने आहे. ब्रिटिश परराष्ट्र मंत्री इव्हेट कूपर यांनी यावर तीव्र नाराजी व्यक्त करत, जागतिक अर्थव्यवस्थेसाठी हा मार्ग कोणत्याही अटीविना पूर्ण क्षमतेने सुरू करण्याची मागणी केली आहे.
JUST IN: 69% chance of traffic at the Strait of Hormuz returning to normal before June, per Kalshi traders. pic.twitter.com/IJUpY7mmGH — Whale Insider (@WhaleInsider) April 17, 2026
credit – social media and Twitter
इराणमधील परिस्थिती किती गंभीर आहे, याचा अंदाज यावरून येतो की तिथे गेल्या ५० दिवसांपासून (१,१७६ तास) इंटरनेट पूर्णपणे बंद आहे. ‘नेटब्लॉक्स’ या संस्थेनुसार, हा आधुनिक इतिहासातील सर्वात मोठा डिजिटल ब्लॅकआउट आहे. इंटरनेट नसल्यामुळे बँकिंग, व्यापार, शिक्षण आणि दळणवळण पूर्णपणे ठप्प झाले आहे. इराणच्या रिव्होल्यूशनरी गार्ड्सने (IRGC) या काळात तीन प्रांतांतून १२७ जणांना अटक केली असून, हे लोक हिंसाचारात सामील असल्याचा दावा केला आहे.
जागतिक घडामोडी संबंधित बातम्या वाचण्यासाठी येथे क्लिक करा : Sheikh Hasina : शेख हसीना यांना भारत बांगलादेशच्या हवाली करणार? मोदी सरकारचा मोठा निर्णय; ढाकामध्ये ऐतिहासिक हालचालींना वेग
इराणने एक सूचक इशारा दिला आहे की, जर लेबनॉनमध्ये इराण-समर्थित हिजबुल्ला गटावर दबाव वाढला, तर होर्मुझच्या सामुद्रधुनीबाबत दिलेल्या सवलती त्वरित रद्द केल्या जातील. म्हणजेच, हा सागरी मार्ग इराणने एक राजकीय हत्यार म्हणून वापरण्यास सुरुवात केली आहे. शांतता चर्चा सुरू असूनही जमिनीवर लष्करी हालचाली कमी झालेल्या नाहीत, ज्यामुळे येणारा काळ जागतिक ऊर्जा बाजारासाठी आणि सुरक्षिततेसाठी अत्यंत आव्हानात्मक ठरणार आहे.
Ans: नाही, इराणने केवळ पूर्व भागातील हवाई हद्द अंशतः खुली केली असून आंतरराष्ट्रीय उड्डाणांना मर्यादित स्वरूपात परवानगी दिली आहे.
Ans: हा मार्ग केवळ मालवाहू जहाजांसाठी अटींसह खुला असून, कोणत्याही शत्रू राष्ट्राच्या लष्करी जहाजांना प्रवेश दिला जाणार नाही, असे इराणने स्पष्ट केले आहे.
Ans: सुरक्षेच्या कारणास्तव आणि अंतर्गत निदर्शने किंवा लष्करी गुप्तता राखण्यासाठी गेल्या ५० दिवसांपासून इराणमध्ये सरकारने इंटरनेट बंद ठेवले आहे.
