इराणच्या युद्धात पाकिस्तान करत होता नेतृत्व… कतारने दिला मोठा धक्का, पाकिस्तानींसाठी बंद केले दरवाजे ( फोटो सौजन्य : सोशल मीडिया )
Qatar Visa on Arrival for Pakistanis suspended 2026 : जागतिक राजकारणात सध्या अशा काही घडामोडी घडत आहेत, ज्याने पाकिस्तानच्या (Pakistan) ‘इस्लामिक लीडरशिप’च्या स्वप्नांना सुरुंग लावला आहे. एकीकडे इराण, इस्रायल आणि अमेरिका यांच्यात युद्धाचा वणवा पेटलेला असताना, पाकिस्तान स्वतःला या संघर्षात मध्यस्थ आणि मुस्लिम देशांचा मोठा भाऊ म्हणून सादर करण्याचा प्रयत्न करत होता. मात्र, पाकिस्तानच्या या प्रयत्नांना कतारने असा काही सुरुंग लावला आहे की, संपूर्ण इस्लामाबाद हादरून गेले आहे. कतारने (Qatar) पाकिस्तानी नागरिकांसाठी मिळणारी ‘व्हिसा-ऑन-अरायव्हल’ (VOA) सुविधा तात्पुरती स्थगित करण्याचा मोठा निर्णय घेतला आहे.
कतारमधील पाकिस्तानी दूतावासाने ३० आणि ३१ मार्च २०२६ रोजी अधिकृत घोषणा केली की, आता पाकिस्तानी नागरिकांना कतारमध्ये उतरल्यावर व्हिसा मिळणार नाही. या निर्णयामुळे हजारो पाकिस्तानी पर्यटकांची आणि नोकरीसाठी जाणाऱ्यांची मोठी गैरसोय झाली आहे. आता कोणत्याही पाकिस्तानी नागरिकाला कतारमध्ये प्रवेश करायचा असल्यास, त्यांना प्रवासापूर्वीच ‘हय्या पोर्टल’ (Hayya Portal) द्वारे ऑनलाइन अर्ज करून व्हिसा मिळवणे अनिवार्य असेल. जर कोणीही वैध व्हिसाशिवाय कतारच्या विमानतळावर उतरले, तर त्यांना तिथल्या तिथे ‘हद्दपार’ (Deport) केले जाईल, असा सज्जड दमही देण्यात आला आहे.
जागतिक घडामोडी संबंधित बातम्या वाचण्यासाठी येथे क्लिक करा : War Strategy : असे थांबले युद्ध! अमेरिका-इराण युद्धाच्या अर्धवट समाप्तीमागे दडली आहेत ‘ही’ अब्जावधींचे 5 गुपिते, वाचा सविस्तर
पाकिस्तानसाठी कडक निर्बंध लादले जात असताना, भारतासाठी मात्र कतारने आपले दरवाजे अधिक रुंदावले आहेत. भारत आणि कतार यांच्यातील ऐतिहासिक आणि धोरणात्मक संबंधांमुळे, भारतीय नागरिकांना ३० दिवसांचा ‘मोफत’ व्हिसा-ऑन-अरायव्हल मिळत राहील. इतकेच नाही तर, २८ फेब्रुवारी २०२६ पासून कतारने भारतीय प्रवाशांच्या व्हिसा मुदतीत ३० दिवसांची आपोआप वाढ करण्याची सुविधाही दिली आहे. हे स्पष्टपणे दर्शवते की, जागतिक स्तरावर कतार कोणाला आपला खरा मित्र मानतो. भारतीय पासपोर्ट धारकांना केवळ हॉटेल बुकिंग, आरोग्य विमा आणि वैध पासपोर्टच्या आधारे कतारमध्ये राजाश्रय मिळत आहे.
🌍✨Doha joins the global movement for #EarthHour2026! 🇶🇦 Watch the Doha skyline switch off its lights on 28 March 2026, in a display of support for our planet. Qatar l Doha l Earth Hour 2026 l 60 Earth Hour pic.twitter.com/TiNowSY2es — ILoveQatar – Live (@ILQLive) March 28, 2026
credit – social media and Twitter
पाकिस्तानचे पंतप्रधान शहबाज शरीफ आणि तिथले लष्कर सतत इराण-अमेरिका वादात मध्यस्थी करण्याच्या गप्पा मारत आहेत. मात्र, कतारला पाकिस्तानच्या या भूमिकेवर विश्वास नाही. मध्य-पूर्वेतील वाढता तणाव पाहता, कतारने आपल्या सीमा अधिक सुरक्षित करण्याचा निर्णय घेतला आहे. तज्ज्ञांच्या मते, पाकिस्तानमधून येणाऱ्या प्रवाशांकडून सुरक्षेला धोका निर्माण होऊ शकतो किंवा तिथे ‘मानवी तस्करी’ आणि ‘गुन्हेगारी’ वाढू शकते, या भीतीपोटी कतारने हा निर्णय घेतला आहे. मुस्लिम ब्रदरहूड आणि इतर इस्लामी संघटनांच्या नावाखाली पाकिस्तान जे राजकारण करत आहे, त्याला कतारने दिलेला हा थेट नकार आहे.
जागतिक घडामोडी संबंधित बातम्या वाचण्यासाठी येथे क्लिक करा : World War 3: मुज्तबा खामेनींच्या ‘त्या’ 5 निर्णयांनी महासत्तेचे गर्व हरण; अमेरिकेने युद्धात टेकले गुडघे आणि होर्मुझमधूनही माघार
जर तुम्ही भारतीय नागरिक असाल आणि कतारला जाण्याचा प्लॅन करत असाल, तर तुमच्याकडे किमान सहा महिने वैध असलेला पासपोर्ट असणे आवश्यक आहे. यासोबतच आरोग्य विमा (Health Insurance) आणि परतीचे तिकीट असणे अनिवार्य आहे. मात्र, पाकिस्तानी प्रवाशांसाठी आता परिस्थिती अत्यंत गंभीर आहे. त्यांना कतारच्या गृह मंत्रालयाकडून अधिकृत परवानगी मिळाल्याशिवाय विमानतळावर पाऊलही ठेवता येणार नाही. सुरक्षेच्या या नवीन नियमांमुळे पाकिस्तानच्या आंतरराष्ट्रीय प्रतिमेला मोठा तडा गेला आहे.
Ans: मध्य-पूर्वेतील वाढता तणाव आणि सुरक्षेच्या कारणास्तव कतारने हा निर्णय घेतला असून, आता पाकिस्तानी नागरिकांना 'हय्या पोर्टल'द्वारे आधीच व्हिसा घेणे अनिवार्य आहे.
Ans: होय, भारत आणि कतारच्या मजबूत संबंधांमुळे भारतीय नागरिकांना ३० दिवसांचा मोफत व्हिसा-ऑन-अरायव्हल सुविधा पूर्वीप्रमाणेच सुरू राहील.
Ans: कतारला प्रवास करणाऱ्या कोणत्याही प्रवाशाकडे प्रवासाच्या तारखेपासून किमान ६ महिने वैध असलेला पासपोर्ट असणे अनिवार्य आहे.
