नवी दिल्ली – काही मिनिटांतच भारतीय वंशाचे ऋषी सुनक हे ब्रिटनचे नवे पंतप्रधान होणार आहे. राजा चार्ल्स त्यांना नियुक्ती पत्र देतील. तत्पूर्वी, माजी पंतप्रधान लिझ ट्रस यांनी बकिंगहॅम पॅलेसमध्ये येऊन किंग चार्ल्स यांची भेट घेतली आणि त्यांना राजीनामा सुपूर्द केला. राजा आणि सुनक यांची बकिंगहॅम पॅलेसच्या खोली क्रमांक-१८४४ मध्ये भेट झाली. या ठिकाणीच चार्ल्सने ऋषींना नवीन सरकार स्थापन करण्यासाठी आमंत्रित केले. त्यांना नियुक्ती पत्र दिले.
बकिंघम पॅलेसमध्ये पोहोचण्यापूर्वी ट्रस यांनी भारतीय वेळेनुसार दुपारी १.३० वाजता कॅबिनेट मंत्र्यांसोबत बैठक घेतली. पंतप्रधान या नात्याने त्यांनी अखेरच्यांदा पंतप्रधान हाऊसमधून देशाला संबोधित केले. यावेळी ते म्हणाले- आमच्या सरकारने राजकीय संकटात लोकांना मदत करण्यासाठी तत्काळ पावले उचलली. अधिकृतपणे पंतप्रधान झाल्यानंतर सुनक हे दुपारी ४ वाजता पीएम हाऊसमधून देशाला संबोधित करतील.
सुनक यांच्या विजयाचे मोठे कारण म्हणजे त्यांची बँकर प्रतिमा. ट्रस यांच्या पंतप्रधानपदी अपयशाचे सर्वात मोठे कारण म्हणजे आर्थिक आघाडीवर आलेले अपयश. ब्रिटनमधील महागाई हा निवडणुकीचा कळीचा मुद्दा होता. ब्रिटनमध्येही आर्थिक अस्थिरता होती, त्यानंतर जॉन्सन सरकारमध्ये अर्थमंत्री राहिलेले सुनक यांनी आर्थिक बेलआउट योजना आणली, त्याचे मध्यमवर्गीयांनी खूप कौतुक केले आणि लोकांमध्ये त्यांची लोकप्रियता वाढली.
