US Iran Conflict : मोजतबा खामेनेई कुठे आहेत? अमेरिका इराणमधील वाढत्या तणावादरम्यान खामेनेईंसंबंधी मोठी अपडेट समोर 

Mojtaba Khamenei Health Update : अमेरिका इराण यांच्यातील वाढत्या तणावादरम्यान सर्वोच्च नेते मोजतबा खामेनेई यांच्याबाबत मोठी माहिती समोर आली आहे. त्यांच्या मृत्यूची शंका अधिक जास्त व्यक्त केली जात आहे. पण...

• इराणचे सर्वोच्च नेते अपंग?
• अमेरिका इराण वाद विकोपाला
• जगभरात चिंतेचे वातावरण

Mojtaba Khamenei Health Update : तेहरान : अमेरिका इराणमध्ये पुन्हा एकदा युद्धाचे ढग गडद झाले आहे.  पाकिस्तानच्या मध्यस्थीने इस्लामाबाद येथे सुरु असलेली चर्चा फिस्कटली असून दोन्ही देशांत पुन्हा वाद पेटण्याची शक्यता आहे. यामुळे मध्यपूर्वेत अशांततेचे वातावरण निर्माण झाले आहे. याच पार्श्वभूमीवर इराणचे नवे सर्वोच्च नेते मोजतबा खामेनेई (Mojtaba Khamenei) यांच्या गायब होण्याबाबत जगभरात उलट-सुलट चर्चा सुरु आहेत. याबाबत सर्वात मोठी अपडेट समोर आली आहे.

US Iran Peace Talks : इराणचा झुकण्यास नकार…; अयशस्वी शांतता चर्चेसाठी अमेरिकलाच धरले जबाबदार, मध्यपूर्वेत पुन्हा हाहा:कार माजणार

मिळालेल्या माहितीनुसार, २८ फेब्रुवारी २०२६ रोजी इस्रायल अमेरिकेच्या संयुक्त लष्करी कारवाईत मोजतबा खामेनेई गंभीर जखमी झाले होते. तेव्हापासून आतापर्यंत खामेनेई सार्वजनिकरित्या समोर आलेले नाहीत यामुळे त्यांचा मृत्यूची किंवा कोमात असल्याच्या अफवांना बळ मिळाले होते. रॉयटर्सच्या रिपोर्टनुसार, खामेनेईच्या काही निकटवर्तींयांनी मोजतबा खामेनेई जिवंत असल्याचे म्हटले आहे.

कुठे आहेत मोजतबा खामेनेई?

सुत्रांनी सांगितले की, सध्या खामेनेई यांची प्रकृती वेगाने सुधारत आहे. त्यांच्या चेहऱ्याला आणि पायाला गंभीर दुखापत झाली आहे. परंतु ते मानसिकदृष्ट्या चांगल्या स्थितीत आहेत. एका सुत्राने असाही दावा केला होता की, खामेनेई यांनी अमेरिका (America) इराणच्या इस्लामाबाद चर्चेत ऑडिओ कॉन्फरन्सिंगच्या माध्यमातून सहभाग घेतला होता. त्यांनी अनेक महत्त्वाच्या निर्णयांमध्ये आपले मत मांडले होती. तर तिसऱ्या एका सुत्राने दावा केला आहे की हल्ल्यात मोजतबा खामेनेईंनी त्यांचा एक पाय गमावला आहे. परंतु याला अधिकृतपणे इराणी अधिकाऱ्यांकडून दुजोरा मिळालेला नाही.

खामेनेईंच्या मृत्यूचे गूढ कायम

अमेरिका-इस्रायच्या हल्ल्यात इराणचे माजी सर्वोच्च नेते अयातुल्ला अली खामेनेई (Ayatollah Ali Khamenei) यांचा मृत्यू झाला होता. यानंतर त्यांचा मुलगा मोजतबा खामेनेई यांची सर्वोच्च पदी निवड झाली. परंतु तेव्हापासून ना त्यांचा फोटो, व्हिडिओ आणि नाही ते स्वत: जगासमोर आल्याने त्यांच्या मृत्यूची शंका अधिक गढद होत आहे. इराणी माध्यमांनी केवळ त्यांचा संदेश वाचून दाखवला आहे.

अमेरिका इराण चर्चा फिस्कटली, युद्ध पेटणार

दुसरीकडे अमेरिका-इराण शांतता चर्चा (US Iran Peace Talks) अपयशी ठरली आहे. इराणने अमेरिकेच्या अटी नाकारत झुकण्यास नकार दिला आहे. यामुळे अमेरिकेकडून लष्करी कारवाईचे संकेत मिळाले आहेत. या वाढत्या तणावपूर्ण परिस्थिती मध्यपूर्वेतील आखाती देशांवर हल्ल्याची भीती वाढली आहे. तसेच जगावर पुन्हा महागाईचे संकट निर्माण होण्याची भीती व्यक्त केली जात आहे.

US Iran शांतता चर्चा फिस्कटली; त्यापूर्वीच भारताचे LPG टँकर Hormuz मधून सुखरुप बाहेर, जग पाहतचं राहिलं