बुधवार, 21 ऑक्टोबर 2026
USS Abraham Lincoln: इराण युद्धावरून परतणाऱ्या ५ हजार अमेरिकन सैनिकांचा थायलंडमध्ये मुक्काम; अखेर अब्राहम लिंकन मायदेशी परतले ( फोटो सौजन्य : सोशल मीडिया )
समुद्रात सतत २८६ दिवस घालवल्यानंतर आणि इराणविरोधातील तणावाच्या पार्श्वभूमीवर मध्य पूर्वेत तैनात असलेले अमेरिकेचे अण्वस्त्रधारी विमानवाहू जहाज ‘युएसएस अब्राहम लिंकन’ (USS Abraham Lincoln) अखेर थायलंडच्या किनाऱ्यावर पोहोचले. या जहाजावरील ५,००० हून अधिक अमेरिकन सैनिक आणि खलाशी थायलंडमधील प्रसिद्ध पर्यटन शहर पट्टाया येथे ५ दिवसांच्या विश्रांतीसाठी (Rest and Recreation) आले होते. प्रदीर्घ मोहिमेमुळे खचलेले सैनिक, जहाजावरील अन्नधान्याचा तुटवडा आणि पट्टायामधील त्यांच्या आगमनाने निर्माण झालेली खळबळ यामुळे ही बातमी जगभरात चर्चेचा विषय ठरली आहे.
‘द गार्डियन’ आणि आंतरराष्ट्रीय वृत्तसंस्थांच्या अहवालानुसार, युएसएस अब्राहम लिंकन जहाजावरील सैनिकांची परिस्थिती अत्यंत खालावली होती. तब्बल ९ महिन्यांपेक्षा जास्त काळ समुद्रात राहिल्यामुळे जहाजावर ताज्या अन्नाचा आणि स्वच्छ पाण्याचा तीव्र तुटवडा निर्माण झाला होता. सैनिकांना दिले जाणारे अन्न नीट शिजवलेले नसायचे; अपूर्ण शिजलेले मटण आणि बटाटे खाल्ल्यामुळे अनेक सैनिक आजारी पडले होते.
तसेच सततच्या मोहिमेमुळे सैनिकांमध्ये मानसिक तणाव मोठ्या प्रमाणावर वाढला होता. जहाजावर स्वच्छता आणि मूलभूत सुविधांचा अभाव असल्याने खलाशी प्रचंड निराश झाले होते. एका सैनिकाने सांगितले की, “जहाजावर राहणे म्हणजे स्वतःच्याच घरात कुटुंबासोबत एका खोलीत कोंडून राहण्यासारखे होते.” कोरड्या जमिनीवर पाऊल ठेवताच सैनिकांना मोठा दिलासा मिळाला.
जागतिक घडामोडी संबंधित बातम्या वाचण्यासाठी येथे क्लिक करा : World Map: नव्या जागतिक नकाशावरून भारत-पाकिस्तान वाद पेटला; जम्मू-काश्मीरबाबत भारताच्या ठाम भूमिकेमुळे पाक संतप्त
पट्टाया हे शहर आपल्या रात्रं-दिवस सुरू असणाऱ्या नाईटलाईफ आणि मनोरंजनासाठी जगप्रसिद्ध आहे. व्हिएतनाम युद्धाच्या काळापासूनच अमेरिकन सैनिकांसाठी पट्टाया हे विश्रांतीचे प्रमुख केंद्र राहिले आहे. ५,००० अमेरिकन सैनिक शहरात दाखल होताच स्थानिक व्यापाऱ्यांनी आणि हॉटेल व्यावसायिकांनी त्यांचे भव्य स्वागत केले.
जरी पट्टायातील रेड-लाईट डिस्ट्रिक्ट आणि बिअर बार सैनिकांमुळे गजबजले असले, तरी बहुतांश सैनिकांना साध्या गोष्टींची गरज होती. २८६ दिवसांनंतर जमिनीवर आलेल्या सैनिकांनी मॉलमध्ये जाऊन नवीन मोजे, कपडे आणि शूज खरेदी केले. एका सैनिकाने आपल्या पत्नीसाठी ‘हॅलो किटी’चे खेळणे खरेदी केले, तर काहींनी सलूनमध्ये जाऊन पेडिक्युअर आणि मसाजचा आनंद घेतला. स्थानिक थाई खाद्यपदार्थांचा आस्वाद घेत सैनिकांनी आपला तणाव हलका केला.
USS ABRAHAM LINCOLN: CONTROVERSY ERUPTS IN PATTAYA BEFORE DEPARTURE Before the USS Abraham Lincoln’s departure from Thailand, reports emerged of U.S. Marines allegedly becoming heavily intoxicated and getting involved in fights in Pattaya. Thai authorities reportedly barred… https://t.co/mJJo8XypKX pic.twitter.com/R7lZvVXBcu — Subodh Kumar (@kumarsubodh_) September 7, 2026
credit – social media and Twitter
थाई अधिकाऱ्यांच्या मते, अमेरिकन सैनिकांच्या या ५ दिवसांच्या मुक्कामामुळे स्थानिक अर्थव्यवस्थेला कोट्यवधी बाहतचा फायदा झाला. मॉल, कपड्यांचे ब्रँड्स, टेलर्स आणि रेस्टॉरंट्समध्ये सैनिकांनी मोठ्या प्रमाणावर खरेदी केली. अनेक बार आणि रेस्टॉरंट्सनी सैनिकांना आकर्षित करण्यासाठी विशेष सवलती (Discounts) आणि फलक लावले होते.
जागतिक घडामोडी संबंधित बातम्या वाचण्यासाठी येथे क्लिक करा : Mohan Bhagwat : ‘कर्मभूमीशी निष्ठा म्हणजेच खरे हिंदुत्व’; लंडनमध्ये आरएसएस प्रमुख मोहन भागवत यांचे महत्त्वपूर्ण वक्तव्य
सैनिकांच्या गर्दीमुळे शहरात शांतता आणि सुव्यवस्था राखण्यासाठी थाई पोलिसांनी विशेष सुरक्षा व्यवस्था तैनात केली होती. सैनिकांना काही विशिष्ट भागांत जाण्यास मनाई करण्यात आली होती. पाच दिवसांचा मुक्काम पूर्ण झाल्यानंतर युएसएस अब्राहम लिंकन हे विमानवाहू जहाज थायलंड सोडून अमेरिकेच्या वेस्ट कोस्टकडे रवाना झाले आहे. या मुक्कामामुळे सैनिकांना मानसिक आणि शारीरिकदृष्ट्या सुजाण होण्यास मदत झाली असली, तरी अमेरिकन नौदलाच्या लांबलेल्या मोहिमांवर आणि सैनिकांच्या सुरक्षेवर पुन्हा एकदा प्रश्नचिन्ह उपस्थित झाले आहे.
