मार्केटमध्ये नवीन इलेक्ट्रिक सायकल दाखल, देते 50 किमीपेक्षा जास्त रेंज, जाणून घ्या किंमत

हल्ली मार्केटमध्ये इलेक्ट्रिक कार, बाईक्स आणि स्कुटर्स लाँच होत असतानाच, इलेक्ट्रिक सायकलसुद्धा या मार्केटमध्ये आपले स्थान निर्माण करत आहे. भारतात इलेक्ट्रिक सायकल ईमोटोराड टी-रेक्स एयर लाँच करण्यात आली आहे. या सायकलची रेंज 50 किमीपेक्षा जास्त असून, यात डिस्क ब्रेक सुद्धा लावण्यात आले आहे.

फोटो सौजन्य: YouTube

Follow Us:

Follow Us:

वाढत्या पेट्रोल आणि डिझेलच्या किंमती सर्वसामान्यांना घाम फोडत आहे. यामुळेच अनेक जण इलेकट्रीक वाहनांना आपली पसंती दर्शवत आहे. एकीकडे ई-बाईक्स आणि कार्स लाँच होत असताना , आता देशात ई-सायकल सुद्धा लाँच झाली आहे.

ईमोटोराड (EMotorad) कंपनीने या सायकलची निर्मिती केली असून T-Rex Air असे या सायकलचे नाव आहे. ही सायकल शहरी भागात वापरण्यासाठी एक परफेक्ट ऑप्शन मानली जात आहे. या ई-सायकलमध्ये तुम्हाला 50 किमीपेक्षाची जास्त रेंज मिळेल.

काय विशेष आहे या सायकलमध्ये?

कंपनीने या इलेक्ट्रिक सायकलमध्ये 27.5 इंच चाकं दिली आहेत. ऑरेंज ब्लेझ आणि ट्रॉपिकल ग्रीन अशा दोन रंगात ही सायकल बाजारात उपलब्ध असेल. याशिवाय या इलेक्ट्रिक सायकलला हाय-टेंसिल स्टील फ्रेमसह फ्रंट टेलिस्कोपिक फोर्क देण्यात आले आहेत. तसेच या सायकलच्या दोन्ही चाकांना डिस्क ब्रेक देण्यात आले आहेत. जेणेकरून सुरक्षेच्या बाबतीत सुद्धा ही सायकल एकी चांगला ऑप्शन आहे.

भन्नाट फीचर्स

या इलेक्ट्रिक सायकलच्या फीचर्सबद्दल बोलायचे झाले तर कंपनीने यामध्ये 5 इंचाचा एलसीडी क्लस्टर दिला आहे, ज्याच्या मदतीने, रायडर्सना बॅटरी, वेगासह पेडल असिस्ट लेव्हल आणि ओडोमीटरची माहिती मिळेल. ही इलेक्ट्रिक सायकल 2A चार्जरसह येते. कंपनीच्या म्हणण्यानुसार, या बॅटरीच्या मदतीने ही इलेक्ट्रिक सायकल 2 तास 30 मिनिटांत 80 टक्के चार्ज होते.

जबरस्त रेंज

या इलेक्ट्रिक सायकलमध्ये कंपनीने 250W ची इलेक्ट्रिक मोटर दिली आहे. याशिवाय, यात 10.2AH रिमूवेबल लिथियम-आयन बॅटरी देखील देण्यात आली आहे. ही सायकल ५ लॅव्हेल पेडल असिस्टसह बाजारात उपलब्ध आहे.

एखाद वेळीस या सायकलमधील बॅटरी डिस्चार्ज होते, तर तुम्ही ती गिअर असलेली सायकल म्हणून देखील वापरू शकता. या इलेक्ट्रिक सायकलला ताशी 25 किमीचा टॉप स्पीडही देण्यात आला आहे.

किंमत किती?

ईमोटोरॅडची ही इलेक्ट्रिक सायकल 34,999 रुपयांच्या किमतीत लाँच केली आहे. ही सायकल बॅटरी आणि गिअर या दोन्ही पर्यायांवर चालते.

Web Title: E motorad launch news electric cycle trex air know the price

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com