मंगळवार, 20 ऑक्टोबर 2026
फोटो सौजन्य: Social Media
उद्या म्हणजेच 17 जानेवारी रोजी भारतातील सर्वात मोठा ऑटोमोटिव्ह इव्हेंट आयोजित करण्यात आला आहे. Bharat Mobility Global Expo 2025 असे या कार्यक्रमाचे नाव आहे, ज्याला Auto Expo 2025 या नावाने सुद्धा ओळखले जात आहे. या ऑटोमोटिव्ह इव्हेंटमध्ये अनेक आधुनिक आणि दर्जेदार कार लाँच होणार आहे. त्यातीलच एक म्हणजे ह्युंदाई क्रेटा इलेक्ट्रिक.
दक्षिण कोरियाची वाहन निर्माता कंपनी ह्युंदाई ऑटो एक्स्पो 2025 च्या पहिल्या दिवशी भारतीय बाजारात ह्युंदाई क्रेटा इलेक्ट्रिक लाँच करणार आहे. कंपनी यामध्ये कोणत्या प्रकारचे फीचर्स प्रदान करेल? कोणत्या क्षमतेची बॅटरी आणि मोटर उपलब्ध असेल? या एसयूव्हीची किती रेंज असेल? याची संभाव्य किंमत काय असू शकते? या सर्व प्रश्नांची उत्तरे आज आपण जाणून घेऊयात.
आता पार्किंग नाही तर कार नाही ! महाराष्ट्रात लवकरच लागू होणार ‘हा’ नियम?
ह्युंदाई क्रेटा इलेक्ट्रिकमध्ये, कंपनीने इन कार पेमेंट, डिजिटल की, शिफ्ट बाय वायर, सिंगल पेडल ड्राइव्ह, व्हेईकल टू लोड, अ‍ॅडव्हान्स्ड क्लायमेट कंट्रोल, बोस ८ स्पीकर ऑडिओ सिस्टम, १०.२५ इंच ड्युअल कर्व्हिलिनियर स्क्रीनसह एचडी इन्फोटेनमेंट, डिजिटल इन्स्ट्रुमेंट क्लस्टर, कूल्ड ग्लोव्ह बॉक्स, २६८ भाषांमध्ये व्हॉइस कमांड, पॅनोरॅमिक सनरूफ, ह्युंदाई ब्लूलिंक कनेक्टिव्हिटी, ग्रॅनाइट ग्रे आणि गडद नेव्ही रंगाचे इंटीरियर प्रदान केले आहे. यासोबतच, यात समुद्री निळ्या रंगाचे अँबियंट लाइट्स, फ्लोटिंग कन्सोल, १०.२५ इंच इन्फोटेनमेंट आणि इन्स्ट्रुमेंट क्लस्टर, नवीन अलॉय व्हील्स, ड्युअल झोन क्लायमेट कंट्रोल, २६१० मिमी व्हीलबेस, ८ वे पॉवर्ड फ्रंट सीट, ड्रायव्हर मेमरी सीट, २२ लिटर फ्रंक स्पेस, त्यात ४३३ लिटर बूट स्पेस उपलब्ध असेल.
भारतीयांची आवडती Toyota Fortuner झाली महाग, व्हेरियंटनुसार वाढल्या किंमती
ह्युंदाई क्रेटा ईव्हीमध्ये ग्राहकांच्या सुरक्षिततेकडेही खूप लक्ष दिले जाणार आहे. यामध्ये उच्च शक्तीचे स्टील वापरले जाईल. याशिवाय, त्यात १९ सुरक्षा कार्यांसह लेव्हल-2 ADAS, सहा एअरबॅग्ज, ऑल व्हील डिस्क ब्रेक, EPB, ऑटो होल्ड, हिल होल्ड असिस्ट, ESC, VSM, ISOFIX चाइल्ड अँकरेज, TPMS सारखी सेफ्टी फीचर्स उपलब्ध असतील.
कंपनीने या एसयूव्हीमध्ये दोन बॅटरी पर्याय दिले आहेत. ज्यामध्ये 42 किलोवॅट प्रति तास क्षमतेची बॅटरी 390 किमीची रेंज आणि 51.4 किलोवॅट प्रति तास क्षमतेची बॅटरी एका चार्जमध्ये 473 किमीची रेंज देईल. त्यात बसवलेली मोटर फक्त 7.9 सेकंदात 0-100 किलोमीटरची स्पीड देईल. त्याची बॅटरी डीसी चार्जरने 58 मिनिटांत 10 ते 80 टक्के चार्ज करता येते. त्याच वेळी, 11kW वॉल बॉक्स चार्जरने ही कार १० ते १०० टक्के चार्ज होण्यासाठी चार तास लागतील.
ह्युंदाई क्रेटा इलेक्ट्रिक एसयूव्हीच्या एक्स-शोरूम किंमतीची अचूक माहिती लाँचच्या वेळी उपलब्ध होईल. परंतु त्याची संभाव्य एक्स-शोरूम किंमत 20 ते 25 लाख रुपयांच्या दरम्यान असण्याची अपेक्षा आहे.
