Kawasaki Bikes वर मिळतेय भरभरून सूट, ‘या’ बाईकवर सर्वाधिक डिस्काउंट

भारतात दमदार स्पोर्ट बाईक ऑफर करणारी कावासाकी कंपनी आता आपल्या बाईकवर दमदार डिस्कॉऊंट देत आहे. चला याबद्दल अधिक माहिती जाणून घेऊयात.

फोटो सौजन्य: iStock

Follow Us:

Follow Us:

भारतीय मार्केटमध्ये विविध सेगमेंटमध्ये बाईक ऑफर केल्या जातात. यात आता स्पोर्ट बाईक सेगमेंटमधील बाईक्सना दमदार मागणी मिळत आहे. स्टायलिश लूक आणि उत्तम परफॉर्मन्स यामुळे भारतात स्पोर्ट बाईकची विक्री सातत्याने वाढताना दिसत आहे.

भारतात स्पोर्ट बाईक ऑफर करणाऱ्या अनेक कंपन्या आहेत, ज्या ग्राहकांच्या मागणीनुसार बेस्ट लूक असणाऱ्या बाईक ऑफर करत असतात. यातीलच एक कंपनी म्हणजे कावासाकी. आता कंपनीने येत्या मे २०२५ मध्ये सवलत ऑफर जाहीर केली आहे. कावासाकी त्यांच्या ‘समर कार्निव्हल: बिग राइड्स, बिगर सेविंग्स!’ ची घोषणा केली आहे. डिस्काउंट ऑफर अंतर्गत, भारतात विकल्या जाणाऱ्या जवळजवळ सर्व बाईक्सवर सूट दिली जात आहे. डिस्काउंटसोबतच कंपनी कॅशबॅक ऑफर देत आहे. ही डिस्काउंट कावासाकी बाईकवर 31 मे 2025 पर्यंत किंवा स्टॉक संपेपर्यंत दिली जात आहे.

हे काम होईल फक्त १५ मिनिटांत! HSRP नंबर प्लेट काढण्याची शेवटची तारीख आली जवळ, अन्यथा भरावे लागतील २०० रुपये

कावासाकी निन्जा 500 (Kawasaki Ninja 500)

कावासाकी निन्जा 500 वर 45000 रुपयांचे डिस्काउंट मिळत आहे. भारतात, ती 5.24 लाख रुपयांच्या एक्स-शोरूम किमतीत उपलब्ध आहे. यात 451 सीसी लिक्विड-कूल्ड, पॅरलल-ट्विन इंजिन वापरले आहे, जे 45 बीएचपी पॉवर आणि 42.6 एनएम पीक टॉर्क जनरेट करते. त्याचे इंजिन स्लिप-अँड-असिस्ट क्लचसह सहा-स्पीड ट्रान्समिशनशी जोडलेले आहे.

कावासाकी झेड900 (Kawasaki Z900)

2024 ची कावासाकी Z900 वर 40,000 रुपयांचे डिस्काउंट मिळत आहे. भारतात याची एक्स-शोरूम किंमत 9.29 लाख रुपये आहे. यात 948 सीसी, लिक्विड-कूल्ड, इनलाइन-फोर इंजिन वापरले आहे, जे 123.6 बीएचपी पॉवर आणि 98.6 एनएम टॉर्क जनरेट करते. त्याचे इंजिन सहा-स्पीड गिअरबॉक्सशी जोडलेले आहे. हे मेटॅलिक स्पार्क ब्लू आणि मेटॅलिक मॅट ग्राफीन स्टील ग्रे रंगाच्या पर्यायांमध्ये उपलब्ध आहे.

कावासाकी निन्जा झेडएक्स-10आर (Kawasaki Ninja ZX-10R)

Kawasaki Ninja ZX-10R खरेदीवर 30,000 रुपयांचे EMI कॅशबॅक व्हाउचर दिले जात आहे. भारतात त्याची एक्स-शोरूम किंमत 18.50 लाख रुपये आहे. यात 998 सीसी इनलाइन-फोर-सिलेंडर लिक्विड-कूल्ड इंजिन वापरले आहे, जे 200 बीएचपी पॉवर आणि 114.9 एनएम टॉर्क जनरेट करते. त्याचे इंजिन सहा-स्पीड ट्रान्समिशनशी जोडलेले आहे, ज्यामध्ये क्विक शिफ्टर देखील आहे.

Hyundai आणि Tata ला मागे सोडत ‘या’ कंपनीच्या SUV वर ग्राहक पडलेत तुटून, विक्रीत दिसली मोठी वाढ

Kawasaki Ninja 650 (कावासाकी निन्जा 650)

मिडलवेट स्पोर्ट्स टूरर बाईक कावासाकी निन्जा 650 वर 25,000 रुपयांपर्यंत सूट दिली जात आहे. या डिस्काउंटसह, बाईकची एक्स-शोरूम किंमत 7.27 लाख रुपये आहे. यात 649 सीसी लिक्विड-कूल्ड पॅरलल-ट्विन इंजिन वापरले आहे, जे 67.3 बीएचपी पॉवर आणि 64.0 एनएम टॉर्क जनरेट करते.

अन्य बाईकवर सुद्धा मिळत आहे डिस्काउंट

वरील बाईक्स व्यतिरिक्त Kawasaki Ninja 300, Kawasaki Versys 650, Kawasaki Eliminator आणि Kawasaki Ninja 1100 SX बाईकवर दमदार डिस्काउंट देत आहे.

Web Title: Kawasaki bike discount in may 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com