फोटो सौजन्य: iStock
भारतात लक्झरी कार्स म्हंटलं की अनेकांच्या नजरेसमोर Mercedes कंपनीचे नाव समोर येते. आजही रस्त्यांवर मर्सिडीजची कार धावताना दिसली की अनेकांच्या नजरा त्यावर रोखल्या जातात. तसेच अनेक राजकीय मंडळी आणि सेलिब्रेटींच्या कार कलेक्शनमध्ये देखील मर्सिडीजच्या विविध कार्स पाहायला मिळतात. भारतीय ऑटो बाजारात मर्सिडीजच्या विविध कार्सना चांगली मागणी असून देखील कंपनीने आपली एक कार बंद करण्याच्या निर्णय घेतला आहे.
Mercedes-Benz ची सर्वात कॉम्पॅक्ट 7-सीटर एसयूव्ही Mercedes-Benz GLB भारतीय बाजारातून हटवण्यात आली आहे. ही प्रीमियम थ्री-रो एसयूव्ही डिसेंबर 2022 मध्ये लाँच करण्यात आली होती, पण आता कंपनीने ही कार त्यांच्या भारतातील वेबसाइट आणि लाइनअपमधून काढून टाकली आहे. मर्सिडीज-बेंझ जीएलबीमध्ये कोणते फीचर्स होते आणि ही कार भारतात का बंद करण्यात आली आहे? त्याबद्दल जाणून घेऊया.
2025 मध्ये Maruti Suzuki ‘या’ 2 SUVs आणायच्या तयारीत, ‘असा’ असेल कंपनीचा मास्टर प्लॅन
या कारला GLA चे अधिक प्रॅक्टिकल व्हर्जन मानली जाते. या कारचा लूक बॉक्सी होता, स्टायलिंग स्टाइल होती आणि यात 7 लोक बसू शकत होते. ही कार मेक्सिकोहून CBU म्हणून भारतात आयात करण्यात आली होती, ज्यामुळे या कारची थोडी किंमत महाग झाली. भारतात ही कार तीन व्हेरियंटमध्ये उपलब्ध आहे.
GLB 200 प्रोग्रेसिव्ह लाईन: या व्हेरियंटमध्ये1.3-लिटर टर्बो-पेट्रोल इंजिन देण्यात आले होते जे 163 पीएस पॉवर आणि 250 Nm टॉर्क जनरेट करते. त्याचे इंजिन 7-स्पीड DCT गिअरबॉक्सशी जोडलेले होते.
GLB 220d प्रोग्रेसिव्ह लाईन: यात 2-लिटर डिझेल इंजिन देण्यात आले होते जे 190 पीएस पॉवर आणि 400 Nm टॉर्क जनरेट करते. त्याचे इंजिन 8-स्पीड ऑटोमॅटिक गिअरबॉक्सशी जोडलेले होते.
GLB 220d 4MATIC AMG लाईन: यात 2-लिटर डिझेल इंजिन देखील होते, परंतु ते स्पोर्टी डिझाइन, 19-इंच चाके आणि AMG लूक आतून आणि बाहेरून, 4MATIC ऑल-व्हील ड्राइव्ह सिस्टमसह देण्यात आले होते.
BYD नंतर आता ‘या’ चिनी ऑटो कंपनीचा भारताच्या ऑटोमोबाईलवर लक्ष, Mahindra-Tata ला मिळणार टक्कर
मर्सिडीज-बेंझ जीएलबी भारतात 63.8 लाख ते 69.8 लाख रुपयांच्या किमतीत उपलब्ध झाली. ही भारतातील सर्वात स्वस्त लक्झरी 7-सीटर एसयूव्ही होती.
या कारच्या बंद करण्याबाबत, Mercedes म्हणते की GLB भारतात लिमिटेड युनिट्ससाठी आणण्यात आली होती. या सर्व युनिट्सची विक्री झाली आहेत आणि लोकल असेंब्लीची कोणतीही योजना नाही, त्यामुळे सध्या या कारचे उत्पादन होत नाही. त्याच वेळी, ही कार बंद करण्यामागील दुसरे कारण म्हणजे CBU आयात असल्याने, ही कार महाग होती आणि याच किमतीत लोक GLC किंवा इलेक्ट्रिक EQB खरेदी करण्यास प्राधान्य देत होते.
