फोटो सौजन्य: YouTube
भारतीय कारमार्केटमध्ये विविध ब्रँड्सच्या एसयूवीस आपल्याला पाहायला मिळतील. पण भारताबाहेरील मार्केटमध्ये सुद्धा एसयूवी कार्सना मोठी मागणी आहे. रेनॉल्टची सहायक कंपनी Dacia युरोपियन बाजारासाठी B-SUV सेगमेंटमध्ये नवीन SUV वर काम करत आहे, जी युरोपमध्ये २०२७ पर्यंत लाँच केली जाऊ शकते. या कारला बेबी डस्टर एसयूव्ही सुद्धा म्हटले जात आहे. जाणून घेऊयात या कार्सचे फीचर्स आणि अन्य गोष्टी.
रेनॉल्ट डस्टर स्वतः B-SUV सेगमेंटमध्ये येते, परंतु गेल्या काही वर्षांत ही कंपनी आपल्या कार्सचे आकार वाढवताना दिसत आहे. आता कंपनी एका छोट्या एसयूव्हीवर काम करत आहे, जी त्याच्या परवडणाऱ्या किंमतीसह मोठ्या संख्येने ग्राहकांना आकर्षित करेल. रेनॉल्टची ही नवीन एसयूव्ही सध्याच्या CMF-B आर्किटेक्चरवर आधारित असेल. कंपनी बिगस्टर म्हणून ओळखल्या जाणाऱ्या मोठ्या एसयूव्हीवर देखील काम करत आहे. ही 7 सीटर कार असेल जी पुढील वर्षी 2025 मध्ये लाँच केली जाईल.
कंपनीकडून नवीन B-SUV एकाधिक पॉवरट्रेन पर्यायांमध्ये ऑफर केली जाऊ शकते. ICE सोबत, माइल्ड-हायब्रीड, फुल-हायब्रिड आणि LPG सारखे ग्रीन ऑप्शन यात मिळू शकतात. इतकेच नाही तर या नवीन रेनॉमध्ये लेटेस्ट जनरेशन इंजिन पाहायला मिळतं. तसेच ईव्हीची वाढती मागणी लक्षात घेता, कंपनी हे मॉडेल इलेक्ट्रिक रूपात सुद्धा लाँच करू शकते.
डस्टर बेबी एसयूव्हीची रचना Dacia Manifesto Concept आणि Sandrider सारखी असेल. नवीन कॉम्पॅक्ट एसयूव्हीमध्ये ग्राहकांना अधिक जागा मिळू शकते. तसेच यासोबत पुरेसा ग्राउंड क्लीयरन्स, शार्प पॅनेलिंग आणि मजबूत बॉडी क्लेडिंग देखील असू शकते. याशिवाय, यात अनेक ऍडव्हान्स फीचर्स सुद्धा असू शकतात, जे नक्कीच ड्रायव्हिंगचा अनुभव आणखी सुधारेल.
