Marathi News »
Automobile »
The New Toyota Camry Will Be Launched In India On December 11

नवीन Toyota Camry ‘या’ तारखेला भारतात होणार लॉंच ; जाणून घेऊया या कारबद्दल

टोयोटा कंपनीकडून जगप्रसिद्ध कॅमरी कारच्या नवव्या जनरेशनचे भारतात येत्या काही दिवसताच लॉंचिग केले जाणार आहे. जाणून घेऊया या नव्या जनरेशन कारच्या किंमत, वैशिष्ट्ये इत्यांदीबद्दल

By नारायण परब

Updated On: Nov 19, 2024 | 06:15 AM

फोटो सौजन्य- टोयोटा वेबसाईट

जपानी ऑटोमोबाईल कंपनी टोयोटा 11 डिसेंबर 2024 रोजी आपल्या कॅमरी सेडानच्या नवव्या जनरेशनचे भारतात अनावरण करणार आहे. 2019 पासून भारतीय बाजारपेठेत असलेल्या या हायब्रीड सेडान कारला अखेर मोठ्या बदलांसह नवे अपडेट मिळणार आहे. याआधी 2022 मध्ये या कारला मिड-लाइफ अपडेट मिळाले होते. आता या नव्या जनरेशनमध्ये अधिक आधुनिक डिझाइन आणि प्रगत वैशिष्ट्ये समाविष्ट करण्यात आली आहेत.

इलेक्ट्रीक कारमध्ये महिंद्रा निर्माण करणार दबदबा; कंपनीच्या दोन इलेक्ट्रिक कारचे 26 नोव्हेंबरला लॉंचिंग

टोयोटा कॅमरी ( Toyota Camry) डिझाइन आणि स्टाइलमध्ये बदल

नवीन कॅमरीची डिझाइन जागतिक बाजारपेठेत सादर झालेल्या मॉडेलसारखीच असेल. यामध्ये स्लीक हेडलॅम्प, C-आकाराचे डे-टाइम रनिंग लाइट्स (DRLs), नवीन डिझाइनचा ग्रिल आणि स्टायलिश फ्रंट फॅसिआ आहे. मागील भागात नवीन टेल लॅम्प आणि री-डिझाइन केलेला बंपर हे कारला अधिक आकर्षक बनवतात. कारची एकूण रचना ही यापूर्वीच्या आवृत्तीसारखीच आहे, मात्र छताच्या डिझाइनमध्ये थोडा बदल दिसून येतो. त्याचे परिमाण देखील साधारण त्याच प्रमाणात राहिले आहेत – लांबी 4,915 मिमी, रुंदी 1,839 मिमी, उंची 1,445 मिमी आणि व्हीलबेस 2,825 मिमी. हे मॉडेल टोयोटाच्या TNGA-K प्लॅटफॉर्मवर तयार केले गेले आहे, जो प्लॅटफॉर्म जागतिक बाजारात अनेक टोयोटा आणि लेक्सस कार्ससाठी वापरला जात आहे.

टोयोटा कॅमरी ( Toyota Camry) इंटीरियर आणि तंत्रज्ञान

कारच्या इंटीरियरमध्ये पूर्णतः फ्रेश अनुभव देण्यासाठी नवीन लेआउट देण्यात आले आहे. यात दोन डिजिटल स्क्रीन आहेत – 7-इंचाचा इन्स्ट्रुमेंट क्लस्टर आणि 12.3-इंचाचा टचस्क्रीन इन्फोटेनमेंट सिस्टीम. हेड-अप डिस्प्ले, JBL साऊंड सिस्टिम, हवेशीर मोकळी जागा, आणि प्रगत तंत्रज्ञान इत्यादींचा समावेश असणार आहे.

टोयोटा कॅमरी ( Toyota Camry) सुरक्षा आणि ADAS तंत्रज्ञान

कारमधील सुरक्षेच्या दृष्टीने, नवीन कॅमरीमध्ये टोयोटा सेन्स 3.0 तंत्रज्ञान दिले जाईल. यामध्ये लेन डिपार्चर अलर्ट, रडार-आधारित क्रूझ कंट्रोल, प्री-कॉलिजन ब्रेकिंग, वक्र वेग कमी करणारे सिस्टीम यांसारख्या प्रगत ADAS वैशिष्ट्यांचा समावेश असेल. त्यामुळे कारही अत्याधुनिक सुरक्षा घटकांपासून सुसज्ज असणार आहे.

Bajaj सीएनजी बाईकनंतर, ‘या’ पर्यावरणपुरक प्रकारातील बाईक लवकरच लॉंच करणार!

टोयोटा कॅमरी ( Toyota Camry) इंजिन आणि परफॉर्मन्स

नवीन कॅमरीमध्ये 2.5-लिटर, चार-सिलेंडर इंजिन असेल, जे इलेक्ट्रिक मोटरच्या सहाय्याने 222 एचपी पॉवर निर्माण करेल. ट्रान्समिशनसाठी eCVT गिअरबॉक्स दिला जाईल, जो स्मूथ ड्रायव्हिंगचा अनुभव प्रदान करतो.

या कारची अपेक्षित अपेक्षित एक्स शोरुम किंमत ही 45 लाख रुपये ते 55 लाख रुपयांच्या दरम्यान असू शकते. टोयोटा कॅमरीची नव्या रुपातील आवृत्ती भारतीय बाजारात लक्झरी आणि टिकाऊपणाचा नवा मानक ठरेल, अशी अपेक्षा व्यक्त केली जात आहे. त्यामुळे हायरेंजमधील कार खरेदीचा विचार करत असलेल्या ग्राहकांसाठी ही नवी आकर्षक कॅमरी कार एक उत्तम पर्याय ठरु शकते.