महिला सक्षमीकरणासाठी कोर्टेवा ऍग्रीसायन्सचा व्यापक कार्यक्रम सुरु, 2 मिलियन महिलांना फायदा होणार

कोर्टेवा ऍग्रीसायन्स ही जागतिक कृषी क्षेत्रातील आघाडीची कंपनी आहे. 2030 पर्यंत भारताच्या कृषी-मूल्य साखळीत 2 मिलियन वूमन (महिलांना) समर्थन देणारा एक व्यापक कार्यक्रम सुरू करीत आहे. लक्षित समर्थन, साधने, आणि संसाधने प्रदान करून, कोर्तेवा महिलांना शेतकरी, संशोधक, आणि उद्योजक म्हणून सक्षम बनविण्याचा उद्देश ठेवते.

महिला सक्षमीकरणासाठी कोर्टेवा ऍग्रीसायन्सचा व्यापक कार्यक्रम सुरु, 2 मिलियन महिलांना फायदा होणार

Follow Us:

Follow Us:

कोर्टेवा ऍग्रीसायन्स या कंपनीने 2030 पर्यंत भारताच्या कृषी-मूल्य साखळीत 2 मिलियन वूमन (महिलांना) समर्थन देणारा एक व्यापक कार्यक्रम सुरू केला आहे. कंपनीच्या महिला सक्षमीकरणाच्या या उपक्रमात संसाधनांवर आणि निर्णय घेण्याच्या भूमिकांमध्ये समान प्रवेश वाढवणे, उत्पादनक्षमतेत सुधारणा तंत्रे लागू करणे, आणि अन्न सुरक्षेत वाढ करणे यावर लक्ष केंद्रित केले आहे. हा कार्यक्रम पारंपरिक कॉर्पोरेट जबाबदारीच्या पलीकडे घेऊन जातो. जो लिंग समता, शाश्वत विकास, आणि आर्थिक वाढ यांचे एकत्रीकरण सुद्धा करतो.

या उपक्रमाच्या शुभारंभाबाबत बोलताना कोर्तेवा ऍग्रीसायन्सचे दक्षिण आशिया क्षेत्राचे अध्यक्ष सुब्रतो गिड यांनी सांगितले आहे की, “महिलांचा ग्रामीण जीवन आणि कृषी क्षेत्रात एक महत्त्वाचा आधार आहे. कोर्तेवा त्यांच्या आयुष्यात सुधारणा आणण्यासाठी चांगल्या कृषी पद्धती, शिक्षण, आणि शाश्वत कृषी प्रथांना प्रवेश मिळवून देण्यास वचनबद्ध आहे. आम्ही आशा करतो की, हा लक्ष केंद्रित दृष्टिकोन भारताच्या विकसित राष्ट्रात जाण्यासाठी वेग देईल. या सामाजिक जबाबदारीचा स्वीकार करताना, विकसित भारत कडे एक पाऊल टाकण्याचा आम्हाला सार्थ अभिमान आहे.”
(फोटो सौजन्य – सोशल मिडीया) 

हे देखील वाचा – चेन्नईस्थित ‘या’ कंपनीचा 1,100 कोटींचा आयपीओ लवकरच खुला होणार; वाचा… सविस्तर!

कोर्तेवा ऍग्रीसायन्स कंपनीच्या सरकारी व उद्योग व्यवहार संचालक अनुजा काडियन यांनी सांगितले आहे की, “आमचा २ मिलियन उपक्रम लिंग समानता, आर्थिक वाढ, आणि पर्यावरणीय टिकाऊपणाशी जोडला गेला आहे. महिलांना साधने, ज्ञान, आणि संसाधने प्रदान करून, कोर्तेवा शाश्वत विकासात महिलांना नेतृत्व करण्यासाठी मार्ग प्रशस्त करत आहे. भारताच्या आर्थिक सक्षमता, अन्न सुरक्षा, आणि टिकाऊपणाच्या उद्दिष्टांना समर्थन देत आहे.”

काही महत्वाचे मुद्दे

• महिला नेतृत्व असलेल्या शेतकरी उत्पादक संघटनांचा आणि महिला शेतकऱ्यांचा विकास : महिला केंद्रित शेतकरी उत्पादक संघटनां (एफपीओ) आणि सहकारी संस्थांद्वारे, कोर्तेवा महिलांना कृषी मूल्य साखळीत समाविष्ट करून एक समावेशी पारिस्थितिकी व्यवस्था निर्माण करण्याचा उद्देश ठेवते. थेट बियाणे लागवडीसारख्या हवामान-स्मार्ट पद्धती, कार्बन साठवण, मातीची आरोग्य व्यवस्थापन, आणि जलसंवर्धन यांचा प्रचार करून, कोर्तेवा ग्रामीण क्षेत्राच्या महिलांच्या आर्थिक वाढीबरोबर पर्यावरणीय जबाबदारीचे एकत्रीकरण करीत आहे.

• स्टेम मध्ये महिलांचा विकास : कोर्तेवा महिला स्टेम विद्यार्थ्यांना क्षमता वाढवणे आणि मार्गदर्शन प्रदान करेल, ज्यामुळे अधिक शाश्वत आणि समावेशी कृषी क्षेत्रासाठी भविष्याचे नेतृत्व करणारे आणि नवकल्पनाकार तयार होतील.

• ग्रामीण आणि कृषी समुदायांचा विकास : कोर्तेवा स्वच्छ पाण्याच्या आणि संग्रहण सुविधांच्या सुधारित पायाभूत सुविधा मध्ये गुंतवणूक करत आहे. या उपक्रमांमुळे कृषी उत्पादनशक्ती वाढते आणि महिला शेतकऱ्यांना यशासाठी आवश्यक संसाधने मिळतात. याशिवाय, कोर्तेवा च्या कार्यक्रमांमध्ये आरोग्य, कल्याण, आर्थिक साक्षरता, आणि व्यावसायिक कौशल्यांवर प्राधान्य दिले जाईल, ज्यामुळे आवश्यक सेवांचा प्रवेश मिळवून देऊन महिला शेतकऱ्यांना अधिक आरोग्यदायी आणि समृद्ध जीवन जगण्यासाठी समर्थन केले जाईल, तसेच शाश्वत कृषी वाढ चालविण्यात मदत होईल.

कोर्तेवाचा 2 मिलियन उपक्रम महिलांना कृषी वाढ आणि नवकल्पनेचे प्रेरक बनवितो. या प्रयत्नांचा उद्देश नवकल्पना, आर्थिक विकास, अन्न सुरक्षा, आणि अधिक समावेशी कृषी क्षेत्र निर्मिती करणे आहे.

Web Title: Corteva agriscience comprehensive program for women empowerment will benefit 2 million women

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com