डोनाल्ड ट्रम्प यांच्या टॅरिफ योजनेमुळे अमेरिकन शेअर बाजारात मोठी घसरण, भारतावर काय होईल परिणाम?

Share Market : १० मार्च रोजी अमेरिकन शेअर बाजारात मोठी घसरण झाली. नॅस्टॅक ४ टक्के आणि एस अँड पी ५०० २.७० टक्के घसरला. या घसरणीमागे डोनाल्ड ट्रम्प यांचे टॅरिफ धोरण कारणीभूत असल्याचे समजले जात आहे. आजपासून अमेरिकन बाजारात

डोनाल्ड ट्रम्प यांच्या टॅरिफ योजनेमुळे अमेरिकन शेअर बाजारात मोठी घसरण, भारतावर काय होईल परिणाम? (फोटो सौजन्य - सोशल मीडिया)

Follow Us:

Follow Us:

Share Market Marathi News: १० मार्च रोजी अमेरिकन शेअर बाजारात मोठी घसरण झाली. नॅस्टॅक ४ टक्के आणि एस अँड पी ५०० २.७० टक्के घसरला आहे. या घसरणीमागे डोनाल्ड ट्रम्प यांचे टॅरिफ धोरण कारणीभूत असल्याचे मानले जाते. डोनाल्ड ट्रम्प यांच्या धोरणांमुळे जगातील सर्वात मोठ्या अर्थव्यवस्थेत मंदी येण्याची भीती आहे. त्यामुळे गुंतवणूकदारांमध्ये संशयाचे वातावरण आहे. सोमवारी एस अँड पी ५०० च्या सर्वकालीन उच्चांकापासून बाजाराला सुमारे ४ ट्रिलियन डॉलर्सचे नुकसान झाले आहे.

१० मार्च रोजी, अमेरिकेतील तंत्रज्ञान कंपन्यांच्या शेअर्समध्ये २०२२ नंतरची सर्वात मोठी घसरण दिसून आली. अमेरिकेतील घसरण फक्त शेअर बाजारापुरती मर्यादित नव्हती. मालमत्ता वर्ग, कॉर्पोरेट बाँड, अमेरिकन डॉलर आणि क्रिप्टोकरन्सीमध्येही मोठी विक्री दिसून आली. अमेरिकन बाँडच्या किमती घसरल्या. ट्रम्पच्या टॅरिफमुळे अमेरिकन शेअर बाजारात चिंता निर्माण झाली आहे.

Share Market Today: शेअर बाजार रिकवरी मोडवर, सेन्सेक्स ७४००० च्या वर, इंडसइंड बँकेचे शेअर्स कोसळले

ट्रम्प यांनी कॅनडा, मेक्सिको आणि चीन सारख्या देशांवर नवीन शुल्क जाहीर केले आहे. त्याच वेळी, भारतावर समान शुल्क लादण्याची चर्चा झाली आहे. यामुळे व्यावसायिक आणि गुंतवणूकदारांच्या मनात शंका निर्माण झाली आहे.

काय म्हणतात तज्ज्ञ?

“राष्ट्रपतींच्या टॅरिफ धोरणाचा आणि त्याभोवती असलेल्या अनिश्चिततेचा अमेरिकन शेअर बाजारांवर नकारात्मक परिणाम झाला आहे,” असे जिओजित फायनान्शियल सर्व्हिसेसचे मुख्य गुंतवणूक धोरणकार व्हीके विजयकुमार म्हणतात.

भारतावर काय परिणाम होईल?

आजपासून अमेरिकन बाजारातील घसरणीचा परिणाम शेअर बाजारात दिसू लागला आहे. आज देशांतर्गत बाजारात घसरण दिसून आली आहे. भारतीय शेअर बाजार आधीच खूप दबावाखाली आहे. परदेशी गुंतवणूकदार सतत पैसे काढत आहेत. त्यामुळे बाजारावर दबाव आहे. याशिवाय, आर्थिक आघाडीवरही फारसे उत्साहवर्धक अंदाज नाहीत.

सद्या भारतीय शेअर बाजारात चढ उतार सुरू आहे. आज सकाळी शेअर बाजार घसरणीसह उघडला पण आता शेअर बाजारात रिकव्हरी सुरू झाली आहे. सेन्सेक्स पुन्हा एकदा ७४००० च्या वर गेला आहे. दरम्यान, जेन्सोल इंजिनिअरिंग, टुकॅप फायनान्स, मॅगेलेनिक क्लाउड्स, जेटीएल इंडस्ट्रीज, इंडो यूएस बायो-टेक यांचे शेअर्स आज ५२ आठवड्यांच्या नीचांकी पातळीवर पोहोचले.

तज्ञांचा असा सल्ला आहे की सर्वात मोठा परिणाम आयटी आणि फार्मा क्षेत्रांवर दिसून येऊ शकतो. अशा परिस्थितीत, या क्षेत्रातील कंपन्यांच्या शेअर्सच्या कामगिरीवर लक्ष ठेवा. जर अमेरिकन शेअर बाजार चांगली कामगिरी करू शकला नाही तर त्याचा नकारात्मक परिणाम भारतीय शेअर बाजारावरही दिसून येईल. अशा परिस्थितीत गुंतवणूकदारांना बाजारात तेजीची वाट पहावी लागू शकते.

Maharashtra Budget 2025 : लाडकी बहीण, कृषी, रोजगार अन्…; कोणत्या खात्यासाठी किती बजेट? वाचा सविस्तर

Web Title: Donald trumps tariff plan causes a huge fall in the us stock market what will be the impact on india

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com