शुक्रवार, 14 ऑगस्ट 2026
(फोटो सौजन्य - सोशल मीडिया)
India Electricity Export : भारत बनला ‘पावर हाऊस’! ‘या’ देशांना वीज पुरवून कमावतोय कोट्यवधी रुपये
वास्तविक, मुस्कान अत्तार नावाच्या युजरने सोशल नेटवर्किंग साइट X वर ट्विट केले आहे. या पोस्टमध्ये तिने सांगितले की, तिच्या एका मैत्रिणीने 1 कोटी रुपयांची नोकरीची ऑफर नाकारली आहे. ही ऑफर का नाकारली गेली हे जाणून तुम्हाला आणखी आश्चर्य वाटेल. कार्यालयातील घातक वातावरण हे त्यामागचं मुख्य कारण आहे. त्यामुळे उमेदवाराने नोकरीला थेट नकार दिला.
मुस्कानने तिच्या पोस्टमध्ये लिहिले आहे, “माझ्या एका मैत्रिणीने वयाच्या अवघ्या २५ व्या वर्षी १ कोटी रुपयांची नोकरीची ऑफर नाकारली, कारण तिला नकारात्मक वातावरणात काम करायचे नव्हते. मी सुद्धा अशा अनेक संधी गमावल्या आहेत, पण वयाच्या अवघ्या २५ व्या वर्षी मी अशा स्पष्ट प्राधान्यक्रमाची कल्पनाही करू शकले नसते. कौटुंबिक जबाबदाऱ्या, समवयस्कांचा दबाव आणि माझ्या स्वतःच्या जीवनशैलीच्या आकांक्षांमुळे मला ही ऑफर स्वीकारावी लागली असती. तो सुद्धा अशाच पार्श्वभूमीतून आला आहे, तरीही त्याच्या दीर्घकालीन ध्येयांशी जुळत नसलेल्या गोष्टींना नकार देण्याचे धाडस दाखवणं, ही त्याच्या व्यक्तिमत्त्वातील एक मोठी सुधारणा आहे.”
पुढे, तिने पोस्टमध्ये लिहिले आहे की, पुढच्या पिढीतील कर्मचाऱ्यांना त्यांच्यासाठी काय महत्त्वाचे आहे हे माहीत आहे. कामाच्या ठिकाणी त्यांच्याकडून शिकून त्यानुसार जुळवून घेण्याची गरज आहे.
या पोस्टला संमिश्र प्रतिक्रिया मिळत आहेत. हे वाचल्यानंतर अनेकांचे म्हणणे आहे की, १ कोटी रुपयांची नोकरीची संधी इतक्या सहजपणे नाकारणे सोपे नाही. तर काहींच्या मते हा एक मूर्खपणाचा निर्णय आहे. तरीही, काही जणांचे म्हणणे आहे की, येणारी पिढी स्वतःला प्राधान्य देत आहे, ही एक चांगली गोष्ट आहे.
त्यामुळे कोणत्या गोष्टींना प्राध्यान्य क्रमावर ठेवायचं हा प्रत्येकाचा प्रश्न आहे. पण स्वतःला नेमकं काय गरजेचं आहे. हे स्पष्ट असणं देखील फार महत्त्वाचं आहे.
