मंगळवार, 3 नोव्हेंबर 2026
PM Kisan योजनेनंतर आता नमो शेतकरी हफ्ता कधी? ( सौजन्य - सोशल मीडिया )
मुख्यमंत्री देवेंद्र फडणवीस यांच्या म्हणण्यानुसार, राज्यातील 305 तालुके दुष्काळग्रस्त आहे. यापूर्वी हा आकडा 265 होता. या सर्व तालुक्यांतील बाधित शेतकऱ्यांना दिवाळीपूर्वी प्रत्येकी 5000 रुपयांचा लाभ मिळणार आहे. पण राज्यातील शेतकरी अजूनही नमो शेतकरी महसन्मान निधी योजनेच्या निधीी वाट पाहत आहेत.
महाराष्ट्र सरकारच्या घोषणेनुसार, राज्यातील दुष्काळग्रस्त शेतकऱ्यांना मदत दिली जाईल. दुष्काळाच्या परिस्थितीचा आढावा घेण्यासाठी सरकार सध्या सर्वेक्षण करत आहे. ज्या शेतकऱ्यांच्या पिकांचे नुकसान झाले आहे, ते या आर्थिक मदतीसाठी पात्र असतील. मात्र, ही आर्थिक मदत मिळवण्यासाठी तुम्हाला काही प्रक्रिया पूर्ण कराव्या लागतील. तुमच्याकडे पीक विमा असल्यास, मदत मिळवणे अधिक सोपे होईल. तुम्हाला शेतकरी नोंदणीचीही आवश्यकता भासू शकते. तुम्ही अद्याप नोंदणी केली नसल्यास, तुमची शेतकरी नोंदणी त्वरित करून घ्या. शेतकरी नोंदणीची ‘टप्प्याटप्प्याने प्रक्रिया’ जाणून घेण्यासाठी येथे क्लिक करा.
नमो शेतकरी योजनेचा आठवा हप्ता मार्च महिन्यात वितरित करण्यात आला होता. तेव्हापासून शेतकरी ₹2,000 च्या पुढील हप्त्याची वाट पाहत आहेत. महाराष्ट्र सरकार पीएम किसान योजनेच्या लाभार्थ्यांना वार्षिक ₹6,000 देखील देते. ही रक्कम प्रत्येकी ₹2,000 च्या तीन हप्त्यांमध्ये दिली जाते. प्रधानमंत्री किसान सन्मान निधीचा २३वा हप्ता २० जून रोजी वितरित करण्यात आला होता. आता पीएम किसान योजनेच्या २४व्या हप्त्याची तारीखही जवळ येत आहे. मात्र, नमो शेतकरी योजनेच्या नवव्या हप्त्याबाबत अद्याप कोणतीही माहिती समोर आलेली नाही.
असं बोललं जात आहे की सरकार एखाद्या मोठ्या सणाच्या वेळी याची घोषणा करू शकते. त्यामुळे शेतकऱ्यांना दिवाळीपूर्वी ही आनंदाची बातमी मिळू शकते. पण, अद्याप कोणतीही अधिकृत माहिती देण्यात आलेली नाही.
नमो शेतकरी महासन्मान निधी योजनेचा ९वा आणि १०वा हप्ता एकाच वेळी वितरित होण्याचीही शक्यता आहे. जर ही रक्कम दिवाळीनंतर वितरित झाली, तर लाभार्थी शेतकऱ्यांना ४००० रुपये एकाच वेळी मिळू शकतील. दरम्यान 4 नोव्हेंबरला यावर एक महत्त्वाची बैठक होणार आहे. या बैठकीत नमो शेतकरी सन्मान योजनेच्या संदर्भात निर्णय घेण्याची शक्यता व्यक्त केली जात आहे. त्यामुळे शेतकऱ्यांचं या बैठकीकडे विशेष लक्ष लागले आहे.
Ans: शेतकरी केंद्र सरकारच्या पीएम किसान पाठोपाठ राज्य सरकारच्या 'नमो शेतकरी महासन्मान निधी' या योजनेच्या थकीत हप्त्यांची वाट पाहत आहेत.
Ans: योजनेअंतर्गत पात्र शेतकऱ्यांना दरवर्षी ६,००० रुपये (प्रत्येकी २,००० रुपयांच्या तीन हप्त्यांमध्ये) दिले जातात, जे पीएम किसानच्या ६,००० रुपयांवतिरिक्त असतात.
Ans: शेतकऱ्यांनी आपले बँक खाते आधार कार्डशी लिंक असणे, DBT सुविधा चालू असणे आणि e-KYC पूर्ण असल्याची खात्री करणे आवश्यक आहे.
