आता व्हेंडिंग मशीनमधून सोने आणि चांदी खरेदी करा, कसं ते जाणून घ्या... (फोटो सौजन्य - सोशल मीडिया)
Gold & Silver Vending Machines Marathi News: अॅस्पेक्ट बुलियन अँड रिफायनरी, अॅस्पेक्ट ग्लोबल व्हेंचर्सचा एक विभाग, बुधवारी देशभरात ५० सोने आणि चांदी व्हेंडिंग मशीन्स सुरू करण्याची योजना आखत असल्याचे सांगितले, ज्यामध्ये सोने आणि चांदीची नाणी तसेच बारची विविध श्रेणी उपलब्ध असेल.
या मशीन्समध्ये रिअल-टाइम मार्केट प्राइसिंग असेल आणि ग्राहक खरेदीच्या ठिकाणी लाईव्ह रेट अपडेट्स पाहू शकतील, असे कंपनीने एका प्रसिद्धीपत्रकात म्हटले आहे.
अॅस्पेक्ट बुलियन अँड रिफायनरीने दावा केला आहे की वेंडिंग मशीन्स मौल्यवान धातू खरेदी करणे पूर्वीपेक्षा जलद, सुरक्षित आणि अधिक सुलभ करण्यासाठी डिझाइन केल्या आहेत.
“सोने आणि चांदी नेहमीच भारताच्या संस्कृती आणि परंपरांचा एक महत्त्वाचा भाग राहिले आहेत. आमच्या वेंडिंग मशीनसह, आम्ही मौल्यवान धातू खरेदी करणे सोपे, सुरक्षित आणि अधिक पारदर्शक करण्यासाठी परंपरा आणि तंत्रज्ञानाची जोड देत आहोत,” असे इंडिया बुलियन अँड ज्वेलर्स असोसिएशन (आयबीजेए) च्या उपाध्यक्षा आणि अॅस्पेक्ट ग्लोबल व्हेंचर्सच्या कार्यकारी अध्यक्षा अक्षा कंबोज म्हणाल्या.
कंपनीने सांगितले की, यूपीआय आणि डेबिट/क्रेडिट कार्डसह विविध पेमेंट पर्यायांचा वापर करून खरेदी तीन मिनिटांपेक्षा कमी वेळात पूर्ण करता येते. अक्षय्य तृतीयेच्या पूर्वसंध्येला, आस्पेक्ट बुलियनने मुंबईत पहिले बुलियन वेंडिंग मशीन सादर केल्याचे जाहीर केले आहे. कंपनीने सांगितले की बुलियन वेंडिंग मशीन त्यांनी स्वदेशी पद्धतीने विकसित केल्या आहेत. ही मशीन्स प्रमुख मॉल, विमानतळ, मंदिरे यासारख्या गर्दीच्या ठिकाणी ठेवली जातील.
प्रत्येक व्हेंडिंग मशिनद्वारे सोने व चांदीची नाणी आणि बार्सची खास तयार केलेली श्रेणी, आकर्षक डिझाइन्स व प्रीमियम पॅकेजिंगमध्ये उपलब्ध केली जाणार आहे. बाजारपेठेनुसार किंमती दर्शवणाऱ्या या व्हेंडिंग मशिन्सच्या मदतीने ग्राहकांना खरेदीवेळेस किंमतीचे लाइव्ह अपडेट्स घेता येतील.
या मशिन्समध्ये बायोमेट्रिक ऑथेंटिकेशन, लाइव्ह सीसीटीव्ही देखरेख, बॅकएंड ट्रॅकिंग आणि आधुनिक अँटी- टेम्परिंग तंत्रज्ञानाचा समावेश करण्यात आला आहे. युपीआय, गुगल पे आणि डेबिट/क्रेडिट कार्डसह पेमेंटचे विविध पर्याय वापरून केवळ तीन मिनिटांच्या आत खरेदी करता येणार आहे. डिजिटल व प्रिंटेड पावतीही लगेचच दिली जाणार असून पर्यायाने ही प्रक्रिया जास्त सफाईदार – फक्त निवडा, पैसे भरा, वस्तू ताब्यात घ्या आणि जा, होणार आहे. या सफाईदार प्रक्रियेमुळे ग्राहकांना सोने आणि चांदीची नाणी लगेच मिळणार असून त्यामुळे खरेदी जास्त अर्थपूर्ण होईल.
ॲस्पेक्ट बुलियन व्हेंडिंग मशिनचे रोलआउट भारतात बुलियन रिटेलच्या आधुनिक, तंत्रज्ञानावर आधारित भविष्याची नांदी आहे व त्यात सोन्याचा महत्त्वाचा भाग असलेला विश्वास आणि परंपरा जपण्यात आली आहे.
