रविवार, 1 नोव्हेंबर 2026
फोटो सौजन्य- सोशल मीडिया
Maharashtra Police Bharti 2027: महाराष्ट्रात पोलिस भरतीची तयारी करणाऱ्या तरुणांसाठी एक अत्यंत महत्त्वाची बातमी समोर आली आहे. राज्यात २०२७ मध्ये सुमारे ८,१०० पोलिस पदांवर भरती केली जाण्याची शक्यता आहे. मिळालेल्या माहितीनुसार, जून २०२७ पर्यंत रिक्त होणाऱ्या संभाव्य पदांचा या भरतीमध्ये समावेश केला जाऊ शकतो.
राज्याच्या गृहविभागाने पोलिस विभागाकडून जून २०२७ पर्यंत रिकाम्या होणाऱ्या सर्व जागांची माहिती मागवली आहे. वेगवेगळ्या घटकांकडून आणि जिल्ह्यांकडून मिळणारी माहिती राज्यस्तरावर एकत्रित केली जात असून, त्यानंतर भरतीचे अंतिम वेळापत्रक निश्चित केले जाईल.
वृत्तानुसार, या प्रस्तावित भरती प्रक्रियेसाठी ऑनलाईन अर्ज भरण्याची प्रक्रिया नवीन वर्षात/डिसेंबरपासून सुरू होऊ शकते:
संभाव्य अर्ज मुदत: १ डिसेंबर २०२६ ते ३१ डिसेंबर २०२६
भरती प्रक्रियेचा काळ: १ जानेवारी २०२७ ते ३१ मार्च २०२७ दरम्यान भरती प्रक्रिया पुढे राबवली जाण्याची शक्यता आहे.
सोलापूर जिल्ह्यात ११७ पदे भरली जाण्याची शक्यता
या प्रस्तावित भरतीमध्ये विविध जिल्ह्यांतील रिक्त जागांचा समावेश असेल. प्राप्त माहितीनुसार, सोलापूर जिल्ह्यामध्ये ११७ पोलिस पदे भरली जाण्याची शक्यता आहे. उर्वरित जिल्ह्यांतील पदसंख्या सरकारकडून भरती योजनेला अंतिम रूप दिल्यानंतर स्पष्ट होईल.
पात्रता, शैक्षणिक योग्यता अन् परीक्षा पॅटर्न
या भरतीत कोणत्या पदासाठी किती जागा असतील, प्रवर्गनिहाय आरक्षण, शैक्षणिक पात्रता, वयोमर्यादा, परीक्षा पॅटर्न आणि शारीरिक चाचणीची माहिती अधिकृत नोटिफिकेशन प्रसिद्ध झाल्यानंतरच स्पष्ट होईल. त्यामुळे उमेदवारांनी कोणत्याही अनधिकृत माहितीवर विश्वास न ठेवता अधिकृत घोषणेची वाट पाहावी.
Principal vs Principle मध्ये काय फरक आहे? जाणून घ्या लक्षात ठेवण्याची सोपी ट्रिक
जे उमेदवार सध्याच्या भरती प्रक्रियेत निवडले जाऊ शकले नाहीत, त्यांच्यासाठी ही एक मोठी संधी असू शकते. उमेदवारांनी खालील बाबींवर लक्ष ठेवावे:
