अंबरनाथ: अंबरनाथमध्ये अमली अंमली पदार्थ विक्री विरोधात मोठी कारवाई करण्यात आली आहे. अंबरनाथ पोलिसांनी एका कुख्यात पती- पत्नीला अटक केली असून त्यांच्याकडून तब्बल 2.50 लाख रुपये किमतीचा ड्रग्जचा साठा जप्त केला आहे. या दाम्पत्या विरोधात अनेक गंभीर गुन्हे दाखल केले आहेत.
कशी केली कारवाई?
अंबरनाथ पश्चिममधील भगतसिंग नगरमध्ये अंमली पदार्थांची विक्री होत असल्याची गुप्त माहिती पोलिसांना मिळाली होती. या माहितीच्या आधारावर अंबरनाथ पोलीस स्टेशनचे वरिष्ठ पोलीस निरीक्षक शब्बीर सय्यद यांनी डीबी पथकाचे एपीआय अविनाश गायकवाड यांच्या नेतृत्वाखाली एक विशेष पथक तयार केले. या पथकाने तात्काळ धाड टाकून शरीफ सलीम शेख आणि त्याच्या पत्नी आसिया शरीफ शेखला अटक केली.
धाडीत काय मिळालं
पोलिसांनी या सम्पत्याकडून मोठ्या प्रमाणावर अंमली पदार्थांचा साठा जप्त केला आहे. यामध्ये 1.60 लाख रुपयांचे किमतीचे एमडी ड्रग्ज, 80,000 रुपयांचे हेरॉईन, तसेच 334 थीनर सोल्युशन आणि कफ सिरपच्या बाटल्यांचा समावेश आहे. जप्त करण्यात आलेल्या साठ्याची एकूण किंमत 2.50 लाख रुपये इतकी आहे.
गुन्हे दाखल
आरोपी शरीफ शेख हा जामिनावर बाहेर आला होता. त्याने बाहेर आल्यानंतर पुन्हा ड्रग्ज विक्रीत सक्रिय झाल्याचे समोर आले आहे. धक्कदायक बाब म्हणजे, मागील काही दिवसांत त्याच्यावर झालेल्यांपैकी हि तिसरी कारवाई आहे. शरीफ शेखावर यापूर्वीच २० गुन्हे दाखल असून, सध्या दाखल झालेला हा त्याचा २१ वा गुन्हा आहे. त्याची पत्नी आसिया शेख हिच्यावरही ४ गुन्हे दाखल केले आहेत. या गंभीर गुन्ह्यांमुळे आता दोघांवरही कठोर प्रतिबंधनात्मक कारवाई करण्यात येणार असल्याचे एसीपी शैलेश काळे यांनी सांगितले आहे.
थरकाप उडवणारा अपघात; बाईकवरून जाणारी तरुण मुले थेट कंटेनरच्या…
ठाणे जिल्ह्यातून एक मोठी बातमी समोर येत आहे. ठाणे जिल्ह्यातील मुंब्य्रात एक भीषण अपघात झाला आहे. या अपघातामध्ये तीन तरुणांचा मृत्यू झाला आहे. भरधाव वेगाने जाणाऱ्या कंटेनरने एका दुचाकीला धडक दिली आहे. यामध्ये तीन तरुणांचा मृत्यू झाला आहे. 3 मुलांचा जीव गेल्याने परिसरात हळहळ व्यक्त केली जात आहे.
मुंब्रा येथे तीन मुले दुचाकीवरून प्रवास करत होती. गावदेवी बायपास या ठिकाणी या तरुणांच्या दुचाकीला भरधाव कंटेनरने जोरदार धडक दिली. कंटेनरखाली आल्याने या तीन तरुणांचा जागीच मृत्यू झाला आहे. या घटनेनंतर या ठिकाणी मोठी गर्दी जमा झाली. घटनेची माहिती मिळताच पोलिस देखील या ठिकाणी दाखल झाले. पोलिस पुढील तपास करत आहेत.
