ठाणेकरांची वाहतूक कोंडीतून होणार सुटका! मेट्रो ४ आणि ४अ च्या पहिल्या टप्प्यासाठी ट्रायल रन सुरू (फोटो सौजन्य-X)
ठाण्यात राहणाऱ्या लाखो लोकांचे दोन दशके जुने स्वप्न आता प्रत्यक्षात येणार आहे. मुंबईप्रमाणेच ठाणे हे देखील देशातील सर्वात वेगाने वाढणाऱ्या शहरांपैकी एक मानले जाते. येथे लोकसंख्येसोबतच वाहनांचा ताण इतका वाढला आहे की दररोज होणारी वाहतूक कोंडी ही लोकांसाठी एक मोठी समस्या बनली आहे. विशेषतः शहराच्या मुख्य घोडबंदर रोडला जोडलेल्या भागात लोक तासनतास वाहतूक कोंडीचा सामाना करावा लागतो. पण आता ठाणे शहराची पहिली मेट्रो या समस्येतून दिलासा देण्यासाठी सज्ज झाली आहे. ग्रीन लाईन अंतर्गत येणाऱ्या ठाणे मेट्रोची पहिली चाचणी आज (२२ सप्टेंबर) सुरु झाली आहे.
ठाणे येथे १६,००० कोटी रुपयांच्या मेट्रो-४ आणि मेट्रो-४अ प्रकल्पांसाठी चाचणी रन सुरू झाली आहे. गायमुख ते डोंगरीपाडा या ४.६३८ किलोमीटर लांबीच्या मार्गावर ही चाचणी रन झाली. एमएमआरडीएने (MMRDA) बांधलेल्या या प्रकल्पामुळे ठाणे आणि मुंबईमधील वाहतूक सुरळीत होईल. पहिल्या टप्प्यात कॅडबरी जंक्शन आणि गायमुख स्टेशन दरम्यान सेवा सुरू होईल, ज्यामध्ये १० स्थानके असतील. यावेळी मुख्यमंत्री देवेंद्र फडणवीस, उपमुख्यमंत्री एकनाथ शिंदे, वाहतूक मंत्री प्रताप सरनाईक आणि ठाणे पोलीस आयुक्त आशुतोष डुंबरे उपस्थित होते. उपमुख्यमंत्री अजित पवार या कार्यक्रमाला उपस्थित नव्हते.
डोंगरीपाडा ते गायमुख स्टेशन या ४.६३८ किलोमीटर लांबीच्या मार्गावर चाचणी रन सुरू झाली. एमएमआरडीएच्या पहिल्या टप्प्यात, मेट्रो-४ सेवा १० किलोमीटरच्या मार्गावर सुरू करण्याचे नियोजन होते. तथापि, वीज पुरवठ्याचे काम अपूर्ण राहिल्यामुळे, या ४.६३८ किलोमीटरच्या मार्गावर चाचणी सुरू करण्यात आली. आता, आवश्यक व्यवस्था केल्यानंतर उर्वरित मार्गावर चाचणी सुरू केली जाईल.
ठाण्यातील कॅडबरी जंक्शन आणि गायमुख स्थानकादरम्यान पहिल्या टप्प्यात मेट्रो सेवा सुरू केली जाईल. या १० किलोमीटरच्या मार्गावर कॅडबरी जंक्शन, माजीवाडा, कापूरबावडी, मानपाडा, टिकुजिनीवाडी, डोंगरीपाडा, विजय गार्डन, कासारवडवली, गोवणीवाडा आणि गायमुखसह एकूण १० स्थानके असतील. हा प्रकल्प मुंबई महानगर प्रदेश विकास प्राधिकरण (एमएमआरडीए) द्वारे विकसित केला जात आहे.
वडाळा, कासार, वडवली आणि गायमुख दरम्यान मेट्रो-४ आणि मेट्रो-४ए कॉरिडॉर विकसित केले जात आहेत. तांत्रिक तपासणी आणि चाचणी धावांचा पहिला टप्पा आज सुरू करण्यात आला. ठाणे शहरात या मार्गावर मेट्रो सेवा सुरू झाल्यामुळे ठाणे आणि मुंबई दरम्यानची वाहतूक सुलभ होईल, ज्यामुळे हजारो प्रवाशांना मोठा दिलासा मिळेल. यामुळे ठाणे आणि मुंबई एमएमआर मधील संपर्क वाढेल.
ठाणे आणि मुंबईतील हजारो प्रवाशांना मेट्रो-४ आणि मेट्रो-४अ प्रकल्पांचा थेट फायदा होईल. या मार्गावर मेट्रो सेवा सुरू झाल्यामुळे वाहतूक कोंडीतून सुटका मिळेल आणि दैनंदिन प्रवाशांचा वेळ वाचेल. शहरातून प्रवास केल्याने स्थानिक रहिवाशांसाठी वाहतूक कोंडी कमी होईल आणि रस्त्यावरील गर्दी कमी होईल.
