खळबळजनक! सोलापुरात आणखी एका डॉक्टरची आत्महत्या, चाकूने गळा कापून संपवलं जीवन

सोलापुरच्या शासकीय रुग्णालयात इंटर्नशिप करणाऱ्या डॉक्टराने आत्महत्या केल्याची धक्कादायक घटना समोर आली आहे. आत्महत्येचे कारण अद्यापही समोर आलेलं नाही.

सौजन्य - सोशल मिडीया

Follow Us:

Follow Us:

सोलापूर : राज्यात आत्महत्येचे प्रमाण वाढले आहे. राज्यातील वेगवेगळ्या भागातून आत्महत्येच्या घटना उघडकीस येत असतात. अशातचं आता सोलापुरातून एक मोठी बातमी समोर आली आहे. सोलापुरच्या शासकीय रुग्णालयात इंटर्नशिप करणाऱ्या डॉक्टराने आत्महत्या केल्याची धक्कादायक घटना समोर आली आहे. आत्महत्येचे कारण अद्यापही समोर आलेलं नाही. चाकूने स्वतःचा गळा कापून घेत आयुष्य संपवलं आहे. यामुळे सोलापूर जिल्ह्यात एकच खळबळ उडाली आहे.

डॉ. आदित्य नमबियार असे आत्महत्या केलेल्या डॉक्टरचे नाव आहे. मेंदूविकारतज्ज्ञ डॉ. शिरीष वळसंगकर यांनी आत्महत्या केलेली असतानाच आणखी एका डॉक्टरची आत्महत्या झाल्याने खळबळ उडाली आहे. डॉ. आदित्य नमबियार याचे एमबीबीएस झाल्यानंतर नुकतेच इंटर्नशिप देखील पूर्ण झाल्याची प्राथमिक माहिती समोर आली आहे.

सोलापूरच्या होटगी रोड परिसरात भाड्याने राहत असलेल्या रूममध्ये गळा कापून घेत त्याने आपलं जीवन संपवलं आहे. रूममधील बाथरूममध्ये रक्तबंबाळ अवस्थेत डॉ. आदित्य याचा मृतदेह आढळून आला आहे. दरम्यान घटनास्थळावर पोलिस दाखल झाले असून मृतदेह शवविच्छेदनासाठी सोलापूरच्या शासकीय रुग्णालयाकडे रवाना करण्यात आला आहे. या घटनेने परिसरात हळहळ व्यक्त केली जात आहे.

Web Title: A doctor has committed suicide in solapur district

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com