शनिवार, 17 ऑक्टोबर 2026
संग्रहित फोटो
पोलिसांनी दिलेल्या माहितीनुसार, श्रीवास्तव मूळचे उत्तर प्रदेशातील आहेत. विकासकुमार याचा पाच दिवसांपूर्वी अल्पवयीनांशी वाद झाला होता. वादातून १४ ऑक्टोबर रोजी अल्पवयीनांनी त्याच्यावर शस्त्राने वार करुन खून केल्याची घटना लोणीकंद परिसरातील वढू खुर्द गावात असलेल्या आमदारनगर परिसरात घडली. अर्धवट बांधकाम झालेल्या एका इमारतीच्या परिसरात मृतदेह सापडल्यानंतर लोणीकंद पोलिसांनी तपास सुरू केला. तरुणावर शस्त्राने वार केल्याचे उघडकीस आले. खून प्रकरणी गुन्हा दाखल करण्यात आला.
पोलिस उपायुक्तांची घटनास्थळी भेट
पोलीस उपायुक्त अबिनाशकुमार, सहायक आयुक्त अनिता मोरे यांनी घटनास्थळी भेट दिली. खून प्रकरणाचा छडा लावण्याचे आदेश देण्यात आले. तपासात मिळालेल्या माहितीनुसार, किरकोळ वादातून अल्पवयीनांनी विकासकुमार याचा खून केल्याची माहिती मिळाली. पोलिसांनी तिघांना ताब्यात घेतले असून, गुन्हे शाखेच्या पोलिस निरीक्षक स्वाती खेडकर तपास करत आहेत.
हे सुद्धा वाचा : अर्धापूरमधील शेतशिवारात रक्तरंजित थरार! २५ वर्षीय शेतकऱ्याची धारदार शस्त्राने हत्या
भारती विद्यापीठ परिसरात खुनाचा प्रयत्न
किरकोळ वादातून तरुणावर शस्त्राने वार करुन खुनाचा प्रयत्न करण्यात आल्याची घटना भारती विद्यापीठ परिसरात घडली. याप्रकरणी एकाला अटक करण्यात आली असून, अल्पवयीन साथीदाराला ताब्यात घेण्यात आले. याबाबत एका अल्पवयीनाने भारती विद्यापीठ पोलीस ठाण्यात तक्रार दिली आहे. याप्रकरणी प्रेम लखन वाळवकर (वय १९, रा. टेल्को कॉलनी, दत्तनगर, आंबेगाव) असलेल्या अल्पवयीनाला ताब्यात घेण्यात आले आहे. पोलिसांनी दिलेल्या माहितीनुसार, १४ ऑक्टोबर रोजी अल्पवयीन आणि त्याचा मित्र हे रात्री दहाच्या सुमारास भारती विद्यापीठ परिसरातील चंद्रभागानगर परिसरातून निघाले होते. मित्रावर वार करुन आरोपी पसार झाले. गुन्हे शाखेचे पोलिस निरीक्षक जाधव तपास करत आहेत.
Ans: विकासकुमार अनुपकुमार श्रीवास्तव (वय २१) असे मृत तरुणाचे नाव आहे.
Ans: १४ ऑक्टोबर रोजी पुणे जिल्ह्यातील वढू खुर्द गावातील आमदारनगर परिसरात ही घटना घडली.
Ans: लोणीकंद पोलिसांनी खुनाच्या प्रकरणात तीन अल्पवयीनांना ताब्यात घेतले आहे.
