शनिवार, 24 ऑक्टोबर 2026
शिरुरमध्ये झोपलेल्या कुटुंबाला सत्तूरच्या धाकाने लुटले (File Photo : Crime)
Delhi Crime News Marathi: उत्तर-पश्चिम दिल्लीतील बवाना भागात एक खळबळजनक घटना समोर आली आहे. बसमधील एका तरुणाला मारहाण करून ठार मारण्यात आल्याचा आरोप आहे. अन्न बसच्या सीटवर सांडले म्हणून आरोपीकडून तरुणावर जीवघेणा हल्ला करण्यात आला. दिल्ली पोलिसांकडून दिलेल्या माहितीनुसार, मनोज उर्फ बाबूला तीन जणांनी मारहाण केली. मारहाण करणाऱ्या आरोपींमध्ये आरटीव्ही बसचा चालक आणि त्याचे दोन सहाय्यक यांचा समावेश होता. त्यापैकी एकाने क्रूरतेच्या सर्व मर्यादा ओलांडल्या आणि पीडितेच्या गुप्तांगात लोखंडी रॉड घुसवल्याचा धक्कादायक प्रकार समोर आला.
मिळालेल्या माहितीनुसार, मृत मनोज हा त्याच्या कुटुंबासह नरेला येथे राहत होता. तो लग्नात जेवण बनवायचा. पीसीआरच्या मदतीने पोलिसांना 2 फेब्रुवारी रोजी या घटनेची माहिती मिळाली. त्यानंतर पोलिसांनी घटनास्थली पोहोचून मृतदेह ताब्यात घेतला. शवविच्छेदन अहवालादरम्यान, मनोजच्या अंतर्गत अवयवांवर गंभीर जखमा असल्याचे उघड झाले. त्याच्या गुप्तांगांवरही हल्ला करण्यात आला. पोलिस तपासात असे आढळून आले की, मनोज आणि त्याचा मित्र दिनेश लग्न समारंभात स्वयंपाकी म्हणून काम करायचे.
मृत मनोज १ फेब्रुवारी रोजी सुलतानपूर डबास येथे लग्नासाठी जेवण बनवण्यासाठी गेला होता. काम संपवून, त्याने आपले सामान बांधले आणि आरटीव्ही बसमध्ये चढला. य प्रवासादरम्यान काही अन्न चुकून सीटवर पडले. यामुळे मनोजचा बस चालक आणि त्याच्या मित्रांशी वाद झाला. बस बवाना चौकात पोहोचताच, मनोजच्या मित्राला खाली उतरवण्यात आले पण त्याला जबरदस्तीने थांबवण्यात आले. चालक आशिष उर्फ आशु आणि त्याच्या साथीदारांनी मनोजला बेदम मारहाण केली आणि शिवीगाळही केली. यानंतर आरोपीने मनोजला ओलीस ठेवले आणि त्याच्या शर्टने सीट स्वच्छ करण्यास सांगितले.
या मारहाणीत मनोज बसमध्येच बेशुद्ध पडला त्यावेळी तिन्ही आरोपींनी त्याला बवाना उड्डाणपुलाजवळ फेकून दिले आणि पळ काढला. याप्रकरणी पोलिसांनी एका हल्लेखोराला अटक केली आहे. मात्र उर्वरित दोन आरोपींचा अद्याप शोध सुरू आहे. यावेळी आरोपी आशिषने पीडितेच्या गुप्तांगात सीट साफ करत असताना रॉड घातला. २ फेब्रुवारी रोजी पोलिसांना एक पीसीआर कॉल आला ज्यामध्ये एका तरुणाला बेशुद्ध अवस्थेत पडल्याची तक्रार आली. पोलिस पथकाला सुरुवातीला असे वाटले की मृत व्यक्ती बेवारस आहे. त्याच्या शरीरावर कोणत्याही जखमांच्या खुणा नव्हत्या.मात्र एका दिवसानंतर, पीडितेचा भाऊ जितेंद्रने मृत मनोजला ओळखले. पीडितेच्या भावाने बेपत्ता झाल्याची तक्रार दाखल केली होती. ५ फेब्रुवारी रोजी झालेल्या शवविच्छेदनात गंभीर अंतर्गत जखमा आढळून आल्या. पोलिसांनी कराला गावातील २४ वर्षीय सुशांत शर्मा उर्फ चुटकुली याला अटक करण्यात आली. पोलिस पथके आशिष आणि तिसऱ्या आरोपीला पकडण्याचा प्रयत्न करत आहेत.
