Bihar Crime : ‘या’ शहरात सापडला ५ वर्षीय चिमुकलीचा मृतदेह, कुटुंबीयांनी सांगितले, आधी बलात्कार नंतर हत्या

बिहारमधून अतिशय धक्कादायक बातमी समोर येत आहे. बिहारमध्ये पाच वर्षीय चिमुकलीचा मृत्यदेह सापडला असून या चिमुकलीवर बलात्कार करून हत्या करण्यात आली आहे, असा संशय कुटुंबियांनी पोलिसांकडे व्यक्त केला आहे.

'या' शहरात सापडला ५ वर्षीय चिमुकलीचा मृतदेह, कुटुंबीयांनी सांगितले, आधी बलात्कार नंतर हत्या (फोटो सौजन्य - X)

Follow Us:

Follow Us:

बिहारमधील बोधगया येथे रुग्णवाहिकेत होमगार्ड उमेदवारावर सामूहिक बलात्काराच्या घटनेनंतर, गयाजी जिल्ह्यात पुन्हा एकदा ५ वर्षांच्या मुलीवर क्रूरतेचा आरोप आहे. गयाजीतील दोभी येथे ५ वर्षांच्या मुलीवर बलात्कार केल्यानंतर तिचा गळा दाबून हत्या करण्यात आल्याचा आरोप आहे. पिपरघट्टी येथील वन विभागाच्या नर्सरीच्या उध्वस्त शौचालयात मुलीचा मृतदेह आढळून आला. शनिवारी रात्री उशिरा या घटनेची माहिती मिळाल्याचे सांगण्यात येत आहे. घटनेची माहिती मिळताच दोभी पोलीस ठाण्याचे प्रभारी मुकेश कुमार यांनी घटनास्थळी पोहोचून प्रकरणाचा तपास केला.

घरफोडी करणाऱ्या चोरट्याला मध्यप्रदेशातून अटक; लोणी काळभोर पोलिसांची मोठी कारवाई

मिळालेल्या माहितीनुसार, ५ वर्षांची एक मुलगी संध्याकाळी तिच्या मोठ्या बहिणीसोबत औषध घेण्यासाठी घराबाहेर पडली होती. ही मुलगी पिपरघाटी येथील तिच्या दुसऱ्या घरी आली होती. मात्र, नंतर मोठी बहीण घरी गेली. परंतु संध्याकाळी उशिरापर्यंत लहान मुलगी परत न आल्याने तिचा शोध घेण्यात आला. त्यानंतर तिचा मृतदेह आढळून आला. तिच्यावर बलात्कार करून नंतर हत्या करण्यात आल्याचा आरोप कुटुंबीयांनी केला आहे. येथे, मृताच्या कुटुंबीयांच्या तक्रारीवरून, पोलिसांनी गावातील एका १३ वर्षीय मुलाला ताब्यात घेतले आहे आणि त्याची चौकशी सुरू आहे.

तर दुसरीकडे मोतिहारी येथे एका तरुणाला आपल्या आईच्या प्रेमप्रकरणाला विरोध केल्याची किंमत स्वतःच्या जीवावर बेतून चुकवावी लागली. ही हृदयद्रावक बिहारमधील छतौनी पोलीस स्टेशन परिसरातील बारा बरियारपूर येथील वॉर्ड क्रमांक ४४ मधील आहे. जिथे शनिवारी रात्री उशिरा २२ वर्षीय संतू कुमारची गळा दाबून हत्या करण्यात आली. या घटनेनंतर परिसरात खळबळ उडाली आहे आणि कुटुंबावर शोककळा पसरली आहे. मृत संतू कुमार हा मनोज पासवान यांचा मुलगा होता आणि दिल्लीत मजूर म्हणून काम करून कुटुंबाचा उदरनिर्वाह करत होता. तो फक्त तीन दिवसांपूर्वीच आपल्या गावी परतला होता. संतू हा त्याच्या कुटुंबातील एकमेव कमावता सदस्य होता आणि त्याने शिक्षण सोडून मजुरीला सुरुवात केली होती.

आईच्या प्रियकराशी वाद…

मिळालेल्या माहितीनुसार, संतूची आई पूनम देवी यांचे त्याच गावातील रहिवासी नितेश पासवानसोबत प्रेमसंबंध होते. शनिवारी रात्री, दारूच्या नशेत नितेश संतूच्या दारावर पोहोचला आणि घरात घुसण्याचा प्रयत्न केला. संतूने याला विरोध केला तेव्हा नितेशने शिवीगाळ करण्यास सुरुवात केली आणि पूनम देवींना केसांनी ओढण्यास सुरुवात केली. संतूने आईला वाचवण्याचा प्रयत्न केला तेव्हा नितेश आणखीच संतापला आणि दोघांमध्ये जोरदार हाणामारी झाल्याची माहिती पोलिसांकडून देण्यात आली.

हृदयद्रावक! बारामतीत भीषण अपघात, हायवाच्या धडकेत वडिलांसह दोन चिमुकल्या मुलींचा मृत्यू

Web Title: Five year old girl dead body found in gaya ji parents alleged rape and murder

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com