सोमवार, 19 ऑक्टोबर 2026
धक्कादायक ! अल्पवयीन मुलीवर तीन महिन्यांत तिघांकडून वेळोवेळी लैंगिक अत्याचार; इतर दोघांनी केला विनयभंग (फोटो सौजन्य: Freepik)
गाझियाबादच्या कवी नगर पोलीस स्टेशन परिसरात ज्योतिषाने एका महिलेला काही बहाण्याने बोलावून तिला कारमध्ये बसवून जबरदस्तीने दारू पाजली आणि अश्लील कृत्य केल्याची घटना समोर आली आहे. पीडित महिलेने घरी पोहोचून तिच्या कुटुंबीयांना या घटनेची माहिती दिली. यानंतर पतीने आरोपी ज्योतिषाला फोन करून जाब विचारला असता आरोपीने शिवीगाळ करत त्यांना जीवे मारण्याची धमकी दिली.
पोलिसांकडून ज्योतिषी आणि त्याच्या अज्ञात सहकाऱ्याविरुद्ध गुन्हा दाखल करण्यात आला आहे. गगन असे या ज्योतिषाचे नाव आहे. कवी नगर पोलीस ठाण्याच्या हद्दीतील शास्त्रीनगर भागात राहणाऱ्या एका व्यक्तीचे म्हणणे आहे की, त्याची पत्नी गगन या ज्योतिषाच्या संपर्कात आली होती. यानंतर घरातील भ्रामक गोष्टी सांगून ज्योतिषाने त्याच्या पत्नीला चर्चेत अडकवले.
28 जुलै रोजी पत्नीसोबत कार्यक्रमाच्या बैठकीला गेले होते. या कार्यक्रमावरून सायंकाळी 6.30 वाजता घरी परतत असताना त्यांच्या पत्नीला ज्योतिषाचा फोन आला. त्याने महिलेला कामाच्या बहाण्याने गोविंदापुरम येथे भेटायला बोलावले. ज्योतिषी गोविंदपुरम येथे गेल्यावर त्याने महिलेला कारमध्ये बसवले आणि जबरदस्तीने दारू पाजल्यानंतर तिच्यासोबत अश्लील कृत्य केले, असा आरोप सध्या त्याच्यावर होत आहे. सुमारे अडीच तासानंतर ही महिला घरी आल्यावर तिने हा संपूर्ण प्रकार पतीला सांगितला.
पीडितेच्या पतीच्या म्हणण्यानुसार, त्यांनी ज्योतिषी गगनला फोन केला तेव्हा तो दारूच्या नशेत होता. पत्नीने अश्लील कृत्याला विरोध केला असता त्याने तिला शिवीगाळ करून जीवे मारण्याची धमकी दिली.
महिलेच्या पतीचे म्हणणे आहे की, आरोपी ज्योतिषाने कुटुंबातील संकट सोडवण्याच्या नावाखाली माझ्या पत्नीची मोठ्या प्रमाणात फसवणूक केली आहे. घरावरील संकट दूर करण्यासाठी त्याने काही रक्कम ऑनलाइन घेतली होती, तर बहुतांश रक्कम कॅशने घेत होता. या घटनेबाबत पीडितेने कविनगर पोलिस ठाण्यात तक्रार दाखल करून कारवाईची मागणी केली आहे. एसीपी कविनगर अभिषेक श्रीवास्तव यांनी तपास सुरू असल्याचे सांगितले आहे.
