रविवार, 1 नोव्हेंबर 2026
सौजन्य फोटो - सोशल मिडीया
पीडित मुलीने दिलेल्या तक्रारीनुसार, तिच्या ओळखीच्या काही तरुणांनी तिला धमकावून तसेच फसवून तिच्यावर वारंवार अत्याचार केल्याचा आरोप आहे. या प्रकरणातील आणखी एका आरोपीनुसार, एप्रिल ते जून २०२६ या कालावधीत मुलीच्या घराचे बांधकाम सुरू होते. त्यावेळी घरात कोणी नसल्याचा गैरफायदा घेत एका ४० वर्षीय मिस्त्रीने जबरदस्तीने घरात प्रवेश करून तिच्यावर अत्याचार केल्याचे तक्रारीत नमूद करण्यात आले आहे. या तक्रारीनंतर म्हसळा पोलिसांनी गुन्हा रजिस्टर क्रमांक १३१/२०२६ नोंदविला आहे. भारतीय न्याय संहितेतील कलम ६४(२)(ड), ३७६(२) तसेच पोक्सो कायद्यातील कलम ४ आणि ६ अन्वये आरोपींविरोधात गुन्हा दाखल करण्यात आला आहे. या प्रकरणाचा पुढील तपास म्हसळा पोलीस ठाण्याचे सहाय्यक पोलीस निरीक्षक चव्हाण करीत आहेत.
दरम्यान, म्हसळा तालुक्यात अल्पवयीन मुलीवरील अत्याचाराची घटना यापूर्वीही समोर आली होती. २३ ऑगस्ट रोजी एका अल्पवयीन मुलीवरील अत्याचाराच्या प्रकरणी गुन्हा दाखल झाला होता. त्यानंतर महिनाभराच्या कालावधीतच अशाच स्वरूपाची आणखी एक घटना समोर आल्याने परिसरात चिंता व्यक्त केली जात आहे. या प्रकरणातील आरोपांची सत्यता, प्रत्येक आरोपीची भूमिका आणि संपूर्ण घटनाक्रम याबाबत पोलिसांकडून तपास सुरू आहे. अल्पवयीन पीडितेची ओळख उघड होऊ नये, याची काळजी घेण्यात आली आहे.
