सोमवार, 2 नोव्हेंबर 2026
सौजन्य फोटो - AI Gemini
मालाड पश्चिम येथे राहणाऱ्या ५२ वर्षीय महिलेने दिवाळीनिमित्त घराची साफसफाई करण्यासाठी ‘होम ट्रँगल’ या ऑनलाईन ॲपवरून होम क्लिनिंग सर्व्हिस बूक केली होती. या सर्व्हिसनुसार चार कर्मचारी त्या महिलेच्या घरी साफसफाईचे काम करण्यासाठी आले होते. हे कर्मचारी काम संपवून निघून गेल्यानंतर दुसऱ्या दिवशी संबंधित महिलेने बेडरूममधील कपाटात ठेवलेले दागिने तपासले असता, तिच्या पायाखालची जमीनच सरकली.
कपाटातील ५० ग्रॅम वजनाचा सोन्याचा नेकलेस, १० ग्रॅम वजनाचे मंगळसूत्र, सोन्याचे बिस्किट आणि ५०० ग्रॅम वजनाची चांदीची वीट असा एकूण अंदाजे १२ लाख रुपयांचा ऐवज गायब असल्याचे तिच्या निदर्शनास आले. यानंतर घाबरलेल्या महिलेने तात्काळ मालाड पोलीस ठाण्यात जाऊन अज्ञात चोरांविरोधात चोरीची तक्रार दाखल केली.
तक्रार दाखल झाल्यानंतर मालाड पोलिसांच्या पथकाने तांत्रिक तपासाच्या आधारे होम क्लिनिंगसाठी आलेल्या कर्मचाऱ्यांची माहिती गोळा केली. तपासादरम्यान संबंधित आरोपी वारंवार आपले मोबाईल फोन बंद करून वेगवेगळ्या ठिकाणी लपून बसत असल्याचे पोलिसांच्या लक्षात आले, ज्यामुळे संशय बळावला.
मालाड पोलीस ठाण्याचे पोलीस उपनिरीक्षक अमर शिंदे आणि गुन्हे प्रकटीकरण पथकाने तपासाची चक्रे वेगाने फिरवत नालासोपारा, वसई आणि पालघर परिसरातून दोन आरोपींना ताब्यात घेतले, तर मुख्य आरोपीला बोईसर येथून पकडण्यात आले. सखोल चौकशीदरम्यान सत्यम राजेश शुक्ला (२६), अनिश ब्रिजभूषण चौरसिया (१८) आणि पवन ओमप्रकाश धीवर उर्फ राहुल गौड (२६) या तिघांनीच मिळून हा चोरीचा कट रचल्याचे निष्पन्न झाले. पोलिसांनी तिन्ही आरोपींना अटक केली असून त्यांच्याकडून चोरीला गेलेला १०० टक्के मुद्देमाल यशस्वीरित्या हस्तगत केला आहे. या प्रकरणी मालाड पोलीस ठाण्यात भारतीय न्याय संहितेच्या कलम ३०५(अ) आणि ३(५) अन्वये गुन्हा नोंदवण्यात आला आहे.
Ans: मालाड पश्चिम येथे दिवाळी साफसफाईसाठी ऑनलाईन ॲपद्वारे बोलावलेल्या कर्मचाऱ्यांनी घरातील दागिन्यांची चोरी केली.
Ans: चोरांनी ५० ग्रॅम सोन्याचा नेकलेस, मंगळसूत्र, सोन्याचे बिस्किट आणि ५०० ग्रॅम चांदीची वीट असा एकूण सुमारे १२ लाख रुपयांचा ऐवज चोरला होता.
Ans: मालाड पोलिसांनी तांत्रिक तपासाच्या आधारे नालासोपारा, वसई, पालघर व बोईसर येथून ३ आरोपींना अटक करून १०० टक्के मुद्देमाल हस्तगत केला.
