सातारा पोलिसांनी दुचाकीचोराला ठोकल्या बेड्या; ‘या’ परिसरातून सापळा रचून पकडले

सातारा शहरातून चार मोटरसायकलची चोरी करणाऱ्या सराईत वाहन चोराला सातारा शहर पोलिसांनी सापळा रचून पाटखळ माता येथे अटक केली आहे.

सौजन्य - नवराष्ट्र टीम

Follow Us:

Follow Us:

सातारा : सातारा शहरातून चार मोटरसायकलची चोरी करणाऱ्या सराईत वाहन चोराला सातारा शहर पोलिसांनी सापळा रचून पाटखळ माता येथे अटक केली आहे. रोहित सदानंद शेळके (वय २०, रा. निंबोडी, ता. खंडाळा) असे आरोपीचे नाव आहे. त्याच्याकडून ३ लाख २० हजार रुपयांच्या चार मोटरसायकल जप्त करण्यात आल्या आहेत. सातारा शहर पोलीस ठाण्याच्या गुन्हे प्रकटीकरण शाखेने ही कारवाई केली आहे.

पोलिस अधीक्षक समीर शेख यांनी सातारा शहरातील वाढत्या दुचाकींच्या चोऱ्यासंदर्भात सातारा शहर पोलिसांना निर्देशित केले होते. सातारा शहर पोलीस ठाण्याचे पोलिस निरीक्षक राजेंद्र मस्के यांनी गुन्हे प्रकटीकरण शाखेला याबाबत तपासाच्या सूचना दिल्या होत्या. पोलिस निरीक्षक गुन्हे प्रकटीकरण दादा पवार यांच्यासह सहाय्यक पोलीस निरीक्षक शाम काळे यांनी सातारा शहरात पेट्रोलिंग वाढवली. त्यावेळेला संशयित युवक पोवई नाका येथे दिसून आला होता. मात्र त्याला पोलिसांनी थांबवण्याचा प्रयत्न केला असता तो पवई नाका एसटी स्टँड परिसरातून वाढेफाटा व तेथून पाटखळ माथा परिसराच्या दिशेने बेपत्ता झाला होता.

सातारा शहर पोलिसांनी पाटखळ माथा येथे कसून शोध मोहीम राबवली. त्यावेळी लोणंद रोडवर पोलिसांनी त्याला पाठलाग करून ताब्यात घेतले. युवकाने सातारा शहर परिसरातून चार मोटरसायकलची चोरी केल्याचे कबूल केले. चोरीच्या मोटरसायकल सुद्धा पोलिसांच्या ताब्यात दिल्या. पोलिस हवालदार अभिजीत यादव, सुधीर गोरे, निलेश यादव, अमर काशीद, सुजित भोसले, निलेश जाधव, विक्रम माने, पंकज मोहिते, तानाजी भोंडवे, इरफान मुलाणी, तुषार भोसले, सागर गायकवाड, संतोष घाडगे,विशाल धुमाळ, मच्छिंद्रनाथ माने, सुशांत कदम यांनी ही कारवाई केली.

Web Title: Satara police have taken action by arresting a bike thief nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com