रविवार, 25 ऑक्टोबर 2026
संग्रहित फोटो
शिवा अंबादास सुरे (वय २५, सुरेवाडी), सुमीत सुनील विसपुते (सुरेवाडी), सत्यम भास्कर चाटे (वय २३, मयूरपार्क), अर्जुन किशोर लिंगायत (नवजीवन कॉलनी), श्रीकांत सतीश शिखरे (वय २४, मयूरपार्क) आणि विशाल राजू भोसले (वय २४, एसटी कॉलनी) अशी आरोपींची नावे आहेत. न्यायालयाने त्यांना चार दिवसांची पोलिस कोठडी सुनावली आहे. ही माहिती पोलिस उपायुक्त रत्नाकर नवले यांनी दिली.
सुरेवाडीत एक तरुण पिस्तूल व दोन काडतुसे बाळगून फिरत असल्याची माहिती मिळाल्यानंतर वरिष्ठ पोलिस निरीक्षक अतुल येरमे आणि उपनिरीक्षक अनिल नाणेकर यांच्या पथकाने सापळा रचून शिवा सुरेला पकडले. त्याने पिस्तूल मित्र सुमीत विसपुते याच्या घरी ठेवल्याचे सांगितले. पोलिसांनी तेथून पिस्तूल व दोन काडतुसे जप्त केली. चौकशीत हे पिस्तूल सत्यम चाटे आणि अर्जुन लिंगायत यांच्याकडून विकत घेतल्याचे समोर आले. सत्यमकडून आणखी एक पिस्तूल जप्त करण्यात आले. अर्जुनने जाधववाडीतील मोंढा परिसरात झाडाखाली लपविलेली दोन पिस्तूलही पोलिसांनी हस्तगत केली. ही कारवाई सिडको पोलिस ठाण्याचे निरीक्षक अतुल येरमे यांच्यासह गुन्हे प्रकटीकरण पथकाचे उपनिरीक्षक अनिल नाणेकर, हवालदार मंगेश पवार, सहदेव साबळे, अमोल अंभोरे, नरेश भोंडे, अतुल सोळुंके यांनी केली.
काडतुसे लपविण्यासाठी साथीदार
सत्यम आणि अर्जुनच्या चौकशीत श्रीकांत शिखरे व विशाल भोसले यांच्याकडे काडतुसे ठेवल्याचे समोर आले. या दोघांकडून आणखी नऊ जिवंत काडतुसे जप्त करण्यात आली. अशा प्रकारे चार पिस्तूल आणि ११ काडतुसे पोलिसांच्या हाती लागली.
उच्चशिक्षित आरोपी; तिघांवर गुन्हे
शिवा सुरे, अर्जुन लिंगायत आणि श्रीकांत शिखरे यांनी बीसीएस, सुमीत विसपुतेने बीएससी इन्फॉर्मेटिक्स, तर सत्यम चाटेने बीकॉमचे शिक्षण घेतले आहे. शिवा कंत्राटदार असून अन्य आरोपी खासगी नोकरी करतात. श्रीकांतविरुद्ध सिडको, जिन्सी आणि मुंबईतील विक्रोळी पोलिस ठाण्यात गुन्हे दाखल आहेत. शिवा आणि विशाल यांच्याविरुद्ध सिडको पोलिस ठाण्यात प्रत्येकी एक गुन्हा दाखल आहे.
हे सुद्धा वाचा : टायगर श्रॉफ हल्ल्याप्रकरणी मोठी अपडेट समोर; इंदूरमधून आणखी एकाला पोलिसांनी केली अटक
पथकाला लाखांचे बक्षीस
सत्यम आणि अर्जुन मध्य प्रदेशातून पिस्तूल आणून शहरात विक्री करीत होते. काही दिवसांपूर्वी त्यांनी शिवा सुरेला एक पिस्तूल व दोन काडतुसे विकली होती. शस्त्रे आणि काडतुसे लपवून ठेवणाऱ्यांना पैसे दिले जात होते. शहरात यापूर्वी किती पिस्तूल विकली, याचा शोध घेण्याचे आदेश उपायुक्त नवले यांनी दिले. कारवाई करणाऱ्या पथकाला एक लाखांचे बक्षीस जाहीर करण्यात आले.
Ans: छत्रपती संभाजीनगरमधील गावठी पिस्तूल विक्री प्रकरणात सिडको पोलिसांनी सहा जणांना ताब्यात घेतले असून, न्यायालयाने त्यांना चार दिवसांची पोलिस कोठडी सुनावली आहे.
Ans: पोलिसांनी आरोपींकडून चार गावठी पिस्तूल आणि ११ जिवंत काडतुसे जप्त केली आहेत. या मुद्देमालाची एकूण किंमत दोन लाख २२ हजार रुपये आहे.
Ans: आरोपी मध्य प्रदेशातून गावठी पिस्तूल आणून छत्रपती संभाजीनगर शहरात त्यांची ३८ ते ५० हजार रुपयांना विक्री करत असल्याचे पोलिस तपासात समोर आले आहे. त्यांनी यापूर्वी किती पिस्तूल विकली, याचा तपास सुरू आहे.
