शनिवार, 24 ऑक्टोबर 2026
दिल्लीत शाळेतच विद्यार्थीनीची पेटवून घेऊन आत्महत्या; ३ पानांच्या सुसाईड नोटमध्ये नेमकं काय?
यावेळी पोलिसांना ३ पानांची एक सुसाईड नोटही सापडली. त्या सुसाईड नोटमध्ये, मुलीने तिच्या एका मैत्रिणीने दुसऱ्या मुलीशी बोलल्याचा उल्लेख केला होता. पोलिसांनी मृतदेह ताब्यात घेतला असून तो शवविच्छेदनासाठी पाठवण्यात आला आहे. घटनास्थळी एफएसएल (FSL) तपासही करण्यात आला आहे.
या घटनेची माहिती मिळाल्यानंतर दिल्ली सरकारचे मंत्री आशिष सूद यांनी शाळेला भेट देऊन घटनास्थळाची पाहणी केली. दिल्ली सरकारचे मंत्री आशिष सूद म्हणाले, “पोलीस या प्रकरणाचा तपास करत आहेत. शाळेने पोलिसांना सर्व पुरावे दिले आहेत. ही एक दुःखद घटना आहे. तपास पूर्ण झाल्यावर सर्व माहिती दिली जाईल.”
दिल्ली पोलिसांच्या म्हणण्यानुसार, त्यांना शाळेत आग लागल्याची माहिती देणारा फोन आला होता. जेव्हा पोलीस घटनास्थळी पोहोचले, तेव्हा त्यांना गार्ड रूमच्या मागे भाजलेल्या अवस्थेत एक मुलगी आढळली. मुलीला तात्काळ रुग्णालयात दाखल करण्यात आले. पण उपचारापूर्वीच तिचा मृत्यू झाला होता. डॉक्टरांनी तिला मृत घोषित केले. मुलीच्या बॅगेत काही ज्वलनशील पदार्थ आढळल्याचे पोलिसांनी सांगितले आहे.
घटनास्थळाची पाहणी करण्यासाठी आणि संबंधित पुरावे गोळा करण्यासाठी गुन्हे शाखेच्या पथकाला पाचारण करण्यात आले. घटनास्थळी असलेले पोलीस पथक या घटनेला कारणीभूत ठरलेल्या परिस्थितीचा तपास करत असून पुढील तपास सुरू आहे. या घटनेमुळे परिसरात घबराट पसरली.
शनिवारी, कृष्णा नगर पोलीस ठाण्याला एका शाळेतून आग लागल्याचा पीसीआर कॉल आला. पोलीस घटनास्थळी पोहोचले, जिथे शाळेच्या गार्ड रूममध्ये अंदाजे १८ वर्षीय १२वी इयत्तेतील एक विद्यार्थिनी मृतावस्थेत आढळली. तिची बॅग जळालेल्या अवस्थेत होती. घटनास्थळावरून काही साहित्य आणि विद्यार्थिनीची शाळेची बॅग जप्त करण्यात आली.
विद्यार्थिनीच्या बॅगेत तीन आत्महत्या पत्रे सापडली आहे. ती गोंडली गावची रहिवासी होती. आत्महत्या पत्रात लिहिले होते की, ती तिच्या आई-वडिलांच्या अपेक्षा पूर्ण करू शकली नाही.
पोलिसांच्या म्हणण्यानुसार, आत्महत्या पत्रात एका मुलाचा उल्लेख असल्याने, पोलीस प्रेमप्रकरणाचाही तपास करत आहेत. सहाव्या तासानंतर ती तिचा क्लास पास घेऊन पाणी प्यायला गेली. २-३ मिनिटांनंतर, तिच्या किंकाळ्या ऐकू आल्या. ती पाण्याच्या टाकीजवळ पूर्णपणे जळालेल्या अवस्थेत आढळली. पोलिसांच्या मते, तिने काहीतरी रसायन पिऊन आत्महत्या केली. पोलिसांच्या माहितीनुसार, ही विद्यार्थिनी दिल्लीत तिच्या बहिणीसोबत राहते आणि तिचे आई-वडील गावात राहतात.
Ans: कृष्णा नगर भागातील एका शाळेत इयत्ता १२वीच्या विद्यार्थिनीने गार्ड रूमच्या मागे स्वतःला पेटवून घेऊन आत्महत्या केली.
Ans: पोलिसांना घटनास्थळावरून ३ पानांची सुसाईड नोट सापडली असून, त्यामध्ये विद्यार्थिनीने तिच्या मैत्रिणीसोबतच्या वैयक्तिक वादाचा उल्लेख केला आहे.
Ans: दिल्ली सरकारचे मंत्री आशिष सूद यांनी शाळेला भेट देऊन पाहणी केली असून पोलीस या प्रकरणाचा सखोल तपास करत असल्याचे स्पष्ट केले.
