शरद पवार गटाची दुसरी उमेदवार यादी जाहीर; परांडावरुन ठाकरे गट-पवार गटामध्ये रस्सीखेच

विधानसभा निवडणुकीच्या पार्श्वभूमीवर शरद पवार गटाने उमेदवारांची नावं जाहीर केली आहेत. जयंत पाटील यांनी पक्षाची दुसरी यादी जाहीर केली असून 22 उमेदवारांची नावं जाहीर केली आहेत.

शरद पवार गटाची दुसरी यादी जाहीर झाली आहे. (फोटो - सोशल मीडिया)

Follow Us:

Follow Us:

मुंबई : विधानसभा निवडणुकीच्या पार्श्वभूमीवर नेत्यांकडून जागावाटप व उमेदवार जाहीर केले जात आहे. उमेदवार जाहीर करण्यामध्ये महायुतीने बाजी मारली असली तरी आज महाविकास आघाडीचे अनेक उमेदवार जाहीर झाले आहेत. ठाकरे गट व कॉंग्रेसनंतर आता राष्ट्रवादी शरद पवार गटाने देखील आपले उमेदवार जाहीर केले आहेत. शरद पवार गटाचे प्रदेशाध्यक्ष जयंत पाटील यांनी त्यांच्या पक्षांची दुसरी यादी जाहीर करत अनेक महत्त्वपूर्ण विधानसभा मतदारसंघाची उमेदवारी जाहीर केले आहेत.

जयंत पाटील यांनी 22 उमेदवारांची नावं जाहीर केली आहे. यामध्ये पुण्यातील दोन जागांवर शरद पवार गटातील उमेदवार महाविकास आघाडीचे उमेदवार म्हणून असणार आहेत.  खडकवासला विधानसभा मतदारसंघातून सचिन दोडके यांना उमेदवारी देण्यात आली आहे. तर पर्वती विधानसभा मतदारसंघातून अश्विनी कदम यांना उमेदवारी देण्यात आली आहे. परांडा विधानसभा मतदारसंघ राहुल मोटेंना उमेदवारी जाहीर करण्यात आली आहे. या मतदारसंघामध्ये ठाकरे गटाने देखील उमेदवार दिलेला आहे. परांडामधून ठाकरे गटाने रणजीत पाटील यांना उमेदवारी देण्यात आली होती. त्यामुळे परांडा विधानसभा मतदारसंघामध्ये नक्की महाविकास आघाडीचा उमेदवार कोण असा प्रश्न निर्माण झाला आहे.

हे देखील वाचा : आमच्या मुलींकडे चुकीच्या नजरेने पहिलात तर याद राखा…; जयश्री थोरातांबाबत आक्षेपार्ह वक्तव्यावर यशोमती ठाकूर संतप्त

राष्ट्रवादी काँग्रेस (शरद पवार) पक्षाची दुसरी यादी

• एरंडोल – सतीश अण्णा पाटील
• गंगापूर – सतीश चव्हाण
• शहापूर – पांडुरंग बरोरा
• भूम-परांडा – राहुल मोटे
• बीड – संदीप क्षीरसागर
• आर्वी – मयुरा काळे
• बागलान – दीपिका चव्हाण
• येवला – माणिकराव शिंदे
• सिन्नर – उदय सांगळे
• दिंडोरी – सुनीता चारोसकर
• नाशिक पूर्व – गणेश गिते
• उल्हासनगर – ओमी कलानी
• जुन्नर – सत्यशील शेरकर
• पिंपरी – सुलक्षणा शिलवंत
• खडकवासला – सचिन दोडके
• पर्वती – अश्विनी कदम
• अकोले – अमित भांगरे
• अहिल्यानगर शहर – अभिषेक कळमकर
• माळशिरस – उत्तम जानकर
• फलटण – दीपक चव्हाण
• चंदगड – नंदिनी कुपेकर
• इचलकरंजी – मदन कारंडे

शरद पवार गटाने दुसरी यादी जाहीर केली असून यामध्ये अजित पवार गटाच्या उमेदवारांविरोधात तगडे उमेदवार देण्यात आले आहेत. अजित पवार गटाचे नरहरी झिरवाळ यांच्याविरोधात सुनीता चारोसकर यांना उमेदवारी दिली आहे. तर माणिकराव शिंदे यांनी छगन भुजबळ यांच्याविरोधात येवलामधून उमेदवारी देण्यात आली आहे. सत्यशील शेरकर यांना जुन्नरमधून अजित पवार गटाच्या अतुल बेनके यांच्या विरोधात उमेदवारी देण्यात आली आहे.

Web Title: The second list of maharashtra vidhan sabha candidates of sharad pawar group has been announced

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com