शनिवार, 24 ऑक्टोबर 2026
Suraj Chavan Welcomes Daughter ( फोटो सौजन्य-सोशलमीडिया)
Suraj Chavan Welcomes Daughter: बिग बॉस मराठी 5 गाजवणारा आपला लाडका सूरज चव्हाण आता पप्पा झालाय. सोशल मीडियावर जेव्हापासून हे कळलं तेव्हापासून फॅन्स सारखे विचारत होते, बाळ कधी दाखवणार, फोटो कधी टाकणार. आता अखेर सूरजने स्वतःहून आपल्या लेकीची झलक दाखवली आहे. त्याच्या बायकोने, संजनाने जन्माष्टमीच्या दिवशी एका गोंडस मुलीला जन्म दिला. दोघांनी तिचं नाव राधा असं ठेवलं आहे. राधा आल्यापासून सूरजच्या घरात आनंदाचं वातावरण आहे. तो बाबा झाल्यावर किती खुश आहे हे त्याच्या व्हिडिओमध्येच दिसून येतं.
सुरुवातीला बाळाचा जन्म झाला तेव्हा हॉस्पिटलमधून सुट्टी मिळाल्यावर संजना आणि बाळ दोघी आजोळी गेल्या होत्या. ही आपली पद्धतच आहे. आता जवळपास दीड महिना झाला. आणि दसऱ्याचा चांगला दिवस बघून सूरजने आपल्या दोन्ही लक्ष्मींना, म्हणजे बायको आणि लेकीला घरी आणलं.या दिवसाचं त्याने खूप प्लॅनिंग केलं होतं. साधं असं घरी आणलं नाही, तर एकदम सेलिब्रेशन केलं. त्याचा व्हिडिओ त्याने इन्स्टावर टाकला आणि काही वेळातच तो सगळीकडे पसरला. लोक सारखे तो व्हिडिओ शेअर करत आहेत.
सूरजने घर कसं सजवलं असेल याचा विचारच करा. घराच्या दारापासून आतपर्यंत फुलंच फुलं. सुंदर रांगोळ्या, लाईटचे झुम्बर, फुग्यांचं डेकोरेशन. बघणाऱ्याला वाटावं की लग्नच आहे की काय. पण ते होतं त्याच्या मुलीचं पहिलं घरात पाऊल.
Bagulbua: पहिल्यांदाच मराठीतील AI चित्रपट, ‘बागुलबुवा’ अभिजीत खांडकेकरसह 55 दमदार कलाकार झळकणार
व्हिडिओत छोटी राधा खूपच क्युट दिसते. गुलाबी कपड्यात गुंडाळलेली, शांत झोपलेली. सूरज तिला हातात घेताना त्याचे डोळे भरून आले होते. त्याने व्हिडिओला कॅप्शन दिलंय, “माझी लाडकी लक्ष्मी सोन पावलांनी घरी आली.” हे वाचून खूप जण इमोशनल झाले.
एका खेड्यातल्या साध्या पोराचा इथपर्यंतचा प्रवास पाहिला तर अभिमान वाटतो. बिग बॉस जिंकला, लग्न केलं आणि आता बाप झाला.सूरज आणि संजनाची लव्ह स्टोरीखूप जणांना माहिती नसेल, डिसेंबर 2025 मध्ये सूरज आणि संजनाचं लग्न झालं. एकदम साधं लग्न, कोणताही मोठा गाजावाजा नाही. लग्नानंतर काही महिन्यातच संजना प्रेग्नंट असल्याची चर्चा सुरू झाली.
View this post on Instagram
जान्हवीने संजनाच्या बेबी शॉवरचा, म्हणजे चोर ओटीचा एक व्हिडिओ चुकून टाकला. तेव्हा सगळ्यांना समजलं की गुड न्यूज आहे. नंतर सूरजने पण हो, मी बाबा होणार आहे हे सांगितलं. संजना पण तिचे बेबी बंपचे व्हिडिओ टाकायची.
तिचं डोहाळे जेवणाचं जेवन सुद्धा एकदम राजेशाही थाटात झालं. ते सगळं जान्हवीने स्वतः पुढे राहून केलं होतं. बिग बॉसमध्ये झालेली मैत्री तिने अजूनही जपून ठेवली आहे. जेव्हा राधा जन्माला आली तेव्हा जान्हवी पहिली व्यक्ती होती जी हॉस्पिटलमध्ये पळत गेली होती.
आता राधा घरी आली आहे. सूरजच्या आयुष्यात एक नवं पर्व सुरू झालं आहे. त्याच्या या नव्या प्रवासासाठी त्याला सगळीकडून शुभेच्छा मिळत आहेत.
