बुधवार, 21 ऑक्टोबर 2026
१५० बंकर उद्ध्वस्त, १९७ नक्षलवादी ठार; छत्तीसगडमध्ये नक्षलवाद्यांविरोधात सर्वात मोठी कारवाई
छत्तीसगडमध्ये नक्षलवाद्यांविरोधात आतापर्यंतची मोठी कारवाई करण्यात आली आहे. यात १९७ नक्षलवादी ठार झाले असून १५० हून अधित बंकर उदध्वस्त करण्यात आले आहेत. करेगुट्टा टेकडीवरही ही कारवाई करण्यात आली. दरम्यान पोलिसांनी वेगवेगळ्या लपलेल्या ठिकाणांमधून मोठ्या प्रमाणात शस्त्रे आणि दारूगोळा जप्त केला आहे, अशी माहिती छत्तीसगडचे डीजीपी अरुण देव गौतम आणि सीआरपीएफ डीजी यांनी पत्रकार परिषदेत दिली.
पाकिस्तानातून परतलेल्या BSF जवानाची नोकरी जाणार? काय आहेत प्रोटोकॉल अन् जिन्हिवा करार?
कठीण भौगोलिक परिस्थिती असूनही, करेगुट्टा टेकडीवर हे ऑपरेशन २१ दिवसांपासून सतत सुरू होते. या ऑपरेशनमध्ये केंद्रीय दलासह राज्य पोलिसांनी २१ माओवाद्यांना ठार मारले. यापैकी २८ माओवाद्यांची ओळख पटली आहे. तर ३ माओवाद्यांची ओळख अद्याप पटलेली नाही. त्यांनी सांगितले की, मारल्या गेलेल्या माओवाद्यांवर १.७२ कोटी रुपयांचे बक्षीस जाहीर करण्यात आले असल्याचं डीजीपी अरुण देव यांनी सांगितलं.
Vijay Shah News: सोफिया कुरेशींबाबत आक्षेपार्ह विधान भोवलं; मंत्री विजय शाहांना न्यायालयाचा दणका
मारले गेलेले दोन नक्षलवादी अतिशय खास आणि विभागीय पातळीचे होते. या कारवाईत महिला माओवादी देखील मारल्या गेल्या आहेत. २१४ माओवाद्यांच्या अड्डा करण्यात आला. या ठिकाणांहून एसएलआर रायफल्स व्यतिरिक्त, येथून मोठ्या प्रमाणात स्वयंचलित आणि अर्ध-स्वयंचलित शस्त्रे जप्त करण्यात आली आहेत. ४५० आयईडी व्यतिरिक्त, दलाने नक्षलवाद्यांच्या अड्ड्यांमधून वैद्यकीय-विद्युत वस्तू, नक्षलवादी साहित्य आणि नक्षलवाद्यांनी वापरलेल्या वस्तू देखील जप्त केल्या आहेत.
या कारवाईत सशस्त्र दलांचेही काही नुकसान झाले आहे. या कारवाईदरम्यान १८ सैनिक जखमी झाले आहेत. त्यांना उपचारासाठी रुग्णालयात दाखल करण्यात आले आहे. सर्वात मोठे यश म्हणजे सुरक्षा दलांनी माओवाद्यांच्या चार तांत्रिक टीटीटी तांत्रिक विभाग पथकांच्या तांत्रिक युनिट्स नष्ट केल्या आहेत. माओवाद्यांनी त्याचा वापर स्वदेशी शस्त्रे, आयईडी आणि इतर घातक वस्तू तयार करण्यासाठी केला.
