Breaking: स्वातंत्र्यदिनाआधी दिल्लीत खळबळ!; IGI विमानतळ आणि उच्च न्यायालयात बॉम्बच्या धमक्या

दिल्ली उच्च न्यायालयाचे सहसचिव ॲडव्होकेट कुणाल म्हणाले, "बॉम्बची धमकी खोटी असल्याचे दिसते. सर्व काही नियंत्रणात आहे." बॉम्ब शोधक पथके आणि श्वान पथकाद्वारे परिसराची पाहणी केली जात आहे. कोणताही तात्काळ धोका नाही.

• IGI विमानतळ टर्मिनल ३, दिल्ली उच्च न्यायालय व साकेत कार्यालयासह ५ हून अधिक ठिकाणी बॉम्बच्या धमक्या.
• बॉम्ब शोधक पथक, श्वान पथक आणि अग्निशमन दलाकडून सर्व संवेदनशील भागात कसून पाहणी.
• कोणत्याही ठिकाणी संशयास्पद वस्तू आढळली नाही; धमक्या अफवा असल्याचे स्पष्ट.

IGI Airport Terminal 3 Bomb Threat:  स्वातंत्र्य दिनाच्या एक दिवस आधी, राजधानी दिल्लीतील अनेक ठिकाणी बॉम्बच्या धमक्यांचे फोन आले आहेत. जामा नगर हाऊस, झंडेवालन बिल्डिंग, एम. बी. साकेत कार्यालय, जिल्हाधिकारी कार्यालय, आयजीआय विमानतळाचे टर्मिनल ३ आणि दिल्ली कँटोन्मेंटमधील एसडीएम कार्यालयासह पाच ठिकाणी बॉम्बच्या धमक्या मिळाल्या. फोन आल्यानंतर लगेचच बॉम्ब पथक, पोलीस आणि इतर सुरक्षा यंत्रणांना सक्रिय करण्यात आले.या ठिकाणी व्यापक शोध घेण्यात आला, परंतु कोणतीही संशयास्पद वस्तू आढळली नाही, अशी माहिती दिल्ली अग्निशमन विभागाकडून जारी करण्यात आली आहे.

उच्च न्यायालयात काय परिस्थिती आहे?

दिल्ली उच्च न्यायालयाला ईमेलद्वारे बॉम्बची धमकी मिळाली. दिल्ली उच्च न्यायालयाच्या रजिस्ट्रार जनरल यांनी तात्काळ दिल्ली पोलिसांच्या अधिकाऱ्यांशी संपर्क साधला. दरम्यान, दिल्ली उच्च न्यायालयाचे सहसचिव ॲडव्होकेट कुणाल म्हणाले, “बॉम्बची धमकी खोटी असल्याचे दिसते. सर्व काही नियंत्रणात आहे.” बॉम्ब शोधक पथके आणि श्वान पथकाद्वारे परिसराची पाहणी केली जात आहे. कोणताही तात्काळ धोका नाही.

NALSAR University Controversy: नालसार विद्यापीठ वाद तापणार! बार कौन्सिलला सर्वोच्च न्यायालया

बॉम्बच्या धमकीसंदर्भात, अधिकाऱ्यांनी  दिलेल्या माहितीनुसार, जाम नगर हाऊस, झंडेवालन बिल्डिंग, एम. बी. साकेत कार्यालय/डीएम कार्यालय आणि दिल्ली कँटोन्मेंटमधील एसडीएम कार्यालयातही धमकीचे फोन आले होते.

खरं तर, १५ ऑगस्टपूर्वी खलिस्तानच्या नावाने एक धमकीचा ईमेल आला होता. त्यात दुपारी २:११ वाजता दिल्ली उच्च न्यायालयात बॉम्बस्फोट घडवण्याचा दावा करण्यात आला होता. दुपारी ३:११ वाजता जिल्हा न्यायालयातही बॉम्बस्फोटाची धमकी देण्यात आली होती. ईमेलमध्ये १५ ऑगस्ट रोजी होणाऱ्या बॉम्बस्फोटांचा उल्लेख आहे आणि संदेशात लिहिले आहे, “दिल्ली बनाएगा खलिस्तान,” म्हणजेच “दिल्ली खलिस्तान बनेल.” इतकेच नाही, तर दिल्ली मेट्रो आणि अंबालाला जाणाऱ्या ट्रेनलाही धमकी देण्यात आली आहे.

अमित शाह आणि उच्च न्यायालयाचाही उल्लेख

धमक्यांच्या ईमेलमध्ये बब्बर खालसा (बब्बर खालसा परमार-कॅनडा) या दहशतवादी संघटनेचाही उल्लेख आहे. इतकेच नव्हे तर, केंद्रीय मंत्री अमित शाह आणि न्यायालयांविरुद्धही धमकीची भाषा वापरली आहे. ईमेलमध्ये पंजाबमधील जंडियाला गुरू यासह अनेक ठिकाणांचा उल्लेख आहे. धमकीच्या ईमेलनंतर सुरक्षा यंत्रणा हाय अलर्टवर आहेत. ईमेलची चौकशी करून पाठवणाऱ्याची ओळख पटवण्याचे प्रयत्न सुरू आहेत.

Independence Day 2026: लाल किल्ल्यावरून पाहायचा आहे स्वातंत्र्यदिन सोहळा? आत्ताच घरबसल्या बुक

दिल्लीत बॉम्बच्या धमक्या कुठे मिळाल्या?

दिल्ली उच्च न्यायालय

जाम नगर हाऊस

झंडेवालन बिल्डिंग

एम बी साकेत कार्यालय

डीएम कार्यालय

टर्मिनल ३ आयजीआय

एसडीएम कार्यालय दिल्ली कॅन्ट.

लाल किल्ला

ईमेलमध्ये काय आहे?

ईमेलमध्ये “खलिस्तान” आणि १९८४ च्या शीखविरोधी दंगलींचा उल्लेख आहे, तसेच दिल्ली मेट्रो लाईन्स आणि अंबालाहून येणाऱ्या ट्रेन्समध्ये बॉम्बस्फोट करण्याची धमकी देण्यात आली आहे. खबरदारीचा उपाय म्हणून, या धमकीनंतर सर्व ठिकाणी अग्निशमन दलाच्या गाड्या तैनात करण्यात आल्या आहेत. प्राथमिक तपासात या ठिकाणी काहीही संशयास्पद आढळले नाही.

 

राजधानीत सुरक्षा वाढवली

१५ ऑगस्टच्या पार्श्वभूमीवर दिल्ली आणि एनसीआरमध्ये सुरक्षा वाढवण्यात आली आहे. ८० व्या स्वातंत्र्यदिनाच्या पार्श्वभूमीवर अधिकारी परिस्थितीवर बारकाईने लक्ष ठेवून आहेत. देश हा प्रसंग साजरा करण्याच्या आणि लाल किल्ल्यावर पंतप्रधानांच्या पारंपरिक भाषणाच्या पार्श्वभूमीवर राष्ट्रीय राजधानीत सुरक्षा व्यवस्था कडक करण्यात आली आहे.