बुधवार, 21 ऑक्टोबर 2026
बोईंग 737 च्या रडार जॅममुळे विमान कंपन्यांना DGCA चा इशारा; विमानतळावर तणावातग्रस्त परिस्थिती ( फोटो सौजन्य : सोशल मीडिया)
भारतीय विमान वाहतूक नियामकाने बोईंग 737 जेटलाइनर चालवणाऱ्या विमान कंपन्यांना रडर घटकांशी संबंधित सुरक्षेबाबत चेतावणी दिली आहे. डायरेक्टरेट जनरल ऑफ सिव्हिल एव्हिएशन (DGCA) ने विमान कंपन्यांना संभाव्य ठप्प किंवा प्रतिबंधित रडर कंट्रोल सिस्टमबद्दल चेतावणी दिली आहे. एअरक्राफ्ट रडर ही प्राथमिक यंत्रणा आहे जी जेटचा वेग नियंत्रित करते. एअर इंडिया एक्स्प्रेस, स्पाईसजेट आणि आकाशा ही बोईंग ७३७ सीरिजची विमाने देशात चालवली जातात. DGCA ने या ऑपरेटर्सना सुरक्षितता जोखमीचे मूल्यांकन करण्यास आणि विशिष्ट प्रकारचे इन्स्ट्रुमेंट लँडिंग थांबवण्यास सांगितले आहे.
DGCA काय म्हणाले?
नागरी विमान वाहतूक महासंचालनालयाने (DGCA) या विमान कंपन्यांना सुरक्षिततेच्या जोखमीचे मूल्यांकन करण्यास आणि काही प्रकारचे इन्स्ट्रुमेंट लँडिंग थांबवण्यास सांगितले आहे. DGCA ने एका निवेदनात म्हटले आहे की, “सर्व उड्डाण कर्मचाऱ्यांना परिपत्रकाद्वारे सूचित केले गेले आहे की योग्य उपचारात्मक उपायांसह रडर नियंत्रण प्रणाली ठप्प होण्याची किंवा प्रतिबंधित होण्याची शक्यता आहे.”
हे देखील वाचा : मिसाईलमधून वाचलात तर ‘विषाने’ मराल! इस्रायलने लेबनॉनवर केला असा कहर; फोटो होत आहे व्हायरल
737 विमान म्हणजे काय?
737 विमान हे भारतामध्ये मोठ्या प्रमाणावर चालवले जाणारे हेरिटेज विमान आहे. भारतीय हवाई दल बोईंग 737 विमाने देखील चालवते आणि त्यांच्याकडे व्हीआयपी स्क्वाड्रन्स आहेत. अगदी पंतप्रधान आणि राष्ट्रपतीही 737 विमानातून उड्डाण करतात.
बोईंग 737 च्या रडार जॅममुळे विमान कंपन्यांना DGCA चा इशारा; विमानतळावर तणावातग्रस्त परिस्थिती ( फोटो सौजन्य : सोशल मीडिया)
हे देखील वाचा : एक बैठक आणि चीन-पाकिस्तानला संदेश… जयशंकर SCO समिटमध्ये सहभागी होणार नाहीत, भारताचे मोठे उद्दिष्ट
अलास्का एअरलाइन्सच्या आपघातानंतर
अलास्का एअरलाइन्सच्या बोईंग 737-9 मॅक्स विमानाचा आपत्कालीन दरवाजा हवेत उखडल्याच्या घटनेनंतर डीजीसीएने भारतीय विमान कंपन्यांना आवश्यक निर्देश दिले आहेत. या घटनेबाबत बोईंगकडून अद्याप कोणतीही माहिती किंवा स्पष्टीकरण मिळालेले नाही असे डीजीसीएने म्हटले आहे. कोणत्याही भारतीय हवाई ऑपरेटरकडे अद्याप बोईंग 737-9 मॅक्स नाही. तथापि खबरदारीचा उपाय म्हणून DGCA ने सर्व भारतीय हवाई ऑपरेटरना त्यांच्या ताफ्यात सध्या कार्यरत असलेल्या सर्व बोईंग 737-8 मॅक्स विमानांच्या आपत्कालीन निर्गमनांची तात्काळ एकदाच तपासणी करण्याचे निर्देश दिले आहेत.
